លោកពៅ គីសាន់ ខំសម្តែងរហូតជាប់ចង្កេះដើរមិនរួច
រាជធានីភ្នំពេញ ៖ តារាភាពយន្តជើងចាស់ដែលល្បីល្បាញតាមរយៈតួអង្គកាចលោកពៅ គីសាន់ ហៅនាយឆើត បានទទួលអំណោយពីសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា
រាជធានីភ្នំពេញ ៖ តារាភាពយន្តជើងចាស់ដែលល្បីល្បាញតាមរយៈតួអង្គកាចលោកពៅ គីសាន់ ហៅនាយឆើត បានទទួលអំណោយពីសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា
រាជធានីភ្នំពេញ ៖ តារាភាពយន្តជើងចាស់ដែលល្បីល្បាញតាមរយៈតួអង្គកាចលោកពៅ គីសាន់ ហៅនាយឆើត បានទទួលអំណោយពីសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បន្ទាប់ពីធ្លាក់ខ្លួនឈឺ និងកំពុងសម្រាកព្យាបាលនៅក្នុងគេហដ្ឋាន។
អំណោយរបស់សម្តេចកិត្តិព្រឹទ្ធបណ្ឌិតនាំទៅជូនលោកពៅ គីសាន់ តាមរយៈលោកជំទាវម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា កាលពីរសៀលថ្ងៃទី២២ ខែសីហា ឆ្នាំ២០១៦ ។
អំណោយសប្បុរសធម៌របស់សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ប្រធានកាកបាទក្រហមកម្ពុជា រួមមានប្រាក់ ទឹកដោះគោ និងទឹកផ្លែឈើមួយចំនួនជូនលោកពៅ គីសាន់ ហៅនាយឆើត ដែលកំពុងមានជំងឺសម្រាកនៅគេហដ្ឋានស្ថិតក្នុងភូមិត្រពាំងអារក្ស សង្កាត់ឪឡោក ខណ្ឌពោធិ៍សែនជ័យ រាជធានីភ្នំពេញ ។
នាឱកាសនោះលោកជំទាវអគ្គលេខាធិការរងទី១ កាកបាទក្រហមបានផ្តាំផ្ញើការសាកសួរសុខទុក្ខ និងក្តីនឹករឭកពីសម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជា ដែលជានិច្ចកាលតែងតែយកចិត្តទុកដាក់ចំពោះសិល្បករជើងចាស់ ដែលបន្សល់ទុកស្នាដៃសិល្បៈសម្រាប់កូនចៅជំនាន់ក្រោយ ។ លោកជំទាវផ្តាំផ្ញើដល់លោកពៅ គីសាន់ ក៏ដូចជាសិល្បករ-សិល្បការិនីទាំងអស់ ឱ្យយកចិត្តទុកដាក់ថែទាំសុខភាពឱ្យបានល្អ យកពេលវេលាសម្រាកឱ្យបានគ្រប់គ្រាន់ទោះជាមមាញឹកជាមួយការងារសិល្បៈខ្លាំងយ៉ាងណាក៏ដោយ ។
លោកពៅ គីសាន់ និងក្រុមគ្រួសារបានថ្លែងអំណរគុណយ៉ាងជ្រាលជ្រៅចំពោះសម្តេចកិត្តិព្រឹទ្ធបណ្ឌិត ដែលជានិច្ចកាលយកចិត្តទុកដាក់ចំពោះសុខទុក្ខប្រជាពលរដ្ឋ និងគិតគូរជាប់ជានិច្ចចំពោះសិល្បករគ្រប់រូបដែលជួបការលំបាកដោយមិនប្រកាន់និន្នាការនយោបាយអ្វីឡើយ ។
លោកពៅ គីសាន់ ហៅនាយឆើត ត្រូវក្រុមគ្រួសារបញ្ជូនទៅកាន់មន្ទីរពេទ្យ ភ្លាមៗ បន្ទាប់ពីលោកជាប់ចង្កេះមិនអាចកម្រើកបានពេលសម្តែងក្នុងរឿង«សង្គ្រាមបេះដូង» របស់ផលិតកម្ម ខ្មែរមេគង្គ កាលពីពេល ថ្មីៗកន្លងមក ។
បន្ទាប់ពីសម្រាកព្យាបាលនៅក្នុងមន្ទីរពេទ្យបានមួយរយៈខ្លីលោកពៅ គីសាន់ត្រូវក្រុមគ្រួសារបញ្ជូនទៅព្យាបាលនៅគេហដ្ឋានវិញ ខណៈពេលអាការជំងឺធូរស្បើយបន្តិច ។
តារាសម្តែងដែលទស្សនិកជនធ្លាប់តែឃើញសម្តែងជាតួកាច លោកពៅ គីសាន់ ហៅនាយឆើត មានជីវភាពក្រលំបាកហើយខំប្រឹងរកស៊ីយ៉ាងត្រដាបត្រដួស ។ ចំណូលពីអាជីពសិល្បៈមិនអាចផ្គត់ផ្គង់ជីវភាពបានឡើយ ហេតុដូច្នេះលោកពៅ គីសាន់ ត្រូវខំប្រឹងធ្វើការទ្វេដងទាំងយប់ទាំងថ្ងៃរកលុយចិញ្ចឹមកូន៤នាក់ ៕
ចែករំលែកព័តមាននេះ