តាមការសិក្សាស្រាវជ្រាវមួយបានបង្ហាញថា ពិសាភេសជ្ជៈបង្កើនថាមពលដែលមានផ្ទុកសារធាតុកាហ្វេអុីនច្រើនអាចធ្វើឱ្យដំណើរលោតរបស់បេះដូងផ្លាស់ប្តូរខុសប្រក្រតី ។
ចូលរួមក្នុងកិច្ចប្រជុំប្រចាំឆ្នាំរបស់អង្គការ
តាមការសិក្សាស្រាវជ្រាវមួយបានបង្ហាញថា ពិសាភេសជ្ជៈបង្កើនថាមពលដែលមានផ្ទុកសារធាតុកាហ្វេអុីនច្រើនអាចធ្វើឱ្យដំណើរលោតរបស់បេះដូងផ្លាស់ប្តូរខុសប្រក្រតី ។
ចូលរួមក្នុងកិច្ចប្រជុំប្រចាំឆ្នាំរបស់អង្គការ Radiological Society អាមេរិកខាងជើង ក្រុមអ្នកស្រាវជ្រាវមកពីសាកលវិទ្យាល័យ University of Bonn នៅប្រទេសអាល្លឺម៉ង់បានបញ្ជាក់ថា ក្មេងៗនិងមនុស្សធំមួយចំនួនដែលមានបញ្ហាសុខភាពគួរជៀសវាងទទួលទានបណ្តាភេសជ្ជៈប៉ូវកម្លាំង ។
នៅក្នុងការពិសោធទ្រង់ទ្រាយតូចលើមនុស្ស១៧នាក់ ក្រុមអ្នកស្រាវជ្រាវខាងលើបានរកឃើញថា រយៈពេល១ម៉ោងបន្ទាប់ពីទទួលទានភេសជ្ជៈប៉ូវកម្លាំង ដំណើរកន្ត្រាក់បេះដូងអ្នកស្ម័គ្រពិសោធមានសភាពខ្លាំងក្លាឡើងៗពោលគឺ ផ្នែកនៃបេះដូងដែលមាននាទីសប់ឈាមចែកចាយទៅរាងកាយ(ថតឆ្វេងបេះដូង)កន្ត្រាក់ខ្លាំងទៅៗ ១ម៉ោងក្រោយពីការទទួលទានភេសជ្ជៈ ។
សមាជិកក្រុមអ្នកស្រាវជ្រាវ វេជ្ជបណ្ឌិត Jonas Dorner មានប្រសាសន៍ថា៖ «រហូតមកដល់ពេលនេះ យើងមិនទាន់បានដឹងឱ្យពិតប្រាកដថា តើជាអ្វីដែលភេសជ្ជៈប៉ូវកម្លាំងមានប្រសិទ្ធភាពទៅលើមុខងាររបស់បេះដូង ។ បរិមាណនៃសារធាតុកាហ្វេអុីនក្នុងភេសជ្ជៈប៉ូវកម្លាំងត្រូវគេដឹងថា មានរហូតដល់ទៅបីដងខ្ពស់ជាងនៅក្នុងកាហ្វេឬភេសជ្ជៈកូកាកូឡា ។ មានផលប៉ះពាល់ជាច្រើនដែលកើតចេញពីការទទួលទានភេសជ្ជៈមានសារធាតុកាហ្វអីុនខ្ពស់ក្នុងនោះរួមមាន ចង្វាក់បេះដូងដើរញាប់ ការញ័រដើមទ្រូង សម្ពាធឈាមឡើងខ្ពស់ជាពិសេសជួបករណីធ្ងន់ធ្ងរមួយផ្សេងទៀតគឺស្លាប់ភ្លាមៗដោយគាំងបេះដូង» ។
លោកវេជ្ជបណ្ឌិត Dorner បានបន្ថែមទៀតថា៖ «យើងបានបង្ហាញថា ការប្រើប្រាស់បណ្តាភេសជ្ជៈប៉ូវកម្លាំងគនឹងផ្តល់ផលប៉ះពាល់រយៈពេលខ្លីដល់ដំណើរលោតរបស់បេះដូង ។ យ៉ាងណា យើងនៅមិនដឹងច្បាស់អំពីរបៀបឬក៏ដំណើរកន្ត្រាក់ដ៏ខ្លាំងក្លាបែបនេះបានប៉ះពាល់ទៅលើសកម្មភាពប្រចាំថ្ងៃឬការប្រកួតរបស់កីឡាករ-កីឡាការិនីនោះទេ» ៕
ចែករំលែកព័តមាននេះ