សង្គ្រាមអ៊ុយក្រែន ៖ សង្គ្រាមនៅអ៊ុយក្រែន មកដល់ថ្ងៃទី១៣ ខែមីនា ឆ្នាំ២០២២ ឈានចូលដល់ថៃ្ងទី១៨ហើយ ដោយសភាពការណ៍នៃការប្រយុទ្ធគ្នានៅតែខ្លាំងក្លាបំផុត ជុំវិញរដ្ឋធានីគៀវ ដែលនៅទីនោះបណ្ដារថក្រោះរុស្សុីប្រមូលផ្ដុំនៅជាយក្រុង។
ក៏ទោះបីមានការគំរាមពីការដាក់ទណ្ឌកម្មថ្មីៗ របស់ពួកលោកខាងលិចចំពោះរុស្សុី ក៏រុស្សុីនៅបន្តការវាយលុកលើទីក្រុងនានា ក្នុងនោះមានក្រុង MARIOUPOL ដែលជាប់ការឡោមព័ទ្ធ ចាប់តាំងពីច្រើនថ្ងៃមកហើយ។ ក្នុងទីក្រុងនោះសភាពការណ៍មនុស្សធម៌កាន់តែអាក្រក់ទៅៗពី១ម៉ោងទៅ១ម៉ោង។
ក្នុងពេលសន្ទនាតាមទូរស័ព្ទជាមួយប្រធានាធិបតីបារាំងនិងអធិការបតីអាល្លឹម៉ង់ ប្រធានាធិបតីអ៊ុយក្រែន លោក VOLODYMYR ZELENSKY ស្នើដល់មេដឹកនាំអឹរ៉ុបទាំង២រូប ជួយធ្វើអន្តរាគមន៍ជាមួយលោកពូទីន ដើម្បីឲ្យបញ្ឈប់ជាបន្ទាន់ការប្រយុទ្ធ ខណៈកងទ័ពរុស្សុី កាន់តែរុលមកមុខ គាបសង្កត់កាន់តែខ្លាំងលើក្រុងគៀវ ដែលកន្លែងខ្លះចូលដល់៧គីឡូម៉ែតពីកណ្ដាលក្រុង និងបន្តទម្លាក់គ្រា.ប់បែកនិងបាញ់ផ្លោង លើទីក្រុងដទៃៗទៀត។
ការគាបសង្កត់ធ្វើឡើងកាន់តែខ្លាំង ជុំវិញរដ្ឋធានអ៊ុ៊យក្រែន។ មកដល់ព្រឹកថ្ងៃទី១២ ខែមីនា កងទ័ពរុស្សុីបោះទីតាំងជុំវិញក្រុងគៀវ ខណៈការដណ្ដើមកាន់កាប់ទីក្រុងនោះ ត្រូវបានចាត់ទុកជាទិសដៅសំខាន់នៃ សង្គ្រាមរបស់លោកពូទីន។ មានវត្តមានក្នុងបណ្ដាតំបន់ជាយក្រុងគៀវកងទ័ពរុស្សុី ស្វែងរកកម្ទេចកងកម្លាំងការពារអ៊ុយក្រែន ក្នុងមូលដ្ឋានជាច្រើនស្តិតនៅភាគខាងលិចនិងភាគខាងជើងក្រុង។ ទីប្រឹក្សាម្នាក់របស់ប្រធានាធិបតីអ៊ុយក្រែននិយាយថា ក្រុងគៀវជានិម្មិតរូបនៃការតស៊ូទប់ទល់ដែលរៀបចំកិច្ចការពារដ៏ស្វិតស្វាញ។
នាព្រឹកថ្ងៃទី១២ ខែមីនា ការវា.យប្រហា.ររបស់រុស្សុីបានធ្វើលើទីក្រុង VASYLKIV ចម្ងាយ៤០គីឡូម៉ែត្រខាងត្បូងរដ្ឋធានី។ ជាប់ការឡោមព័ទ្ធ១៣ថ្ងៃមកហើយ ក្រុង MARIOUPOL កំពុងរងការខ្វះស្បៀង ទឹក ឧស្ម័ន អគ្គសនី គមនាគមន៍។ សភាពការណ៍ស្ទើរតែអស់សង្ឃឹម។
តាមប្រមុខការទូតអ៊ុយក្រែន លោក DMYTRO KOULEBA ថា នៅទីក្រុងនេះមកដល់ថ្ងៃទី១១ ខែមីនា មានជនស៊ីវិលស្លា.ប់ដល់១.៥៨២នាក់ហើយ។ ចំណែកទីក្រុងកំពង់ផែ MYKOLAIVស្ថិតនៅខាងត្បូងអ៊ុយក្រែន ជិតក្រុងអូដេសា កំពុងរងការទម្លាក់គ្រា.ប់បែកខ្លាំងក្លា ចាប់ពីយប់ថ្ងៃទី១១ មកថ្ងៃទី១២ ខែមីនាមក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ