ខេត្ដកែប ៖ ក្រុមហ៊ុន GGear នៅតែបន្តចូលរួមសកម្មភាពសប្បុរសធម៌ក្នុងសង្គមជាមួយក្រុមគ្រូពេទ្យស្ម័គ្រចិត្តយុវជនសម្ដេចតេជោ ដោយចុះពិនិត្យនិងព្យាបាលជំងឺដោយឥតគិតថ្លៃជូនបងប្អូនប្រជាពលរដ្ឋដែលរស់នៅក្នុងទីជនបទដាច់ស្រយាលដែលពុំមានលទ្ធភាពមកព្យាបាលជំងឺនៅទីក្រុង ។
ជាក់ស្ដែងកាលពីព្រឹកថ្ងៃទី២១ ខែសីហា ឆ្នាំ២០១៦ កន្លងទៅថ្មីៗនេះ ក្រុមហ៊ុន LG Electronics និងក្រុមហ៊ុន GGear ក៏បានចូលរួមជាមួយក្រុមគ្រូពេទ្យស្ម័គ្រចិត្តយុវជនសម្ដេចតេជោចុះជួយពិនិត្យព្យាបាលជំងឺ និងផ្ដល់ថ្នាំជូនដោយឥតគិតថ្លៃជូនបងប្អូនប្រជាពលរដ្ឋនៅស្រុកដំណាក់ចង្អើរ ខេត្ដកែប ។ នាព្រឹកនោះដែរ យើងសង្កេតឃើញថាមានបងប្អូនប្រជាពលរដ្ឋយ៉ាងច្រើនកុះករអញ្ជើញមកពិនិត្យ និង ព្យាបាលជំងឺដែលក្នុងនោះមានដូចជា ជំងឺទូទៅ វះកាត់ខ្នាតតូច ព្យាបាលជំងឺមាត់ធ្មេញ ព្យាបាលភ្នែក ច្រមុះ បំពង់ក ពិនិត្យអេកូស្ត្រីមានផ្ទៃពោះ និងរោគស្ត្រី ។
ក្រុមហ៊ុន LG នៅតែបន្តជួយដល់កិច្ចការសង្គមទាំងទីជិតនិងទីឆ្ងាយ និងរួមចំណែកដើម្បីសម្រួលដល់ប្រជាជនក្នុងការព្យាបាលជំងឺ និងការថែទាំសុខភាព ។ យើងនៅតែបន្តសកម្មភាពមនុស្សធម៌នេះឲ្យបានច្រើនបំផុតតាមដែលអាចធ្វើទៅបាន ។
ចែករំលែកព័តមាននេះ