រាជធានីភ្នំពេញ ៖ នាព្រឹកថ្ងៃទី១៣ សីហា ២០១៦ នេះ ស្នងការដ្ឋានគរបាលរាជធានីភ្នំពេញ បានធ្វើសន្និសីទកាសែតបង្ហាញមុខក្រុមជនសង្ស័យ ដែលធ្វើសកម្មភាពប្លន់បាញ់ជនរងគ្រោះបណ្តាលឱ្យរងរបួស ក្នុងពេលប្លន់យកម៉ូតូ១គ្រឿង ម៉ាកហុងដាសេ១២៥ ពណ៌ខ្មៅ ស៊េរី២០១៦ ពាក់ស្លាកលេខភ្នំពេញ 1FX-1645 នៅពេលដែលជនរងគ្រោះកំពុងបើកប្រាក់នៅទូ ATM កាលពីថ្ងៃទី១០ សីហា វេលាម៉ោងប្រហែល១ និង៣០នាទីរំលងអធ្រាត្រ នៅចំណុចមុខផ្ទះលេខ២០២+២០៤ ផ្លូវព្រះសីហនុ ភូមិ៤ សង្កាត់បឹងកេងកងទី២ ខណ្ឌចំការមន រាជធានីភ្នំពេញ ។ ចេញពីទូ ATM វិញ ស្រែកចោរៗ បាញ់៣គ្រាប់ស្តូកស្តឹង
ការឃាត់ខ្លួនជនសង្ស័យបាន៤នាក់ ១-ឈ្មោះចំរើន វាសនា ហៅស្នា ភេទប្រុស អាយុ២១ឆ្នាំ ២-ឈ្មោះគឹម ពៅ ហៅពេជ្រ ហៅពៅ ភេទប្រុស អាយុ១៩ឆ្នាំ ៣-ឈ្មោះ មាស សំណាង ហៅអាងោល ហៅអាខ្មៅ ភេទប្រុស អាយុ១៨ឆ្នាំ ឃាត់ខ្លួនបាននៅម្តុំក្បាលថ្នល់ សង្កាត់ផ្សារដើមថ្កូវ ខណ្ឌចំការមន កាលពីថ្ងៃទី១០ សីហា វេលាម៉ោង១១ និង៤៥នាទីយប់ ។ ចំណែកជនសង្ស័យម្នាក់ទៀតឈ្មោះខាត់ សុឃីម ហៅអាអូ អាតោ ភេទប្រុស អាយុ១៨ឆ្នាំ ឃាត់ខ្លួនបាននៅថ្ងៃទី១១-សីហា វេលាម៉ោង១ និង៣០នាទីរំលងអធ្រាត្រ នៅចំណុចម្តុំលក់ផ្កា ផ្លូវលេខ៥៩៨ មុខផ្ទះឯកឧត្តម ជា សុផារ៉ា ។
បច្ចុប្បន្ន ជនសង្ស័យទាំង៤នាក់ រួមនិងវត្ថុតាងការិយាល័យនគរបាលព្រហ្មទណ្ឌកម្រិតស្រាលរៀបចំកសាងសំណុំរឿងបញ្ចូនទៅសាលាដំបូងរាជធានីភ្នំពេញ ចំណែកបក្សពួកនៅសេសសល់ដែលកំពុងគេចខ្លួន សមត្ថកិច្ចកំពុងបន្តធ្វើការស្វែងរកចាប់ខ្លួនបន្តទៀត ។
ចែករំលែកព័តមាននេះ