បន្ទាប់ពីការបា.ញ់សាកមីស៊ីលបាលីស្ទីកចេញពីនាវាមុជទឹកមួយគ្រឿងដែលមីស៊ីលនោះអាចហោះបានចម្ងាយ៥០០គ.មហើយកូរ៉េខាងជើងចាត់ទុកជាជោគជ័យសំខាន់របស់ខ្លួន កាសែតផ្លូវការរបស់បក្សពលករកូរ៉េ
បន្ទាប់ពីការបាញ់សាកមីស៊ីលបាលីស្ទីកចេញពីនាវាមុជទឹកមួយគ្រឿងដែលមីស៊ីលនោះអាចហោះបានចម្ងាយ៥០០គ.មហើយកូរ៉េខាងជើងចាត់ទុកជាជោគជ័យសំខាន់របស់ខ្លួន កាសែតផ្លូវការរបស់បក្សពលករកូរ៉េ RODONG SINMUN បានចេញផ្សាយនាថ្ងៃទី២៥ សីហា នូវរូបថត២៤សន្លឹកដែលបង្ហាញពីមោទនភាពរបស់ប្រទេស ។
ជាមួយការផ្សាយរូបភាពទាំងនោះកាសែតនេះសរសេរថា សមមិត្តគីម ជុងអ៊ុន បានទៅកាន់ទីតាំងបង្ហោះជាថ្មីម្តងទៀតទោះមានរលកសមុទ្រធំៗនិងភាពងងឹតក្តី ដើម្បីត្រួតពិនិត្យការបាញ់មីស៊ីលនោះចេញពីនាវាមុជទឹកមួយគ្រឿង។
កាសែតនោះរបស់កូរ៉េខាងជើងពុំបានបញ្ជាក់កាលបរិច្ចេទនៃរូបថតទាំងនោះឡើយ ក៏ប៉ុន្តែប្រហែលជារូបថតដែលថតកាលពីថ្ងៃទី២៤ សីហា ពេលបាញ់សាកមីស៊ីលសមុទ្រ-ដីបាលីស្ទីកយុទ្ធសាស្ត្រ MSBS នោះ ។ រូបភាពទាំងនេះបង្ហាញពីការប្រព្រឹត្តទៅនៃការបាញ់ពិសេសដំណាក់កាលផ្សេងៗនៃការហោះរបស់មីស៊ីល និងមជ្ឈមណ្ឌលទីបញ្ជាការដែលមេដឹកនាំកូរ៉េខាងជើង ស្ថិតនៅទីនោះរួមជាមួយបណ្តាជំនួយការ និងមូលដ្ឋានដែលនាវាមុជទឹកនោះវិលមកវិញ ក្រោយការបាញ់មីស៊ីលរួចហើយ ។ តួមីស៊ីលមានចារអក្សរថា PUKKUKSON មានន័យថា ផ្កាយរបស់ប៉ូល ។ លោកគីម ជុងអ៊ុន តាមដានការបាញ់សាកនោះតាមរយៈកែវយិត ។ លោកគីម ជុងអ៊ុន បានចាប់អោបលោក KIM JONG SIK អនុប្រធានគណៈកម្មាធិការយោធាកណ្តាលរបស់បក្សសម្តែងក្តីត្រេកអរចំពោះជោគជ័យនោះ ៕
ចែករំលែកព័តមាននេះ