នារីបម្រើលើយន្តហោះនិងឆ្កែអនាថាមាននិស្ស័យនឹងគ្នា
សារព័ត៌មានបរទេសកាលពីថ្ងៃទី១០ សីហា ២០១៦ ផ្សាយថា នាង Olivia Sievers ជាបុគ្គលិកបម្រើភ្ញៀវលើយន្តហោះនៅប្រទេសអាល្លឺម៉ង់ និងមួយខ្សែទៀតជើងហោះហើរនៅក្រុងប៊ុយណូស៊ែ
សារព័ត៌មានបរទេសកាលពីថ្ងៃទី១០ សីហា ២០១៦ ផ្សាយថា នាង Olivia Sievers ជាបុគ្គលិកបម្រើភ្ញៀវលើយន្តហោះនៅប្រទេសអាល្លឺម៉ង់ និងមួយខ្សែទៀតជើងហោះហើរនៅក្រុងប៊ុយណូស៊ែ ប្រទេសអាហ្សង់ទីន ។ តាមរយៈការបំពេញការងារនោះនាង Olivia Siever ។ បានជួបមិត្តភាពដែលនាងនឹកស្មានមិនដល់ គឺឆ្កែអនាថាមួយក្បាល ។
សារព័ត៌មានអាហ្សង់ទីនផ្សាយថា រឿងរ៉ាវទាំងប៉ុន្មានកើតឡើងនៅដើមឆ្នាំ២០១៦ ខណៈពេលនាង Sievers ដើរកម្សាន្តនៅក្បែរសណ្ឋាគារមួយនៅក្រុងប៊ុយណូស៊ែ បានជួបឆ្កែពនេចរមួយក្បាល ។ ឃើញដូច្នេះនាងផ្តល់ចំណី និងប្រឡែងលេងជាមួយវា ។ ចាប់តាំងពីពេលនោះមកឆ្កែនោះមិនទៅណាឆ្ងាយពីសណ្ឋាគារទេ វារង់ចាំនាងវិលត្រឡប់ទៅសណ្ឋាគារម្តងទៀត ។ នាងចូលចិត្តឆ្កែមួយក្បាលនោះរៀងរាល់លើកដែលជួបវា ។
ក្រោយមកឆ្កែនោះស្ថិតនៅខាងមុខសណ្ឋាគារ និងរង់ចាំជួប Sievers ។ ដោយសារតែក្តីអាណិត នាងក៏យកភួយក្រាលឱ្យវាដេក ។ ជាចុងក្រោយនាងបានដាក់ឈ្មោះឱ្យវាថា «Rubio»។ សម្ព័ន្ធភាពរវាង Sievers និង Rubio កាន់តែមានភាពស្និទ្ធស្នាលឡើង ហើយនាងបានទាក់ទងមន្ត្រីជួយសង្គ្រោះសត្វនៅក្រុងប៊ុយណូស៊ែ ឱ្យទៅទទួល Rubio យកទៅព្យាបាល ប៉ុន្តែបរាជ័យព្រោះវាគេចទៅរង់ចាំនាងនៅខាងមុខសណ្ឋាគារដូចដើមវិញ ។
ការសម្តែងចេញរបស់ Rubio គឺចង់បង្ហាញឱ្យឃើញថា «នាង Sievers ជាម្ចាស់» ធ្វើឱ្យនាងសម្រេចចិត្តទទួលវាយកទៅចិញ្ចឹមនៅប្រទេសអាល្លឺម៉ង់ ។
នាង Sievers បានចំណាយពេលស្នាក់នៅយូរប្រហែល៦ខែនៅអាហ្សង់ទីន និងនាំ Rubio ធ្វើដំណើរទៅអាល្លឺម៉ង់ជាមួយនាងកាលពីថ្ងៃទី៥ សីហា ២០១៦ ។ បច្ចុប្បន្ននាង Sievers និង Rubin រស់នៅជាមួយគ្នាប្រកបដោយសេចក្តីសុខ ៕
ចែករំលែកព័តមាននេះ