រាជធានីភ្នំពេញ ៖ ក្មេងប្រុសអាយុត្រឹមតែ១៣ឆ្នាំម្នាក់ត្រូវបានសមត្ថកិច្ចឃាត់ខ្លួន បន្ទាប់ពីបានចាប់រំលោ.ភក្មេងស្រីអាយុ៥ឆ្នាំម្នាក់រហូតបានសម្រេចកាលពីថ្ងៃទី២២ ខែសីហា ឆ្នាំ២០១៦
រាជធានីភ្នំពេញ ៖ ក្មេងប្រុសអាយុត្រឹមតែ១៣ឆ្នាំម្នាក់ត្រូវបានសមត្ថកិច្ចឃាត់ខ្លួន បន្ទាប់ពីបានចាប់រំលោភក្មេងស្រីអាយុ៥ឆ្នាំម្នាក់រហូតបានសម្រេចកាលពីថ្ងៃទី២២ ខែសីហា ឆ្នាំ២០១៦ នៅចំណុចក្នុងរោងស្នាក់នៅរបស់កម្មករក្នុងការដ្ឋានសំណង់បុរីអង្គរភ្នំពេញ ផ្លូវជាតិលេខ៦ ស្ថិតក្នុងភូមិខ្ទរ សង្កាត់ព្រែកលៀប ខណ្ឌជ្រោយចង្វារ ។
ប្រភពសមត្ថកិច្ចនគរបាលខណ្ឌជ្រោយចង្វារបានឲ្យដឹងថា ក្មេងប្រុសសង្ស័យឈ្មោះ ឃី ឌី អាយុ១៣ឆ្នាំ ស្នាក់នៅជាមួយម្ដាយឈ្មោះ ហេង លី ក្បែរចំណុចកើតហេតុខាងលើ ចំណែកក្មេងស្រីរងគ្រោះមានឈ្មោះ ធ.រ.ត អាយុ៥ឆ្នាំ ស្នាក់នៅជាមួយម្ដាយឈ្មោះ សេង ណារីន ស្នាក់នៅកន្លែងកើតហេតុ ។
ស្ត្រីឈ្មោះ សេង ណារីន ត្រូវជាម្ដាយក្មេងស្រីរងគ្រោះបានប្រាប់សមត្ថកិច្ចថា គាត់បានចាកចេញពីស្រុកកំណើតមកធ្វើជាកម្មករជាមួយប្តីនៅក្នុងបុរីអង្គរភ្នំពេញ ដោយយកកូនស្រីរងគ្រោះមកស្នាក់នៅជាមួយនៅក្នុងរោងកម្មករដែលថៅកែសង់ឲ្យ ។ ជារៀងរាល់ថ្ងៃគាត់ និងប្តីទៅធ្វើការបាត់ៗ ដោយទុកកូនស្រីរងគ្រោះនៅចាំរោងម្នាក់ឯងហើយថ្ងៃនោះក៏កើតរឿងនេះតែម្តង ។
ស្ត្រីឈ្មោះ ហេង លី ត្រូវជាម្តាយបង្កើតក្មេងប្រុសសង្ស័យ បានត្រឹមហួសចិត្ត និងនិយាយទាំងអួលដើមកថា គាត់មិននឹកស្មានកូនប្រុសរបស់គាត់ ហ៊ានធ្វើដល់ថ្នាក់នេះសោះ ។ ហើយគាត់ក៏គ្មានឪពុកម្តាយគ្មានបងប្អូនបង្កើត គ្មានប្តី មានតែកូនប្រុសម្នាក់នេះគត់ គាត់បានាំកូនមកស្នាក់នៅធ្វើកម្មករក្នុងបូរីអង្គភ្នំពេញដោយស្នាក់នៅក្នុងរោងកម្មករក្បែររោងរបស់ម្តាយក្មេងស្រីរងគ្រោះដែរ ។
ស្ត្រីជាម្ដាយរបស់ក្មេងប្រុសសង្ស័យបានប្រាប់បន្តទៀតថា នៅថ្ងៃកើតហេតុ គាត់បានទៅធ្វើការដូចសព្វមួយដងដោយឲ្យកូននៅចាំរោង តែមិននឹកស្មានដល់ថា កូនគាត់ថ្លើមធំដល់ម្លឹងសោះ ហ៊ានចាប់ក្មេងស្រីទើបតែអាយុ៥ឆ្នាំរំលោភរហូតបានសម្រេចទៅវិញ ។ គាត់បាននិយាយជាចុងក្រោយថា គាត់ប្រហែលជាឆ្កួត បើកូនគាត់ធ្វើយ៉ាងនេះនោះ ៕
ចែករំលែកព័តមាននេះ