ចិនលេង4សន្លឹកដាក់គ្នារឿងប្រាក់12ម៉ឺនដុល្លារ
រាជធានីភ្នំពេញ ៖ ជនជាតិចិន២ក្រុម ដែលជាមិត្តភក្ដិនឹងគ្នា បានចោទប្រកាន់គ្នាថាបានប្លន់យកលុយអស់៨០ម៉ឺនយាន់ស្មើនឹងប្រមាណ១២ម៉ឺនដុល្លារអាមេរិក
រាជធានីភ្នំពេញ ៖ ជនជាតិចិន២ក្រុម ដែលជាមិត្តភក្ដិនឹងគ្នា បានចោទប្រកាន់គ្នាថាបានប្លន់យកលុយអស់៨០ម៉ឺនយាន់ស្មើនឹងប្រមាណ១២ម៉ឺនដុល្លារអាមេរិក
រាជធានីភ្នំពេញ ៖ ជនជាតិចិន២ក្រុម ដែលជាមិត្តភក្ដិនឹងគ្នា បានចោទប្រកាន់គ្នាថាបានប្លន់យកលុយអស់៨០ម៉ឺនយាន់ស្មើនឹងប្រមាណ១២ម៉ឺនដុល្លារអាមេរិក និងបានប្ដឹងនគរបាលខណ្ឌពោធិ៍សែនជ័យឱ្យធ្វើការឃាត់ខ្លួន ជនជាប់សង្ស័យចំនួន៥នាក់ នាំទៅសាកសួរ កាលពីវេលាម៉ោង១រំលងអធ្រាត្រឈានចូលថ្ងៃទី២៦ ខែសីហា ខណៈក្រុមជនសង្ស័យខាងលើកំពុងស៊ីផឹកនៅក្នុងហាង ចែថៃ ស្ថិតនៅមុខច្រកចូលអាកាសយានដ្ឋានអន្តរជាតិភ្នំពេញ ។
តាមប្រភពព័ត៌មានបានឱ្យដឹងថា ក្រោយពេលសាកសួរទើបដឹងសាច់រឿងខ្លះៗថា ក្នុងចំណោមជនជាតិចិនទាំង២ក្រុមនោះ គឺក្រុមម្ខាងមានកុង(គណនី)ធនាគារ ឯម្ខាងទៀតមានមុខរបរជាអ្នកលក់គ្រឿងអលង្ការកាឡៃអត់មានគណនីធនាគារនោះទេ ។ អ្នកដែលគ្មានគណនីធនាគារនេះ បានពឹងពាក់ភាគីម្ខាងទៀតដែលមានគណនីធនាគារឲ្យជួយវេរលុយចំនួន៨០ម៉ឺនយាន់ គឺប្រហាក់ប្រហែល១២ម៉ឺនដុល្លារអាមេរិក ទៅឱ្យថៅកែរបស់ខ្លួននៅឯប្រទេសចិន ។
ខណៈនោះ ភាគីដែលមានគណនីធនាគារបានទទួលការពឹងពាក់ពីមិត្តភក្ដិ ក៏បានវេរលុយចូលក្នុងគណនីទាំងអស់ ប៉ុន្តែមានចិត្តមិនស្មោះត្រង់ឡើយ ដោយក្រោយពេលវេររួចជននោះបានឱ្យដៃជើងរបស់ខ្លួនទៅបើកយកលុយនោះទាំងអស់មកវិញ ដែលនេះគឺជាការរំលោភលើទំនុកចិត្ត ។
ប្រភពដដែលបន្តថា ចំណែកម្ចាស់លុយមិនបានដឹងថាមិត្តភក្ដិរបស់ខ្លួនក្បត់បែបនេះឡើយ ហើយក្រោយពេលផ្ញើលុយឱ្យជននោះវេររួច ក៏បានប្រាប់ថៅកែរបស់ខ្លួននៅឯប្រទេសចិនឲ្យ ទៅបើកយកលុយដែលខ្លួនពឹងគេឱ្យផ្ញើនោះ ប៉ុន្តែអ្វីដែលធ្វើឱ្យមានការភ្ញាក់ផ្អើល គឺថៅកែបានឆ្លើយតបមកវិញថា បើកអត់បានទេ ព្រោះអត់មានលុយនៅក្នុងគណនីឡើយ ។
បន្ទាប់ពីទទួលបានដំណឹងគួរឱ្យភ្ញាក់ផ្អើលនេះ ម្ចាស់លុយបានទៅសួរអ្នកដែលខ្លួនពឹងនោះហើយត្រូវបានប្រាប់ថា លុយរបស់ឯងគឺជាលុយខ្មៅបើកអត់បានទេ ព្រោះពេលនេះត្រូវគេបិទគណនីចោលហើយ ។ ប៉ុន្តែទោះបីជាមានការឆ្លើយដោះសាបែបនេះក្ដី ក៏ជនជាតិចិនដែលជាម្ចាស់លុយបានទាមទារដកលុយនោះយកមកវិញ ទោះជាលុយខ្មៅក៏ដោយ ។
ប្រភពខាងលើបានបន្តថា ទាំង២ភាគីនោះមិនបានប្រាប់ឱ្យដឹងឈ្មោះឡើយ ហើយ ដោយសារតែជនរងគ្រោះកើតទុក្ខមិនសុខចិត្តកាន់តែខ្លាំង ទើបជននោះយល់ព្រមដកលុយឱ្យវិញ ហើយនៅវេលាម៉ោង៤ល្ងាចថ្ងៃទី២៥ ខែសីហា ក៏បានណាត់គ្នាទៅយកលុយនៅចំណុចសួនឧស្សាហកម្មកាណាឌីយ៉ា ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។ខណៈនោះ ជនសង្ស័យបានប្រគល់លុយខាងលើ ទៅឱ្យជនរងគ្រោះ ប៉ុន្តែបន្តិចក្រោយមក បានប្រើដៃជើងរបស់ខ្លួនឲ្យចាប់ក្រៀកជនរងគ្រោះប្លន់យកលុយនោះវិញ បន្ទាប់មកក៏នាំគ្នាជិះរថយន្ត២គ្រឿងគេចខ្លួនបាត់អស់ទៅ ។
ចំណែកជនជាតិចិនដែលជាជនរងគ្រោះ បាននាំគ្នាតាមរក រហូតដល់វេលាម៉ោង១រំលងអធ្រាត្រឈានចូលថ្ងៃទី២៦ ខែសីហា ទើបប្រទះឃើញក្រុមជនសង្ស័យកំពុងផឹកស៊ីនៅក្នុងហាង ចែថៃ ស្ថិតនៅមុខច្រកចូលអាកាសយានដ្ឋានអន្តរជាតិភ្នំពេញ ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ។ ពេលនោះក៏ប្ដឹងនគរបាលឲ្យឃាត់ខ្លួនបាន៥នាក់ ក្នុងនោះមានស្ត្រីម្នាក់ផង រួមនឹងរថយន្ត២គ្រឿងគឺម៉ាករ៉ែងរ៉ូវើរ ពណ៌ស១គ្រឿង ពាក់ស្លាកលេខ ភ្នំពេញ 2AE 5858 និងឡិចស៊ីសពណ៌ស្ករ១គ្រឿង ពាក់ស្លាកលេខ ភ្នំពេញ 2AJ 1969 ។
ក្រោយពេលឃាត់ខ្លួន កម្លាំងនគរបាលបានបញ្ជូនជនទាំង៥នាក់នេះទៅកាន់ផ្នែកព្រហ្មទណ្ឌខណ្ឌពោធិ៍សែនជ័យ ដើម្បីសាកសួរនិងកសាងសំណុំរឿង ។ ប៉ុន្តែក្រោយមកឮថា ភាគីទាំងពីរបានសម្រួលត្រូវរ៉ូវគ្នា ដោយខាងជនសង្ស័យមានខ្នងអ្នកធំជួយអន្តរាគមន៍ និងបានយល់ព្រមប្រគល់លុយនោះទៅឱ្យជនរងគ្រោះវិញ ៕
ចែករំលែកព័តមាននេះ