ផ្សិតនេះហើយ ដែលបំបែកឯតទគ្គកម្មពិភពលោក
AFP ផ្សាយថា បុរសអូស្ត្រាលីម្នាក់ជីកឃើញផ្សិត «Truffle» ពណ៌ខ្មៅ ទម្ងន់១,៥គីឡូក្រាម និងអាចបំបែកឯតទគ្គកម្មនៅលើពិភពលោក ។
AFP ផ្សាយថា បុរសអូស្ត្រាលីម្នាក់ជីកឃើញផ្សិត «Truffle» ពណ៌ខ្មៅ ទម្ងន់១,៥គីឡូក្រាម និងអាចបំបែកឯតទគ្គកម្មនៅលើពិភពលោក ។
AFP ផ្សាយថា បុរសអូស្ត្រាលីម្នាក់ជីកឃើញផ្សិត «Truffle» ពណ៌ខ្មៅ ទម្ងន់១,៥គីឡូក្រាម និងអាចបំបែកឯតទគ្គកម្មនៅលើពិភពលោក ។
បុរសសំណាងល្អដែលរកឃើញផ្សិតនោះ គឺលោក Stuart Dunbar បានបញ្ជាក់ថា លោកដឹងតាំងពីខែកុម្ភៈថា មានផ្សិត «Truffle» នៅក្នុងដីបរិវេណនោះ ប៉ុន្តែទើបតែចាប់ផ្តើមជីក កាលពីថ្ងៃទី១៨ សីហា ២០១៦ ផ្សិតនោះបានរីកធំធាត់យា៉ងពេញលេញ និងមានក្លិនក្រអូប ។
លោក Dunbar ឱ្យដឹងថា លោកធ្លាប់ជីកបានផ្សិត Truffle ទម្ងន់ ៧២០ក្រាម មានរូបរាងស្អាត និងទទួលទានបាន ប៉ុន្តែមិនដឹងថា តើមានអ្នកណាផ្សេងទៀតនៅអូស្ត្រាលី ឬនៅកន្លែងផ្សេងជីករកឃើញផ្សិតប្រភេទនេះដែរ ឬអត់ទេ ? ទោះបីជាមានអ្នកប្រទះឃើញផ្សិត «Truffle» ពណ៌សធំជាងនេះក៏ដោយ ប៉ុន្តែ «Truffle» ពណ៌ខ្មៅរបស់លោក Dunbar បំបែកឯតទគ្គកម្មផ្សិតប្រភេទដូចគ្នា ដែលជីកឃើញនៅភូមិភាគ «Perigord» ប្រទេសបារាំង កាលពីឆ្នាំ២០១២ កន្លងមក មានទម្ងន់ ១,២៧គីឡូក្រាម ។
ផ្សិតរបស់លោក Dunbar អាចលក់បានក្នុងតម្លៃ៣.០០០ដុល្លារអូស្ត្រាលី ឬ២.២៨៥ដុល្លារអាមេរិក ។ ចំពោះផ្សិត «Truffle» ពណ៌ខ្មៅនោះមានគុណភាពល្អ និងមានក្លិនក្រអូប បង្កប់ដោយរសជាតិរបស់ដី (Earthy Flavor) ស្រដៀងនឹងស្ករសូកូឡា ។ លោក Dunbar បានសម្រេចចិត្តយកផ្សិតនោះទៅត្រាំក្នុងស្រា «Vodka» ដើម្បីទទួលទាន ៕
ចែករំលែកព័តមាននេះ