ឃាត់អ្នកញៀនល្បែង៦នាក់ នៅសង្វៀនជល់មាន់
រាជធានីភ្នំពេញ ៖ ក្រុមអ្នកញៀនល្បែងភ្នាល់ចំនួន០៦នាក់ ត្រូវបានកម្លាំងនគរបាលខណ្ឌឬស្សីកែវ ឃាត់ខ្លួនក្នុងការចុះបង្ក្រាបសង្វៀនជល់មាន់ចល័តមួយកន្លែង នៅតាមផ្លូវរថភ្លើង
រាជធានីភ្នំពេញ ៖ ក្រុមអ្នកញៀនល្បែងភ្នាល់ចំនួន០៦នាក់ ត្រូវបានកម្លាំងនគរបាលខណ្ឌឬស្សីកែវ ឃាត់ខ្លួនក្នុងការចុះបង្ក្រាបសង្វៀនជល់មាន់ចល័តមួយកន្លែង នៅតាមផ្លូវរថភ្លើង ក្នុងភូមិទួលគោក សង្កាត់ទួលសង្កែ ខណ្ឌឬស្សីកែវ កាលពីវេលាម៉ោង១០និង៣០នាទី ព្រឹកថ្ងៃទី២១ ខែសីហា ឆ្នាំ២០១៦នេះ។ ប្រតិបត្តិការចុះបង្ក្រាបសង្វៀនជល់មាន់ដឹកនាំដោយ លោកវរ:សេនីយ៍ឯក ទៀង ច័ន្ទសារ អធិការនរគបាលខណ្ឌឬស្សីកែវ។
មនុស្សចំនួន០៦នាក់ត្រូវឃាត់ខ្លួន ព្រមទាំងដកហូតមាន់៣ក្បាល ម៉ូតូ១៤គ្រឿង និងសម្ភារមួយចំនួនទៀត។ ទីតាំងជល់មាន់នេះត្រូវបានក្រុមអ្នកញៀនមាន់ បានណាត់គ្នាតាមទូរស័ព្ទ ជល់ ហើយត្រូវបានប្រជាពលរដ្ឋ ដែលមានកូនលេងមាន់ បំផ្លាញរបស់របរ បានប្តឹងនគរបាលចុះបង្ក្រាបតែម្តង។
មុនពេលចុះបង្ក្រាបគេឃើញអ្នកញៀនល្បែង បានរត់ប្រសាចឃាត់ខ្លួនបានតែ៦នាក់ បញ្ជូនទៅកាន់អធិការដ្ឋាន ខណ្ឌឫស្សីកែវ ចាត់ការតាមច្បាប់។ គួរបញ្ជាក់ថា តាមផ្លូវរថភ្លើង ក្នុងសង្កាត់ទួលសង្កែជាតំបន់មិនរៀបរយ ហើយក៏ជាសម្បុក ល្បែងស៊ីសងគ្រប់ប្រភេទផងដែរ៕
ចែករំលែកព័តមាននេះ