ភ្ញៀវបរទេសឆ្លងដែនពីប្រទេសវៀតណាមចូលតាមច្រកទ្វារព្រំដែន៨.៨៩៥នាក់
- ស្វាយរៀង
ភ្ញៀវជាតិ និងអន្តរជាតិដែលឆ្លងដែនពីប្រទេសវៀតណាម ចូលមកតាមច្រកទ្វារអន្តរជាតិបាវិត និងច្រកទ្វារព្រៃវល្លិក្នុងខេត្តស្វាយរៀង មានសរុប
ភ្ញៀវជាតិ និងអន្តរជាតិដែលឆ្លងដែនពីប្រទេសវៀតណាម ចូលមកតាមច្រកទ្វារអន្តរជាតិបាវិត និងច្រកទ្វារព្រៃវល្លិក្នុងខេត្តស្វាយរៀង មានសរុប
ខេត្តស្វាយរៀង ៖ ភ្ញៀវជាតិ និងអន្តរជាតិដែលឆ្លងដែនពីប្រទេសវៀតណាម ចូលមកតាមច្រកទ្វារអន្តរជាតិបាវិត និងច្រកទ្វារព្រៃវល្លិក្នុងខេត្តស្វាយរៀង មានសរុប៨.៨៩៥នាក់ (ក្នុងនោះស្រី២.៥១៤នាក់) ។ នេះបើយោងតាមរបាយការណ៍ក្នុងខែកុម្ភៈ ឆ្នាំ២០២២ ។ ដោយឡែក បើគិតក្នុងរយៈពេល៨ថ្ងៃ គឺចាប់ពីថ្ងៃទី១ ខែមីនា ឆ្នាំ២០២២មក មានភ្ញៀវបរទេសចំនួន៣.០៨៤នាក់ (ក្នុងនោះស្រី១.០៣៦នាក់) ឆ្លងដែនចូលមកខេត្តស្វាយរៀង ។
លោក អ៊ឹម បុត្រ មន្ត្រីចត្តាឡីស័កប្រចាំច្រកទ្វារព្រំដែនអន្តរជាតិបាវិត បានឲ្យដឹងថា ក្នុងចំណោមភ្ញៀវជាតិនិងអន្តរជាតិមកពីប្រទេសវៀតណាមមានចំនួន៨.៨៩៥នាក់នេះមាន ចូលមកតាមច្រកទ្វារអន្តរជាតិបាវិត ៨.៦១០នាក់ (ស្រី២.៤៧២នាក់) ក្នុងនោះជនជាតិខ្មែរចំនួន១០៥នាក់(ស្រី៣៨នាក់) និងតាមច្រកទ្វារអន្តរជាតិព្រៃវល្លិចំនួន១៨០នាក់(ស្រី៤២នាក់) ។
ចំពោះរថយន្តដឹកទំនិញគ្រប់ប្រភេទមកពីប្រទេសវៀតណាមចូលមកខេត្តស្វាយរៀង សរុបចំនួន ៤.៥៤២គ្រឿង អ្នកបើកបរចំនួន៥.២២០នាក់ ក្នុងនោះតាមច្រកទ្វារព្រំដែនអន្តរជាតិបាវិត ២.៤១០គ្រឿង អ្នកបើកបរ២.៤១០នាក់ តាមច្រកទ្វារព្រំដែនអន្តរជាតិព្រៃវល្លិចំនួន ៥២២នាក់គ្រឿង តាមច្រកទ្វារព្រំដែនទ្វេភាគីបុសមន ៨១០គ្រឿង និងតាមច្រកទ្វារតំបន់ដូងចំនួន ៨០០គ្រឿង ។
នៅក្នុងខែមីនា ឆ្នាំ២០២២ គីចាប់ពីថ្ងៃទី១ ដល់ថ្ងៃទី៨ ខែមីនា មានភ្ញៀវបរទេសឆ្លងដែនចូលមកខេត្តស្វាយរៀងសរុប ៣.០៨៤នាក់ (ស្រី១.០៣៦នាក់) ក្នុងនោះឆ្លងដែនចូលមកតាមច្រកទ្វារអន្តរជាតិបាវិតចំនួន ៣.០១៥នាក់ (ស្រី១.០១៦នាក់) ជនជាតិខ្មែរ៩នាក់(ស្រី៦នាក់) តាមច្រកទ្វារព្រំដែនអន្តរជាតិព្រៃវល្លិចំនួន៦០នាក់(ស្រី១៤នាក់) ។
លោក អ៊ឹម បុត្រ បានឲ្យដឹងទៀតថា ភ្ញៀវជាតិនិងអន្តរជាតិមកពីប្រទេសវៀតណាម ត្រូវបានអនុវត្តតាមគោលការណ៍របស់រាជរដ្ឋាភិបាលនិងក្រសួងសុខាភិបាល គឺភ្ញៀវត្រូវមានបណ្ណចាក់វ៉ាក់សាំងកូវីដ-១៩ពេញលេញ មានលិខិតបញ្ជាក់ការធ្វើតេស្ត PCR នៅប្រទេសវៀតណាម៧២ម៉ោង និងត្រូវយកសំណាកធ្វើតេស្តរហ័សនៅច្រកទ្វារព្រំដែន ។ បើឃើញអវិជ្ជមានទើបអនុញ្ញាតឲ្យធ្វើដំណើរតាមគោលដៅរបស់ពួកគេប្រសិនបើវិជ្ជមានត្រូវបញ្ជូនទៅប្រទេសវៀតណាមវិញ ឬឲ្យនៅព្យាបាលដោយស្ម័គ្រចិត្តនៅមណ្ឌលព្យាបាលកូវីដ-១៩ក្រុងបាវិត ៕
ចែករំលែកព័តមាននេះ