ប្រតិបត្តិការនៅខណ្ឌចំការមន បង្ក្រាបបានទាំងហ្វូង
រាជធានីភ្នំពេញ ៖ កាលពីវេលាម៉ោង១១ និង៥០នាទីព្រឹកថ្ងៃទី១៥ ខែសីហា ឆ្នាំ២០១៦ កម្លាំងអាវុធហត្ថខណ្ឌចំការមនបានបើកប្រតិបត្តិការបង្ក្រាបនៅចំណុច…
រាជធានីភ្នំពេញ ៖ កាលពីវេលាម៉ោង១១ និង៥០នាទីព្រឹកថ្ងៃទី១៥ ខែសីហា ឆ្នាំ២០១៦ កម្លាំងអាវុធហត្ថខណ្ឌចំការមនបានបើកប្រតិបត្តិការបង្ក្រាបនៅចំណុចដីឡូត៍ទុកចោលមួយកន្លែងនៅតាមបណ្ដោយផ្លូវលេខ៤៧២ សង្កាត់ផ្សារដើមថ្កូវ ខណ្ឌចំការមន ដោយចាប់បានជនសង្ស័យទាំងហ្វូងពាក់ព័ន្ធករណីកាច់កម៉ូតូ និងគ្រឿងញៀន ។
ប្រភពពីមន្ត្រីអាវុធហត្ថបានឲ្យដឹងថា ក្នុងករណីបង្ក្រាបនេះសមត្ថកិច្ចចាប់ខ្លួនបានជនសង្ស័យ១៣នាក់ រួមមាន១-ឈ្មោះ ហួន ចាន់ហាយ ភេទប្រុស អាយុ៤១ឆ្នាំ, ២-ឈ្មោះ ចេង ខេមរា ភេទប្រុស អាយុ១៩ឆ្នាំ, ៣-ឈ្មោះ លី គឹមហួ ភេទស្រី អាយុ៤១ឆ្នាំ, ៤-ឈ្មោះ ពេជ្រ គីមហួ ភេទប្រុស អាយុ១៦ឆ្នាំ, ៥-ឈ្មោះ គង់ ពេជ្រចាន់និរាជ ភេទប្រុស អាយុ១៧ឆ្នាំ, ៦-ឈ្មោះ ទ្រី ម៉ៅ ភេទប្រុស អាយុ១៧ឆ្នាំ, ៧-ឈ្មោះ ឡាយ ប៊ូ ភេទប្រុស អាយុ៣១ឆ្នាំ, ៨-ឈ្មោះ សួន សំណាង ភេទប្រុស អាយុ៣៥ឆ្នាំ, ៩-ឈ្មោះ ឌឿក ដាណា ភេទប្រុស អាយុ២៨ឆ្នាំ, ១០-ឈ្មោះ ហ្វៀន យ៉ាងទី ភេទប្រុស អាយុ៣២ឆ្នាំ, ១១-ឈ្មោះ សៅ វុត្ថា ភេទប្រុស អាយុ៣០ឆ្នាំ, ១២-ឈ្មោះ ឃឹម វណ្ណា ភេទប្រុស អាយុ៣៣ឆ្នាំ និង ១៣-ឈ្មោះ ជឿង យ៉ាងតាំ ភេទប្រុស អាយុ២៣ឆ្នាំ ។
ប្រភពបានឲ្យដឹងទៀតថា ក្នុងពេលឃាត់ខ្លួនសមត្ថកិច្ចដកហូតបានវត្ថុតាង រួមមាន ក្រាមសថ្លាសង្ស័យថ្នាំញៀន៨កញ្ចប់ (តូច១កញ្ចប់, ធំ៧កញ្ចប់) ដាវសាំមូរ៉ៃ៤ ប្រដាប់កាច់សោ.កម៉ូតូ២ ដបសម្រាប់ជក់គ្រឿងញៀន៨ ជញ្ជីងថ្លឹងថ្នាំញៀន១ ទូរស័ព្ទ៣គ្រឿង ថង់ដាក់គ្រឿងញៀន១ចំនួន ។
ក្រោយពេលចាប់ខ្លួន ជនសង្ស័យនិងវត្ថុតាង ត្រូវបានបញ្ជូនទៅការិយាល័យប្រឆាំងគ្រឿងញៀន នៃបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីធ្វើការសាកសួរបន្ថែមទៀត ៕
ចែករំលែកព័តមាននេះ