រន្ធត់ ! រថយន្តកិនខ្ទេចក្បាលស្លា.ប់យ៉ាងអាណោចអាធ័ម
ខេត្តកណ្តាល ៖ បុរសម្នាក់ត្រូវបានរថយន្តកិនខ្ទេចក្បាលស្លា.ប់យ៉ាងអាណោចអាធ័ម ក្នុងហេតុការណ៍គ្រោះថ្នាក់ចរាចរណ៍មួយដែលកើតឡើងកាលពីវេលាម៉ោង៥ និង១០នាទីល្ងាច
ខេត្តកណ្តាល ៖ បុរសម្នាក់ត្រូវបានរថយន្តកិនខ្ទេចក្បាលស្លាប់យ៉ាងអាណោចអាធ័ម ក្នុងហេតុការណ៍គ្រោះថ្នាក់ចរាចរណ៍មួយដែលកើតឡើងកាលពីវេលាម៉ោង៥ និង១០នាទីល្ងាច ថ្ងៃទី២១ ខែសីហា ឆ្នាំ២០១៦ នៅចំណុចចន្លោះគីឡូម៉ែត្រលេខ២៦-២៧ ស្ថិតក្នុងភូមិស្តៅកន្លែង៤ ឃុំដីឥដ្ឋ ស្រុកកៀនស្វាយ ខេត្តកណ្តាល ។
ជនរងគ្រោះឈ្មោះ កែម សុខលាង ភេទប្រុស អាយុ២៩ឆ្នាំ ជនជាតិខ្មែរ មុខរបរកម្មករ មានទីលំនៅភូមិ-ឃុំកើតហេតុ ជិះម៉ូតូម៉ាក ហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០១៦ ពាក់ស្លាកលេខ ភ្នំពេញ 1FW-5013 បានស្លាប់នៅនឹងកន្លែង ។ ចំណែករថយន្តបង្កធុនធំសណ្តោងកន្ទុយដឹកដែក ពណ៌ស ពាក់ស្លាកលេខ កំពង់ធំ 3A-1569 អ្នកបើកបរបានរត់គេចខ្លួនបាត់ បន្សល់ទុកតែរថយន្តនៅកន្លែងកើតហេតុ ។
ប្រភពព័ត៌មានបានឲ្យដឹងថា មុនពេលកើតហេតុគេឃើញជនរងគ្រោះជិះម៉ូតូម្នាក់ឯងទិសដៅភ្នំពេញ-អ្នកលឿងក្នុងល្បឿនយ៉ាងលឿន ពេលជិះដល់ចំណុចកើតហេតុម៉ូតូជនរងគ្រោះបានវាក់អើជាមួយរថយន្តមិនចាំម៉ាក់ ក៏ជាន់ហ្វ្រាំងបណ្តាលឲ្យបោកដួល ក៏ត្រូវរថយន្តបង្កបើកបរក្នុងទិសដៅបញ្ច្រាសទិសគ្នាមកដល់ជាន់ហ្វ្រាំងមិនទាន់កិនចំក្បាលជនរងគ្រោះបែកខ្ទេចស្លាប់ភ្លាមៗតែម្តង ។
ក្រោយពីទទួលបានព័ត៌មាននេះភ្លាម កម្លាំងនគរបាលប៉ុស្តិ៍បានចុះទៅដល់កន្លែងកើតហេតុ ជួយសម្រួលចរាចរណ៍លើដងផ្លូវ រួចរាយការណ៍ជូនជំនាញចុះមកធ្វើការវាស់វែងប្រមូលយកមធ្យោបាយទាំង២គ្រឿងទៅរក្សាទុកនៅអធិការដ្ឋាននគរបាលស្រុក ដើម្បីចាត់ការតាមនិតិវីធី ៕
ចែករំលែកព័តមាននេះ