រាជធានីភ្នំពេញ៖ អធិការរងនគរបាលខណ្ឌចំការមន លោកហ៊ាង ថារ៉េត តំណាងឲ្យលោកយិន សាន អធិការនរបាលខណ្ឌចំការមន បាននាំយកថវិកា២០ម៉ឺនរៀល និងភេសជ្ជៈមួយកេសទៅជួយឧបត្ថម្ភដល់លោក គ្រី សម្បត្តិ អ្នកយកព័ត៌មានឲ្យទូរទស្សន៍អប្សារ៉ាប៉ុស្តិ៍លេខ១១ពេលយប់ ដែលជួបគ្រោះថ្នាក់ចរាចរណ៍រងរបួសបាក់ឆ្អឹងដងកាំបិតដោយសារការដេញប្រមាញ់ថតយកព័ត៌មាន ស្តីអំពីការបង្ក្រាបមុខសញ្ញាចោរខ្ទើយ ធ្វើសកម្មភាពឆក់អ្នកដំណើរក្នុងភូមិសាស្ត្រខណ្ឌចំការមន កាលពីយប់ថ្ងៃទី១៤សីហា២០១៦ ហើយជួយចាប់ចោរខ្ទើយជាមួយសមត្ថកិច្ច (បទល្មើសជាក់ស្តែង) រហូតរងរបួសបាក់ឆ្អឹងដងកាំបិតដោយសារមានការប្រទូស្តរាយគ្នាជាមួយចោរខ្ទើយ ។ ពេលនេះលោក គ្រី សម្បត្តិ កំពុងសម្រាកព្យាបាលរបួសនៅផ្ទះដោយសារគ្មានប្រាក់សម្រាប់សម្រាកនៅមន្ទីរពេទ្យ ។
តាមរយៈព័ត៌មាននេះសង្ឃឹមថាសប្បុរសជនដែលតែងតែជួយឈឺឆ្អាលរាល់ទុក្ខលំបាកពលរដ្ឋទូទៅនឹងជួយឧបត្ថម្ភដល់លោកគ្រី សម្បត្តិ ដើម្បីជាការចែករំលែកនូវទុក្ខលំបាក ក្នុងនោះលោកម៉ម វ៉ាន កាសែតកោះសន្តិភាពជួយឧបត្ថម្ភ ៣០ដុល្លារផងដែរ ៕
ចែករំលែកព័តមាននេះ