តំបន់ឆ្នេររបស់បារាំងហាមស្លៀកឈុតហែលទឹកបិទជិតរាងកាយ
សារព័ត៌មាននៅក្រុង Bastia ប្រទេសបារាំងកាលពីថ្ងៃទី១៦ សីហា ២០១៦ ផ្សាយថា លោក Ange-Pierre Vivoni ចៅហ្វាយក្រុង Sisco នៅលើកោះ Corsica បានដាក់បម្រាមស្លៀកពាក់ឈុតហែលទឹកប្រភេទ
សារព័ត៌មាននៅក្រុង Bastia ប្រទេសបារាំងកាលពីថ្ងៃទី១៦ សីហា ២០១៦ ផ្សាយថា លោក Ange-Pierre Vivoni ចៅហ្វាយក្រុង Sisco នៅលើកោះ Corsica បានដាក់បម្រាមស្លៀកពាក់ឈុតហែលទឹកប្រភេទ
សារព័ត៌មាននៅក្រុង Bastia ប្រទេសបារាំងកាលពីថ្ងៃទី១៦ សីហា ២០១៦ ផ្សាយថា លោក Ange-Pierre Vivoni ចៅហ្វាយក្រុង Sisco នៅលើកោះ Corsica បានដាក់បម្រាមស្លៀកពាក់ឈុតហែលទឹកប្រភេទ Burkini នៅលើឆ្នេរខ្សាច់ក្រោយពីផ្ទុះអំពើហិង្សាកាលពីថ្ងៃទី១៣ សីហា រវាងអ្នកស្រុក និងជនចំណាកស្រុកអាហ្វ្រិកខាងជើង បង្កឱ្យរងរបួស៥នាក់ និងរថយន្តត្រូវដុតបំផ្លាញចំនួន៣គ្រឿង ។
សាក្សីឱ្យដឹងថា ទំនាស់ចាប់ផ្តើមដោយសារក្រុមអ្នកទេសចរមួយក្រុមថតរូបស្ត្រីចំណាកស្រុកម្នាក់ដែលស្លៀកឈុត Burkini នៅលើឆ្នេរខ្សាច់ ។
សមត្ថកិច្ចច្រើននាក់បានចូលទប់ស្កាត់អំពើហិង្សាដែលប្រើអាវុធពូថៅ ដប និងដុំថ្ម ខណៈនៅថ្ងៃទី១៤ សីហា កន្លងទៅ មានមនុស្សប្រហែល៥០០នាក់ ព្យាយាមចូលកាន់តំបន់ជាទីស្នាក់អាស្រ័យរបស់ជនមូស្ល៊ីម ។
លោកVivoni បន្តថា លោកផ្ទាល់គ្មានគំនិតមើលងាយជាតិសាសន៍ ឬប្រឆាំងនឹងសាសនាឡើយ ។ ចំពោះបទដ្ឋាននោះបានធ្វើឡើងក្នុងគោលបំណងគ្រប់គ្រងពលរដ្ឋ និងទប់ស្កាត់ការរាតត្បាតនៃគោលគំនិតដ៏លេចធ្លោ ដែលពលរដ្ឋមូសស្ល៊ីម គឺជាគោលដៅរមែងក្លាយជាជនរងគ្រោះនៃការញុះញង់ទាក់ទិននឹងគំនិតនៃអំពើហិង្សានេះ ។ ករណីនោះគឺជាបញ្ហាចុងក្រោយនៃស្ថានភាពដ៏តានតឹងនៅក្នុងប្រទេស ព្រោះក្លាយជាគោលដៅនៃការវាយប្រហាររបស់ក្រុមបង្កភេរវកម្ម IS ។ ក្រុង Sisco គឺជាក្រុងទី៣ របស់បារាំងដែលមានបម្រាមស្លៀកឈុត Burkini ជាឈុតហែលទឹកដែលបិទបាំងរាងកាយយ៉ាងជិតតាមទម្លាប់នៃសាសនាអ៊ិស្លាម ខណៈពេលមុននេះបានដាក់បម្រាមនៅក្រុង កាន និងក្រុងវីលណើហ្វ លូបេ កាលពីថ្ងៃទី១៣ សីហា ។ តុលាការក្រុងកាន បានសម្តែងការគាំទ្រដោយបញ្ជាក់ថា គ្រឿងតុបតែងកាយនោះអាចជាការញុះញង់ ខណៈពេលលោកលីយ៉ូណេល លូកា ចៅហ្វាយក្រុងវីលណើហ្វ លូកា ថ្លែងថា ការហែលទឹកដោយការតុបតែងកាយគ្របទាំងដងខ្លួន គឺជារឿងមិនត្រឹមត្រូវតាមទំនៀមទម្លាប់៕
ចែករំលែកព័តមាននេះ