ឃាត់ខ្លួនជនសង្ស័យម្នាក់ តាមដីការរបស់តុលាការ
ខេត្តសៀមរាប ៖ ជនសង្ស័យម្នាក់ ដែលជួញដូរគ្រឿងញៀ.នខុសច្បាប់ ត្រូវបានកម្លាំងការិយាល័យនគរបាលប្រឆាំងគ្រឿងញៀ.នខេត្ត ធ្វើការឃាត់ខ្លួនបន្ទាប់ពីមានដីកា
ខេត្តសៀមរាប ៖ ជនសង្ស័យម្នាក់ ដែលជួញដូរគ្រឿងញៀ.នខុសច្បាប់ ត្រូវបានកម្លាំងការិយាល័យនគរបាលប្រឆាំងគ្រឿងញៀ.នខេត្ត ធ្វើការឃាត់ខ្លួនបន្ទាប់ពីមានដីកា
ខេត្តសៀមរាប ៖ ជនសង្ស័យម្នាក់ ដែលជួញដូរគ្រឿងញៀនខុសច្បាប់ ត្រូវបានកម្លាំងការិយាល័យនគរបាលប្រឆាំងគ្រឿងញៀនខេត្ត ធ្វើការឃាត់ខ្លួនបន្ទាប់ពីមានដីការបស់តុលាការឱ្យចាប់ ខណៈដែលជននោះបានរត់គេចខ្លួនអស់មួយរយៈ។ ហេតុការណ៍ចាប់ខ្លួនជនសង្ស័យជួញដូរគ្រឿងញៀនម្នាក់នេះធ្វើឡើងនៅថ្ងៃទី១៩ ខែសីហា ឆ្នាំ២០១៦ ស្ថិតនៅក្នុងផ្ទះភូមិស្ទឹងថ្មី សង្កាត់ស្វាយដង្គំ ក្រុងសៀមរាប។
តាមប្រភពពីមន្ត្រីនគរបាលខេត្តបានឱ្យដឹងនៅរសៀលថ្ងៃទី១៩ ខែសីហា ឆ្នាំ២០១៦ថា ជនសង្ស័យម្នាក់នេះ ដែលត្រូវបានកម្លាំងការិយាល័យនគរបាលប្រឆាំងគ្រឿងញៀនខេត្តសៀមរាប ធ្វើការចាប់ខ្លួន ពាក់ព័ន្ធករណីជួញដូរដោយខុសច្បាប់នូវសារធាតុញៀន ដែលប្រព្រឹត្តិនៅភូមិសាលាកន្សែង សង្កាត់ស្វាយដង្គំ ក្រុងសៀមរាប កាលពីថ្ងៃទី២ ខែកក្កដា ឆ្នាំ២០១៣ បទល្មើសព្រហ្មទណ្ឌ ដែលមានចែងឱ្យផ្តន្ទាទោសតាមបញ្ញតិ្តមាត្រា៤០ កថាខណ្ឌ៤ នៃច្បាប់ស្តីពីការត្រួតពិនិត្យគ្រឿងញៀន។
ប្រភពដដែលបានបន្ថែមថា ការចាប់ខ្លួនធ្វើឡើងនៅថ្ងៃទី១៩ ខែសីហា ឆ្នាំ២០១៦នេះ ដោយអនុវត្តតាមដីការបស់តុលាការ លេខ៤៩៧ចុះថ្ងៃទី១៩ ខែកុម្ភៈ ឆ្នាំ២០១៣ របស់លោក គី ឫទ្ធី ចៅក្រមជំនុំជម្រះនៃសាលាដំបូងខេត្តសៀមរាប នៅពន្ធនាគារខេត្តសៀមរាប ស្ថិតនៅភូមិបុស្សក្រឡាញ់ សង្កាត់ជ្រាវ ក្រុងខេត្តសៀមរាប បន្ទាប់ពីរូបគេបានរត់គេចខ្លួនបាត់អស់មួយរយៈមក។ ប្រភពបានបញ្ជាក់បន្ថែមថា ជនសង្ស័យ(ជាពិរុទ្ធជន)មានឈ្មោះ ពាង ការឹម ភេទប្រុស អាយុ៣៤ឆ្នាំ មុខរបរធ្វើស្រែ មានទីលំនៅបច្ចុប្បន្ន ភូមិស្ទឹងថ្មី សង្កាត់ស្វាយ ដង្គំ ក្រុងសៀមរាប។
បច្ចុប្បន្នជនសង្ស័យ ត្រូវបានកម្លាំងជំនាញរៀបចំកសាងសំណុំរឿងបញ្ជូនទៅកាន់សាលាដំបូង ខេត្តសៀមរាប ដើម្បីចាត់ការតាមនីតិវិធី(ទោសដាក់ពន្ធនាគារកំណត់ចំនួន២ឆ្នាំ គិតចាប់ពីថ្ងៃចាប់យកឃុំខ្លួន ដាក់ពន្ធនាគារតាមអំណាចសាលក្រម)៕
ចែករំលែកព័តមាននេះ