ឪពុកម្តាយធម៌លេងមួយក្បាច់ កូនធម៌បះសក់
រាជធានីភ្នំពេញ ៖ បុរសជាកូនធម៌ម្នាក់បានប្តឹងសមត្ថកិច្ចប៉ុស្តិ៍បឹងព្រលិតឲ្យចាប់ខ្លួនឪពុកម្តាយធម៌របស់ខ្លួនកាលពីវេលាម៉ោង៧យប់ ថ្ងៃទី១៥ ខែសីហា ឆ្នាំ២០១៦ នៅក្នុងផ្ទះសំណាក់ឡាក់គី
រាជធានីភ្នំពេញ ៖ បុរសជាកូនធម៌ម្នាក់បានប្តឹងសមត្ថកិច្ចប៉ុស្តិ៍បឹងព្រលិតឲ្យចាប់ខ្លួនឪពុកម្តាយធម៌របស់ខ្លួនកាលពីវេលាម៉ោង៧យប់ ថ្ងៃទី១៥ ខែសីហា ឆ្នាំ២០១៦ នៅក្នុងផ្ទះសំណាក់ឡាក់គី
រាជធានីភ្នំពេញ ៖ បុរសជាកូនធម៌ម្នាក់បានប្តឹងសមត្ថកិច្ចប៉ុស្តិ៍បឹងព្រលិតឲ្យចាប់ខ្លួនឪពុកម្តាយធម៌របស់ខ្លួនកាលពីវេលាម៉ោង៧យប់ ថ្ងៃទី១៥ ខែសីហា ឆ្នាំ២០១៦ នៅក្នុងផ្ទះសំណាក់ឡាក់គី ស្ថិតនៅតាមបណ្ដោយផ្លូវភ្លោះលេខ២១៤ សង្កាត់បឹងព្រលិត ខណ្ឌ៧មករា ដោយចោទប្រកាន់ថាបានបោកប្រាស់ប្រាក់អស់ជាង១ម៉ឺនដុល្លារ ។
ប្រភពសមត្ថកិច្ចប៉ុស្តិ៍បឹងព្រលិតបានឲ្យដឹងថា ជនសង្ស័យ២នាក់ប្ដីប្រពន្ធ ឈ្មោះ គង់ សំអាត អាយុ៥៥ឆ្នាំ ជាប្តី និងប្រពន្ធឈ្មោះ ឆាយ សុផន អាយុ៥៣ឆ្នាំ ទាំង២នាក់មានទីលំនៅភូមិសាឡៅ២ ឃុំអន្លងជ្រៃ ស្រុកថាឡាបរិវ៉ាត ខេត្តស្ទឹងត្រែង មានមុខរបរជាគ្រូទាយ ។ ចំណែកជនរងគ្រោះមានឈ្មោះ សូឡៃម៉ាន់អ៊ីប្រហ៊ីម ភេទប្រុស អាយុ៣២ឆ្នាំ បច្ចុប្បន្នស្នាក់នៅភូមិត្រពាំងខ្លា ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ មុខរបរកសិករ ។
ប្រភពបានឲ្យដឹងទៀតថា កាលពីអំឡុងខែធ្នូ ឆ្នាំ២០១៥ ខែធ្នូ ជនសង្ស័យជាគ្រូទាយ២នាក់ប្ដីប្រពន្ធ បានទាយឲ្យជនរងគ្រោះថា ត្រូវតែលក់អាត្រាក់ទ័រចេញទៅទើបរកស៊ីមានបាន ។ ដោយឪពុកធម៌ម្តាយធម៌ទាយឲ្យបែបនេះហើយ ជនរងគ្រោះក៏បានសម្រេចលក់អាត្រាក់ទ័របានប្រាក់១ម៉ឺន៤ពាន់ដុល្លារ ។ ពេលលក់ត្រាក់ទ័របានប្រាក់ហើយ ជនសង្ស័យប្រាប់ជនរងគ្រោះថា យកលុយទាំងនោះមកផ្ញើនឹងគាត់ទៅ ដោយមានការជឿជាក់លើគាត់ទាំង២នាក់ ជនរងគ្រោះក៏បានយកលុយដែលលក់បាននោះផ្ញើនឹងជនសង្ស័យមែន ។
ប្រភពបានឲ្យដឹងទៀតថា មួយរយៈក្រោយមកពេលត្រូវការលុយប្រើការ ជនរងគ្រោះក៏បានទារប្រាក់មកវិញ តែជនសង្ស័យមិនព្រមសងទេ ដោយម្តងលេសនេះ ម្តងលេសនោះ រួចក៏បានព្យាយាមគេចខ្លួនមកស្នាក់នៅផ្ទះសំណាក់ឡាក់គី តែក្រោយមកជនរងគ្រោះបានរកឃើញ ជនសង្ស័យក៏សងជនរងគ្រោះចំនួន២ពាន់ដុល្លារសិន ដោយធ្វើកិច្ចសន្យាថា នឹងសងគ្រប់ចំនួននៅថ្ងៃទី១៥ ខែសីហា ឆ្នាំ២០១៦ ។ ប៉ុន្តែដល់ថ្ងៃសន្យាហើយ ឪពុកម្តាយធម៌នោះនៅតែមិនព្រមសងទៀត ទើបជនរងគ្រោះដាក់ពាក្យបណ្ដឹងនគរបាលប៉ុស្តិ៍រដ្ឋបាលបឹងព្រលិតឲ្យចាប់ឃាត់ខ្លួនតែម្តង ។
ក្រោយពេលចាប់ខ្លួន ជនសង្ស័យទាំង២នាក់ប្ដីប្រពន្ធបានសារភាពថា ខ្លួនពិតជាបានយកប្រាក់ពីជនរងគ្រោះជាង១ម៉ឺនដុល្លារពិតប្រាកដមែន ។ បច្ចុប្បន្នជន សង្ស័យទាំង២នាក់ត្រូវបានកម្លាំងនគរបាលនាំមកឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌ៧មករា ដើម្បីចាត់ការតាមនីតិវិធី ៕
ចែករំលែកព័តមាននេះ