រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី២៥ សីហា ២០១៦ បានលើកយកសំណុំរឿងជំនួញឥទ្ធិពលសកម្ម និងជំនួញឥទ្ធិពលអកម្ម មកបើកសវនាការជំនុំជម្រះទោសលើជនត្រូវចោទចំនួន២នាក់ ។
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី២៥ សីហា ២០១៦ បានលើកយកសំណុំរឿងជំនួញឥទ្ធិពលសកម្ម និងជំនួញឥទ្ធិពលអកម្ម មកបើកសវនាការជំនុំជម្រះទោសលើជនត្រូវចោទចំនួន២នាក់ ។
ជនដែលត្រូវចោទក្នុងសំណុំរឿងនេះ ម្នាក់ឈ្មោះពេជ្រ ព្រហ្មមុនី អតីតឧត្តមសេនីយ៍យោធា ដែលជាគ្រូមន្តអាគមអូមអាម និងជាមនុស្សជំនិតបំផុតរបស់លោកអាំង មាលតី អតីតប្រធានសាលាដំបូងរាជធានីភ្នំពេញ និងម្នាក់ឈ្មោះកែវ សារី (ម្តាយឧកញ៉ា ថោង សារ៉ាត់) ។
ប្រធានក្រុមប្រឹក្សាជំនុំជម្រះលោកយិន សារឿន, លោកប៊ុន ធី និងលោកសាន សុផាត ចៅក្រមអមក្រុមបឹក្សា តំណាងអយ្យការ គឺលោក ហ៊ឹង ប៊ុនថន ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ។ សវនាការបាន និងកំពុងសាកសួរដេញដោលលើជនជាប់ចោទ២នាក់ ពេជ្រ ព្រហ្មមុនី និងកែវ សារី អមដោយមេធាវីការពារក្តី ។ បទល្មើសជំនួញឥទ្ធិពលសកម្ម និងអកម្មផ្តើមចេញពីជនជាប់ចោទ២នាក់ មានការទំនាក់ទំនងគ្នាផ្តល់លុយកាក់តាមរូបភាព ។
ដំបូងឡើយ ជនជាប់ចោទឈ្មោះកែវ សារី ២នាក់ប្តីប្រពន្ធឈ្មោះថោង ចំរើន ត្រូវសមត្ថកិច្ចចាប់ខ្លួន ដាក់ពន្ធនាគារពាកព័ន្ធកាន់កាប់ និងរក្សាទុកអាវុធ ដោយគ្មានច្បាប់អនុញ្ញាត ។ បន្ទាប់មក សាលាដំបូងដោះលែងឱ្យនៅក្រៅឃុំជាបណ្តោះអាសន្ន តែដាក់ឲ្យស្ថិតក្រោមការត្រួតពិនិត្យតាមផ្លូវតុលាការ ។
ចន្លោះពេលបានរស់នៅក្រៅឃុំ ជនជាប់ចោទ២នាកប្តីប្រពន្ធបានពិភាក្សាគ្នា រកគ្រូអូមអាមឱ្យមើល (ហុងស៊ុយ) ក្នុងផ្ទះ ដើម្បីរៀបចំលើករាសីឡើងវិញ ។ ពេលនោះ ជនជប់ចោទឈ្មោះកែវ សារី បាននិយាយពឹងពាក់លោកមេធាវី រស់ ផល្លា ឲ្យជួយរកគ្រូ បានជាលោករស់ ផល្លា នាំគ្រូអូមអាម ពេជ្រ កែវ មុនី ទៅផ្ទះអ្នកស្រីកែវ សារី តាមការគ្រោងទុក ។
ក្នុងសវនាការជនជាប់ចោទបានឆ្លើយថា ពេលទៅដល់ផ្ទះអ្នកស្រីកែវ សារី គ្រូអូមអាមបានធ្វើកិច្ចការដូចអ្វីដែលក្រុមគ្រួសារអ្នកស្រី កែវ សារី បានរៀបចំ ។ លុះពេលចប់ការងារហើយ អ្នកស្រីកែវ សារី មានជាកាដូសម្រាប់ជូនសគុណទៅគ្រូអូមអាម ដែលក្នុងកាដូនោះ មានស្រោមសំបុត្រ៣ ស្រោមសំបុត្រ១ សម្រាប់គ្រូមន្តអាគមន៍ (ពេជ្រ ព្រហ្មមុនី) មានទឹកប្រាក់ចំនួន១.០០០ដុល្លារអាមេរិក និងស្រោមសំបុត្រទី២ ជួនសគុណទៅមេធាវី រស់ ផល្លា ចំនួន៥០០ដុល្លារអាមេរិក និងស្រោមសំបុត្រទី៣ ចម្លើយបានត្រឹមថាមិនដឹង ។
អង្គហេតុបានឱ្យដឹងទៀតថា រឿងស្រោមសំបុត្រ៣នោះ អ្នកស្រីកែវ សារី ២នាក់ប្តីប្រពន្ធពេលបានចេញពីពន្ធនាគារចំថ្ងៃចូលឆ្នាំចិន អ្នកស្រីកែវ សារី បានចូលគ្រូអូមអាម និងលោកមេធាវី ជាកាដូសម្រាប់ចូលឆ្នាំចិន-វៀតណាម ។
ទោះជាយ៉ាងណា ការចាប់ខ្លួនរបស់អង្គភាពប្រឆាំងអំពើពុករលួយបានចោទប្រកាន់ថា ពាក់ព័ន្ធបទជំនួញឥទ្ធិពលសកម្ម និងអកម្ម បានជាសំណុំរឿងនេះ ត្រូវលើកយកមកបើកសវនាការជាសាធារណៈ ដើម្បីសម្រេចផ្តន្ទាទោសលើជនត្រូវចោទ ។ ក្រោយពីសាកសួរដេញដោលពេញមួយព្រឹកចប់សព្វគ្រប់ ប្រធានក្រុមប្រឹក្សាបានលើកពេលប្រកាសសាលក្រមទៅថ្ងៃទី៥ កញ្ញា ២០១៦ ខាង
មុខនេះ ។
ចែករំលែកព័តមាននេះ