រាជធានីភ្នំពេញ ៖ ព្រះអង្គនី សុវណ្ណមុនីរ៉េត គង់នៅកុដិលេខ២៤ នៃវត្តនាគវ័ន បានផ្តល់អំណោយមួយចំនួនជូនដល់តារាចម្រៀងសំ ប៉ូលីដា ដែលរងគ្រោះជួបគ្រោះថ្នាក់កន្លងមក ។ ការធ្វើទេយ្យទាននេះ ស្របពេលដែលតារាល្បីៗមួយចំនួន ក៏បាននាំគ្នាចុះយកអំណោយថវិកាមួយចំនួនជូនដល់សំ ប៉ូលីដា នេះ ជាការលើកទឹកចិត្តមួយខ្មែរស្រឡាញ់ខ្មែរមិនថា តែជាអ្នកសិល្បៈឡើយ។
រាជធានីភ្នំពេញ ៖ ព្រះអង្គនី សុវណ្ណមុនីរ៉េត គង់នៅកុដិលេខ២៤ នៃវត្តនាគវ័ន បានផ្តល់អំណោយមួយចំនួនជូនដល់តារាចម្រៀងសំ ប៉ូលីដា ដែលរងគ្រោះជួបគ្រោះថ្នាក់កន្លងមក ។ ការធ្វើទេយ្យទាននេះ ស្របពេលដែលតារាល្បីៗមួយចំនួន ក៏បាននាំគ្នាចុះយកអំណោយថវិកាមួយចំនួនជូនដល់សំ ប៉ូលីដា នេះ ជាការលើកទឹកចិត្តមួយខ្មែរស្រឡាញ់ខ្មែរមិនថា តែជាអ្នកសិល្បៈឡើយ។
វីដេអូឃ្លីបដែលបានបញ្ជាក់ថា សំ ប៉ូលីដា ធ្លាប់រងទទួលការធ្វើទារុណកម្មពីសំណាក់ស្វាមីទាំងសរសៃខ្ចី ត្រូវបានគេបង្ហោះលើបណ្តាញទំនាក់ទំនងសង្គមហ្វេសប៊ុក កាន់តែធ្វើឲ្យសប្បុរសជនជាច្រើនទាំងព្រះសង្ឃ សិល្បករ និងសប្បុរសជនជាច្រើនបន្តបន្ទាប់ បានផ្តល់ក្តីអាណិតចំពោះនាង។
កាលពីព្រឹកថ្ងៃទី១៣ សីហា ឆ្នាំ២០១៦ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន លោកបានចាត់ឱ្យលោកស្រួល សុខជា ចុះទៅសួរសុខទុក្ខ និងប្រគល់ថវិកាមួយចំនួនដល់តារាសម្ដែង និងកំប្លែង អ្នកនាង សំ ប៉ូលីដា ដែលបានរងគ្រោះថ្នាក់បាក់ជើង និងរងរបួសលើផ្ទៃមុខយ៉ាងធ្ងន់ធ្ងរ ដែលកំពុងសម្រាលព្យាបាលនៅគេហដ្ឋាន ។
នៅរសៀលថ្ងៃដដែលនេះដែរ តារាសិល្បៈក្នុងសមាគមសិល្បករខ្មែរ និងតារាសិល្បៈក្នុង Group «គ្រួសារតារាកម្ពុជា»ដែលរួមមានលោកសុះ ម៉ាច ប្រធានសមាគមសិល្បករខ្មែរ, ព្រះតេជគុណ នី សុវណ្ណមុនីរ៉េត គង់នៅវត្តនាគវ័ន្តកុដិលេខ២៤ និងជាក្រុមប្រឹក្សាសមាគម អ្នកស្រីថុង ស៊ីវទៀង ម្ចាស់ផលិតកម្មចក្រវាទ្ប នាយឃ្លោក អ្នកនាងម៉ៅ ស៊ីណាត លោកឈឿន ឧត្តម លោកសោភ័ណ្ឌតន្ត្រី អ្នកនាងឈឹម ស្រីអូន និងតារាសិល្បៈជាច្រើន បានពាំនាំយកថវិកាជាច្រើនរយដុល្លារទៅប្រគល់ជូនអ្នកនាងសំ ប៉ូលីដា ដែលបានរងរបួសបាក់ជើង និងបែកមុខ រយះច្រមុះ ។ នៅរសៀលថ្ងៃដដែលនោះផងដែរ សមាគមមិត្តសិល្បៈស្ម័គ្រចិត្តជួយសង្គម ដែលដឹកនាំដោយអ្នកនាង ចន ច័ន្ទលក្ខិណា បានយកថវិកាដែលបងប្អូនសប្បុរសបានជួយឧបត្ថម្ភ យកទៅប្រគល់ជូន អ្នកនាង សំ ប៉ូលីដាដូចគ្នា។
គួរបញ្ជាក់ផងដែរថា តារាស្រីសម្តីបានអ្នកនាង សំប៉ូលីដាបានបង្កើតឱ្យយអ្នកសិល្បៈភ្ញាក់ផ្អើល និងសម្តែងក្តីអាណិតគ្រប់គ្នាក្រោយពីនាងលើកឡើងថា បានដួលចៃដន្យរហូតបាក់កជើងខាងស្តាំងនិងមានផ្នែកនៅមុខខ្លះទៀតជាំខ្មៅហើមភ្នែករបួសធ្ងន់មើលមុខស្ទើតែមិនស្គាល់ ។
ទោះបីជាយ៉ាងណា ប្រភពដែលស្និទ្ធនឹងនាងលើកឡើងថា របួសដែលបាក់ករជើង និងជាំមុខជាំមាត់នេះ គឺដោយសារតែស្វាមីនាងប្របើអំពើហិង្សាដោយប្រើដៃជើង និងបំពង់ទីបវាយទៅលើអ្នកនាង ប៉ុន្តែការលើកឡើងនេះ ត្រូវបាននាងច្រានចោល ដែលសូម្បីតែស្វាមីនាង ក៏បានបដិសេធផងដែរថា មិនដែលប្រើអំពើហិង្សាទៅលើភរិយាទេ។
ប៉ុន្តែក្រោយពីឆ្លើយបដិសេធមិនបានមួយថ្ងៃផង វីដេអូឃ្លីបមួយដែលគេថតកាលពីអំឡុងខែមីនាមួយ ត្រូវបានគេទម្លាយថា នាងធ្លាប់ ត្រូវបានស្វាមីមីវាយធ្វើទារុណកម្មយ៉ាងព្រៃផ្សៃ រហូតជាំមុខមាត់ស្ទើរមើលមិនយល់ ហើយសំ ប៉ូលីដា ក៏បាននិយាយដោយផ្ទាល់មាត់ថា ស្វាមីពិតជាបានធ្វើទារុណកម្មលើរូបរាងកាយនាងជាញឹកញាប់ ៕
ចែករំលែកព័តមាននេះ