រាជធានីភ្នំពេញ ៖ យោងតាមដីកានិងសាលដីកាសម្រេចមិនឃុំខ្លួនរបស់តុលារសាលាដំបូងរាជធានីភ្នំពេញនិងសាលាឧទ្ធរណ៍លើបទល្មើសព្រហ្មទណ្ឌរឿងក្លែងឯកសារសាធារណះប្រព្រឹត្តនៅរាជធានីភ្នំពេញ
រាជធានីភ្នំពេញ ៖ យោងតាមដីកានិងសាលដីកាសម្រេចមិនឃុំខ្លួនរបស់តុលារសាលាដំបូងរាជធានីភ្នំពេញនិងសាលាឧទ្ធរណ៍លើបទល្មើសព្រហ្មទណ្ឌរឿងក្លែងឯកសារសាធារណះប្រព្រឹត្តនៅរាជធានីភ្នំពេញ ដែលមានជនជាប់ចោទឈ្មោះង៉ែត សំណាង ហៅសី សុន ភេទប្រុស អាយុ៥៣ឆ្នាំ មានទីលំនៅផ្ទះលេខ៩៣ ផ្លូវ៤៨២ សង្កាត់ផ្សារដើមថ្កូវ ខណ្ឌចំការមន ជាហេតុធ្វើឲ្យជនល្មើសនិងបក្ខពួកដែលបានរួមគំនិតគ្នាក្លែងឯកសារមិនរាងចាល ហើយព្យាយាមមើលងាយលើភាគីម្ខាងទៀតដែលជាដើមបណ្តឹងដូចសត្វធាតុ ដោយសារតុលាការសម្រេចសេចក្តីមិនយុត្តិធម៌តាមច្បាប់និងឯកសារបញ្ជាក់របស់នគរបាលប៉ុស្តិ៍រដ្ឋបាលផ្សារដើមថ្កូវ ។
ទាក់ទិននឹងការសម្រេចសេចក្តីខាងលើនេះស្ត្រីឈ្មោះអ៊ីវ ស្រឺុ អតីតភរិយាមិនបានចុះសំបុត្រអាពាហ៍ពិពាហ៍ជាមួយឈ្មោះ ង៉ែត សំណាង ប៉ុន្តែមានលិខិតបញ្ជាក់ទទួលដឹងឮការរស់នៅជាមួយគ្នាជាប្តីប្រពន្ធនិងសិទ្ធិកាន់កាប់ប្រើប្រាស់គ្រប់គ្រងដីឡូត៍លេខ៤៨និងលេខ៩៣ ស្ថិតក្នុងភូមិ៣ សង្កាត់ផ្សារដើមថ្កូវ ខណ្ឌចំការមនពីសំណាក់លោកមេភូមិ៣ លោកចៅសង្កាត់ផ្សារដើមថ្កូវនិងលោកអភិបាលខណ្ឌចំការមនជាភស្តុតាងច្បាស់លាស់ បានដាក់ពាក្យសុំលែងលះនិងចែកទ្រព្យសម្បត្តិគ្នាជាមួយអតីតប្តីឈ្មោះង៉ែត សំណាង ហៅសី សុន រហូតត្រូវបានសាលាដំបូងរាជធានីភ្នំពេញចេញសាលក្រមឲ្យអ្នកទាំងពីរធ្វើការបែងចែកទ្រព្យរួមជាមួយគ្នាជាពីរចំណែកស្មើរៗគ្នា ។ ប៉ុន្តែការសម្រេចរបស់សាលាដំបូង ឈ្មោះង៉ែត សំណាង បានប្តឹងជំទាស់ទៅសាលាឧទ្ធរណ៍ ហើយបានក្លែងឯកសារសៀភៅស្នាក់នៅបន្លំថាខ្លួនមិនមែនជាប្តីប្រពន្ធជាមួយឈ្មោះអ៊ីវ ស្រឺុ ឡើយ ជាហេតុធ្វើឲ្យសាលាឧទ្ធរណ៍កាត់ក្តីមានការភាន់ច្រឡំ ដោយសម្រេចលុបចោលសាលក្រមរបស់សាលាដំបូងរាជធានីភ្នំពេញក្នុងការបែងចែកទ្រព្យសម្បត្តិជូនឈ្មោះអ៊ីវ ស្រឺុ និងឈ្មោះង៉ែត សំណាង។ ករណីនេះជារឿងអយុត្តិធម៌ខ្លាំងណាស់សម្រាប់ស្ត្រីឈ្មោះអ៊ីវ ស្រឺុ ទើបរូបគាត់បានពឹងពាក់មេធាវីរៀបចំឯកសារដាក់ប្តឹងឈ្មោះ សី សុន រឿងក្លែងឯកសារសាធារណៈ តែត្រូវបានចៅក្រមនិងតំណាងអយ្យការសម្រេចមិនឃុំខ្លួនជនល្មើសឡើយ។ បញ្ហានេះក្រុមអ្នកច្បាប់បានលើកឡើងថា តុលាការអនុវត្តន៍នីតិវិធីមិនយុត្តិធម៌ជូនគូភាគីទេ ដើម្បីផ្តល់យុត្តិធម៌ពិតប្រាកដជូនគូភាគីនិងដើម្បីលុបបំបាត់អំពើពុករលួយ បក្ខពួកនិយមនៅក្នុងប្រព័ន្ធតុលាការស្របតាមយុទ្ធសាស្ត្រកែទម្រង់របស់រាជរដ្ឋាភិបាលសព្វថ្ងៃ ក្រុមអ្នកច្បាប់ប្រចាំឲ្យអង្គការក្នុងស្រុកមួយសុំមិនបញ្ចេញឈ្មោះ បានស្នើសុំទៅក្រសួងយុត្តិធម៌និងសម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលកំពុងបង្កើតភាពស្និទ្ធិស្នាលជាមួយពលរដ្ឋសាមញ្ញ សូមមេត្តាជួយអន្តរាគមន៍លើរឿងដ៍អយុត្តិធម៌ខាងលើនេះ ជូនកូនចៅរបស់សម្តេចផង ដើម្បីបានស្មើភាពគ្នាតាមរយៈបណ្តាញសារព័ត៌មានដ៏ទំនើបនាពេលបច្ចុប្បន្ន។
គួរបញ្ជាក់បន្ថែមថាឈ្មោះអ៊ីវ ស្រឺុ បានប្តឹងឈ្មោះង៉ែត សំណាង ហៅសី សុន ទៅសាលាដំបូងរាជធានីភ្នំពេញពីបទក្លែងឯកសារសារធារណៈ ហើយត្រូវបានតំណាងអយ្យការអមសាលាដំបូរាជធានីភ្នំពេញចោទប្រកាន់ពីបទក្លែងឯកសារសារណៈប្រព្រឹត្តនៅរាជធានីភ្នំពេញ តែទាំងតំណាងអយ្យការគឺលោក កុល បុន ព្រះរាជអាជ្ញារងអមសាលាដំបូងរាជធានីភ្នំពេញ និងលោកចៅក្រមស៊ើបសួរសាលាដំបូងរាជធានីភ្នំពេញគឺ លោកថាន់ ឡេង បានសម្រេចមិនឃុំខ្លួនជនត្រូវចោទក្នុងបទល្មើសក្លែងនេះឡើយ។ដោយសារតែបញ្ហានេះហើយ ទើបស្ត្រីឈ្មោះអ៊ីវ ស្រឺុ បានប្តឹងជំទាស់ចំពោះការសម្រេចមិនឃុំខ្លួនឈ្មោះសី សុន ដែលតុលាការរកឃើញថាមានបទល្មើសរួចហើយទៅសាលាឧទ្ធរណ៍។
តែជាលទ្ធផលគឺនៅព្រឹកថ្ងៃទី២៥សីហា ២០១៦នេះ ចៅក្រមសាលាឧទ្ធរណ៍សម្រេចតម្កល់ដីកាសម្រេចមិនឃុំខ្លួនតាមតុលាការថ្នាក់ក្រោមដដែល ហើយថែមទាំងប្រើពាក្យសំដីការពារតុលាកាដូចគ្នានោះថែមទៀត។ សង្ឃឹមថាក្រសួងយុត្តិធម៌និងសម្តេចហ៊ុន សែន ប្រាកដជាជួយដល់ស្ត្រីឈ្មោះអ៊ីវ ស្រឺុ ដែលមានកូនប្រុសស្រី៤នាក់សុទ្ធសឹងជាយុវជនគាំទ្រសម្តេចហ៊ុន សែន ទាំងអស់គ្នាជាក់ជាពុំខានឡើយ ព្រោះក្រុមអ្នកច្បាប់សង្កេតឃើញថា នៅមាននីតិវិធីដែលតុលាការសម្រេចឃុំខ្លួនជនល្មើសបាន៕
ចែករំលែកព័តមាននេះ