ឪពុកម្តាយឲ្យចាំផ្ទះ បែរជាចិត្តស្លុយបែបនេះ
ខេត្តស្វាយរៀង ៖ យុវជនចិត្តស្លុយម្នាក់គ្រាន់តែឪពុកនិយាយទូន្មានប៉ុន្មានម៉ាត់ក៏កើតក្តីតូចចិត្តថាឪពុកម្តាយរឹតបន្តឹងសេរីភាព បានគិតខ្លីដាច់ចិត្តបញ្ចប់ជីវិតខ្លួនឯងគួរឲ្យសង្វេគ
ខេត្តស្វាយរៀង ៖ យុវជនចិត្តស្លុយម្នាក់គ្រាន់តែឪពុកនិយាយទូន្មានប៉ុន្មានម៉ាត់ក៏កើតក្តីតូចចិត្តថាឪពុកម្តាយរឹតបន្តឹងសេរីភាព បានគិតខ្លីដាច់ចិត្តបញ្ចប់ជីវិតខ្លួនឯងគួរឲ្យសង្វេគ
ខេត្តស្វាយរៀង ៖ យុវជនចិត្តស្លុយម្នាក់គ្រាន់តែឪពុកនិយាយទូន្មានប៉ុន្មានម៉ាត់ក៏កើតក្តីតូចចិត្តថាឪពុកម្តាយរឹតបន្តឹងសេរីភាព បានគិតខ្លីដាច់ចិត្តបញ្ចប់ជីវិតខ្លួនឯងគួរឲ្យសង្វេគកាលពីវេលាម៉ោង១០ និង៤២នាទីព្រឹក ថ្ងៃទី២៣ ខែសីហា ឆ្នាំ២០១៦ ស្ថិតក្នុងភូមិទួលច្រែះ ឃុំពពែត ស្រុកស្វាយទាប ។
បើតាមសមត្ថកិច្ចនគរបាលប៉ុស្តិ៍រដ្ឋបាលឃុំពពែត បានឲ្យដឹងថា យុវជនចិត្តស្លុយនេះឈ្មោះ ចាន់ ពុទ្ធា អាយុ១៧ឆ្នាំ មុខរបរកម្មករសំណង់ រស់នៅភូមិកើតហេតុ ។
ប្រភពបន្តទៀតថា មុនថ្ងៃកើតហេតុ យុវជនគិតខ្លីសុំឪពុកម្តាយទៅរាជធានីភ្នំពេញ ដើម្បីធ្វើកម្មករសំណង់ជាមួយមិត្តភក្តិ ប៉ុន្តែឪពុកម្តាយមិនត្រឹមតែមិនព្រមឲ្យទៅទេ ថែមទាំងស្តីបន្ទោស ទូន្មានឲ្យឈប់ដើរលេងផឹកស៊ី បង្កើតមិត្តភឿន ខ្លាចប៉ះចំមិត្តភក្តិខិលខូចបង្កឲ្យមានគ្រោះថ្នាក់ ឬសេពមិត្តខុសចំពួកសេពគ្រឿងញៀននាំឲ្យមានទោសទណ្ឌ ហើយនិយាយប្រដៅទៀតថា បើធ្វើសំណង់មិនសល់ប្រាក់ដដែលមិនបាច់ទៅធ្វើទេ នៅចាំផ្ទះប្រសើរជាង ទុកឲ្យគាត់រកស៊ីចិញ្ចឹម ។
ប្រភពបញ្ជាក់ថា ពេលឪពុកម្តាយចេញទៅរកទិញគោ បានយុវជនគិតខ្លីនៅចាំផ្ទះម្នាក់ឯង ។ ដោយតូចចិត្តផង ខឹងឪពុកម្តាយផងស្តីបន្ទោសផង យុវជនចិត្តស្លុយក៏បានយកខ្សែជរ័ពណ៌ខ្មៅមួយដុំចងជាប់ទៅនឹងននងរោងម៉ាស៊ីនកិនស្រូវនៅខាងត្បូងផ្ទះចំងាយ១០ម៉ែត្រ បណ្តាលឲ្យស្លាប់បាត់បង់ជីវិត ហើយពេលប្រជាពលរដ្ឋដើរមកតាមផ្លូវក៏បានប្រទះឃើញជននេះចងកធ្វើអត្តឃាត ទើបឆោឡោ និងរាយការណ៍ទៅសមត្ថកិច្ច ។
សមត្ថកិច្ចបន្តឲ្យដឹងទៀតថា ក្រោយពីមានសេចក្ដីរាយការណ៍ពីប្រជាពលរដ្ឋ ភ្លាមៗសមត្ថកិច្ចបានចុះដល់កន្លែងកើតហេតុ និងពិនិត្យសពឃើញថា ជនរងគ្រោះពិតជាចងកធ្វើអត្តឃាតពិតប្រាកដមែន ដោយសង្ស័យថាមកពីតូចចិត្តមិនឲ្យទៅភ្នំពេញ និងដោយគិតថាឪពុកម្តាយរឹតបន្ដឹតសេរីភាពខ្លួន ៕
ចែករំលែកព័តមាននេះ