រាជធានីភ្នំពេញ ៖ Huawei បានរៀបចំឲ្យមានការប្រកួតបាល់ទាត់ពិសេសមួយរវាងអ្នកគាំទ្រស្មាតហ្វូន Huawei គ្រប់ស៊េរី ជាមួយរូបតំណាងកីឡាករបាល់ទាត់ដ៏ល្បីរបស់ពិភពលោក គឺ Lionel Messi ។
ព្រឹត្តិការណ៍នេះធ្វើឡើងកាលពីថ្ងៃទី២១ សីហា ២០១៦ នៅទីលានបាល់ទាត់ RAMAR FOOTBALL CLUP ខណ្ឌទួលគោក ជាមួយនឹងអ្នកចូលរួមប្រកួតប្រមាណជាង១០០នាក់ និងអ្នកគាំទ្ររាប់រយនាក់ថែមទៀតផង។
វិញ្ញាសារនៃការប្រកួតនេះ គឺតម្រូវឲ្យអ្នកគាំទ្រទាំងអស់ទាត់បាល់បញ្ចូលទីម្តងម្នាក់ៗជាមួយនឹងការទាត់បាល់របៀបទឹករលកជុំវិញផ្ទាំងរូបថតបញ្ឈររបស់កីឡាករបាល់ទាត់ដ៏ល្បីប្រចាំពិភពលោក គឺ Lionel Messi។ អ្នកដែលទទួលបានពិន្ទុតិចជាងគេនឹងត្រូវជម្រុះចេញពីកម្មវិធីប្រកួត សម្រាប់អ្នកឈ្នះក្នុងវិញ្ញាសារទីមួយ និងអាចបន្តទៅវិញ្ញាសារទីពីរ គឺការត្រេះបាល់ ចំរាញ់យកតែ២០នាក់ចុងក្រោយ ដើម្បីបន្តទៅវគ្គផ្តាច់ព្រ័ត្រ ។ អ្នកទទួលបានជ័យជំនះចុងក្រោយ១០នាក់ នឹងទទួលបានកាដូពិសេស Power Bank ពីក្រុមហ៊ុន Huawei ម្នាក់មួយៗ ។
លោក គង់ ដារ៉ា អ្នកគាំទ្រស្មាតហ្វូន Huawei ហើយក៏ជាកីឡាករចូលរួមប្រកួតក្នុងកម្មវិធីនេះ បាននិយាយថា៖ «ខ្ញុំស្រលាញ់ចូលចិត្តកីឡាបាល់ទាត់តាំងពីក្មេង ជាពិសេសលោកLionel Messi គឺជានិម្មិតរូបដ៏អស្ចារ្យបំផុតនៅក្នុងដួងចិត្តខ្ញុំ ។ ខ្ញុំពិតជាភ្ញាក់ផ្អើល និងសប្បាយរីករាយមែនទែន ពេលបានឃើញផ្ទាំងរូបលោក Lionel Messi នៅពាសពេញតារាងបាល់ទាត់។ សង្ឃឹមថា ក្រុមហ៊ុន Huawei នឹងរៀបចំកម្មវិធីប្រកួតបាល់ទាត់នេះជាបន្តបន្ទាប់ទៀត ជាពិសេសអញ្ជើញវត្តមានលោក Lionel Messi ។
លោក Jason នាយកនៃក្រុមហ៊ុន Huawei Mobile Device ប្រចាំកម្ពុជាបានឱ្យដឹងថា ដោយយល់ថាប្រទេសកម្ពុជាបច្ចុប្បន្នមានអ្នកចូលចិត្ត និងគាំទ្រកីឡាបាល់ទាត់កាន់តែច្រើនឡើងក្នុងរយៈពេលចុងក្រោយនេះ។ យើដឹងហើយថា កីឡាមិនត្រឹមតែនាំមកនូវសុខភាពប៉ុណ្ណោះទេ ប៉ុន្តែវាក៏អាចនាំមកនូវការជួបជុំគ្នា ភាពសប្បាយរីករាយ មិត្តភាព និងភាពស្និទ្ធស្នាលផងដែរ ។ ជាពិសេសយើងចង់ផ្សាភ្ជាប់អ្នកប្រើប្រាស់ស្មាតហ្វូន Huawei ជាមួយនឹងនិម្មិតរូបកីឡាករបាល់ទាត់ដ៏ល្បីល្បាញរបស់ពិភពលោក និងឯកអគ្គរាជទូតសុឆន្ទៈស្មាតហ្វូន Huawei គឺលោក Lionel Messi ហើយនាំគ្នានិយាយថា យើងប្រាកដជាអាចធ្វើបាន (Make it possible)។
សូមបញ្ជាក់ដែរថា កម្មវិធីប្រកួតបាល់ទាត់លើកទី១ របស់ក្រុមហ៊ុនទូរស័ព្ទស្មាតហ្វូន Huawei នាថ្ងៃនេះ ត្រូវបានចូលរួមដោយកីឡាករអាជីព តារាបង្ហាញម៉ូដ និងប្រិយមិត្តក្រុមហ៊ុន Huawei ដែលនេះ គឺជាការបង្ហាញនូវស្មារតីស្រលាញ់រាប់អាន និងភាពស្និទ្ធស្នាលរបស់អ្នកគាំទ្រ និងក្រុមហ៊ុនទូរស័ព្ទស្មាតហ្វូន Huawei ។ ក្រុមហ៊ុន Huawei នឹងខិតខំបង្កើតឲ្យមានកម្មវិធីប្លែកៗ និងសប្បាយរីករាយថែមទៀត ដើម្បីរឹតចំណងមិត្តភាព និងបង្កើនភាពកាន់តែស្និទ្ធស្នាលរវាងក្រុមហ៊ុន និងប្រិយមិត្តអ្នកគាំទ្រ។
ចែករំលែកព័តមាននេះ