ពីមុនគេឮអាមេរិករិះគន់វៀតណាម ។ ឥឡូវគេ ឮអំពីទំនាក់ទំនងល្អរវាងប្រទេសប្រជាធិបិតេយ្យធំបំផុត និងប្រទេសកុម្មុយនីស្តវៀតណាម ។ ចំណែកកម្ពុជា ដែលជាប្រទេសប្រជាធិបតេយ្យវិញ បានស្និទ្ធស្នាលជាមួយប្រទេសកម្ពុជាចិន ។
អាពាហ៍ពិពាហ៍នយោបាយទាំងពីរមានភាពចម្លែក គឺប្រទេសប្រជាធបិតេយ្យស្និទ្ធនឹងប្រទេសកុម្មុយនិស្ត ។ ហេតុអ្វី?
នៅពេលផលប្រយោជន៍បានមកដល់ ប្រទេសទាំងឡាយបាននាំគ្នាទុកចោលមួយឡែកភាពខុសប្លែកគ្នានៃនយោបាយ ។ អាមេរិកមិនអាចស្រែករិះគន់ប្រទេសវៀតណាមអំពីបញ្ហាសិទ្ធិមនុស្ស និងសេរីភាពនៃការបញ្ចេញមតិឡើយ ។
ដូចគ្នានេះ ប្រទេសចិនត្រូវការមិត្តនៅតំបន់អាស៊ីអាគ្នេយ៍ ដើម្បីទប់ទល់នឹងហ្វីលីពីន និងវៀតណាមនៅក្នុងជម្លោះសមុទ្រចិនខាងត្បូង ។ ដោយកម្ពុជាធ្លាប់មានទំនាក់ទំនងជាយូរមកស្រាប់ ជាមួយចិនស្រាប់ ចាប់តាំងពីសម្តេចជំនាន់សម្តេចឪព្រះនរោត្តម សីហនុ ចិនក៏ងាយនឹងធ្វើឱ្យទំនាក់ទំនងរបស់ខ្លួន មានភាពល្អប្រសើជាមួយនឹងប្រទេសកម្ពុជា។
ចំណែកកម្ពុជា ក៏ត្រូវការចិន ដើម្បីជំនួយអភិវឌ្ឍន៍ ខណ:ដែលប្រទេសកម្ពុជាកំពុងនៅក្នុងដំណាក់កាលត្រូវការអភិវឌ្ឍន៍ ។
នៅពេលដែលផលប្រយោន៍បានមកដល់ គេនាំគ្នាទម្លាក់ចោលភាពខុសប្លែកគ្នាផ្នែកនយោបាយ។
អាមេរិកស្និទ្ធជាមួយវៀតណាម និងចិនស្និទ្ធជាមួយកម្ពុជា គឺជាស្ថានភាពមួយដែលប្រទេសនីមួយៗ ត្រូវការការពារផលប្រយោជន៍របស់ខ្លួន ។ អាមេរិកកំពុងមាននយោបាយងាកមកអាស៊ី ចំណែកវៀតណាមត្រូវការអាមេរិកនៅពីក្រោយ ដើម្បីទប់ទល់នឹងប្រទេសចិន នៅក្នុងជម្លោះសមុទ្រចិនខាងត្បូង ។
នៅពេលដែលចិន និងអាមេរិកប្រណាំងប្រជែងគ្នាដណ្តើមឥទ្ធិពលនៅតំបន់អាស៊ីអាគ្នេយ៍ វានឹងធ្វើអោយតំបន់ក្លាយកន្លែងមួយដែលជម្លោះអាចងាយនឹងផ្ទុះឡើងគ្រប់ពេល ៕
ចែករំលែកព័តមាននេះ