ពួកអ្នកជួយសង្គ្រោះអីុតាលីមានក្តីរីករាយជាខ្លាំងកាលពីថ្ងៃទី២៥ សីហា ក្រោយពីកាយរកឃើញនិងជួយសង្គ្រោះកុមារីអាយុ១០ឆ្នាំម្នាក់ពីក្រោមគំនរបាក់បែកដោយសារការរញ្ជួយដីយ៉ាងខ្លាំងមួយនៅភាគកណ្តាលប្រទេស ។
ការរញ្ជួយដីកម្លាំង៦,២រីស្ទ័រនោះ បណ្តាលឱ្យអ្នកស្លាប់ឡើងដល់២៥០នាក់ ហើយប៉ះពាល់ខ្លាំងបំផុតដល់ទីក្រុង៣គឺក្រុង PESCARA DEL TRONTO AMATRICE និងACCUMOLI ។ អគារប្រវត្តិសាស្ត្រដល់ទៅ២៩៣ ក៏រងការខូចខាតឬត្រូវបំផ្លាញផងដែរ ។
កុមារីរកឃើញនៅរស់ជាប់ក្រោមគំនរបាក់បែកនៅក្រុង PESCARA DEL TRONTO ចាប់តាំងពីជាង១៧ម៉ោងមកហើយ ។ គេបានស្តាប់ឮសំឡេងអ្វីមួយក្រោមគំនរបាក់បែកហើយប្រឹងកាយប្រទះឃើញក្មេងស្រីនោះ ។ មនុស្សម្នាបាននាំគ្នាចោមរោម ហើយត្រេកអរព្រោះឃើញក្មេងស្រីនោះមានសុខភាពល្អក្នុងដៃក្រុមអ្នកជួយសង្គ្រោះ ។
រដ្ឋមន្ត្រីសុខាភិបាលអុីតាលីនិយាយប្រាប់ BBC ថាជនរងគ្រោះជាច្រើនដោយការរញ្ជួយដីនេះជាកុមារ ៕
ចែករំលែកព័តមាននេះ