រាជធានីភ្នំពេញ ៖ នៅថ្ងៃព្រហស្បតិ៍នេះរថយន្ត Audi Q5 ទីមួយលានបានចាកចេញពីខ្សែសង្វាក់ផលិតកម្មពីរោងចក្ររថយន្ត Audi នៅទីក្រុង Ingolstadt ។ រថយន្តទីមួយលានដែលជារថយន្ត SQ5
រាជធានីភ្នំពេញ ៖ នៅថ្ងៃព្រហស្បតិ៍នេះរថយន្ត Audi Q5 ទីមួយលានបានចាកចេញពីខ្សែសង្វាក់ផលិតកម្មពីរោងចក្ររថយន្ត Audi នៅទីក្រុង Ingolstadt ។ រថយន្តទីមួយលានដែលជារថយន្ត SQ5 មានពណ៌ខៀវនឹងត្រូវផ្ដល់ជូនទៅគ្រួសារមួយនៅប្រទេសអាឡឺម៉ង់។ ភាពជោគជ័យជាអន្តរជាតិរបស់ Audi Q5 បានចាប់ផ្ដើមកាលពីឆ្នាំ២០០៨ នៅពេល Audi បានចាប់ផ្ដើមម៉ូឌែលនៃប្រភេទរថយន្តទំនើបលំដាប់កណ្ដាល «ម៉ូឌែល» ទីពីរពីម៉ាកជាមួយ Four Rings បន្ទាប់ពី Audi Q7។ ចាប់តាំងពីពេលនោះមក Audi Q5 បានឈានដល់ការពេញនិយមរបស់អតិថិជន និងឃើញមាននៅតាមដងផ្លូវច្រើនជាង១០០ប្រទេស ។ ដោយសារតែ Audi ផលិតឡើងដោយលក់ដាច់បំផុតទាំងនៅប្រទេសចិន និងឥណ្ឌា សម្រាប់ទីផ្សារក្នុងស្រុកដ៏សំខាន់ ។ ការលក់ចេញនៅទូទាំងពិភពលោកសរុបជិត១.៦លានគ្រឿង ។
លោក Albert Mayer នាយករោងចក្រផលិត Audi ក្រុង Ingolstadt បានបញ្ជាក់ថា «Audi Q5 គឺជាការធានាជាក់ស្ដែងមួយនៃភាពជោគជ័យសម្រាប់ពួកយើង ។ សម្រាប់ហេតុផលនេះ ខ្ញុំពិតជាមានមោទនភាពខ្លាំងណាស់ដែលយើងបានបង្កើតឲ្យមានការទាក់ទាញដល់ពិភពលោកជាមួយម៉ូដែល SUV ពីរោងចក្រដ៏ធំក្នុងទីក្រុង Ingolstadt ។ រថយន្ដ Audi Q5 មួយលានគ្រឿងនេះបានមកគឺដោយសារប្រសិទ្ធភាពការងាររបស់ក្រុម ។ យើងបានសម្រេចបំណងដោយសារការប្ដេជ្ញាចិត្ត និងការខិតខំប្រឹងប្រែងដ៏អស្ចារ្យ» ។
Peter Mosch ប្រធានក្រុមប្រឹក្សាភិបាលនៃក្រុមការងាររបស់ AUDI AG ៖ «តាងនាមឲ្យក្រុមប្រឹក្សាភិបាល និងក្រុមការងារ ខ្ញុំសូមថ្លែងអំណរគុណដល់មិត្តរួមការងារទាំងអស់ដែលបានជួយឲ្យរថយន្ដ Audi Q5 របស់យើងចរាចរបាននៅតាមដងផ្លូវ ។ ជំនាញរបស់ពួកគេធ្វើឲ្យ SUV អាចជ្រៀតចូលក្នុងការលក់ដាច់បំផុត» ។
ក្រុមហ៊ុនបានប្រគល់រថយន្ដ Audi Q5 សរុបចំនួន២៦៦,៩៦៨គ្រឿង ទៅដល់អតិថិជននៅទូទាំងពិភពលោកកាលពីឆ្នាំមុន ដែលមានប្រហែលប្រមាណប្រាំបីភាគរយច្រើនជាងឆ្នាំ ២០១៤ (២៤៧,៤៤៦)គ្រឿង ។ ភាពជោគរបស់ Audi Q5 នៅតែបន្ដកើនឡើងការលក់ដល់ទៅ៤.៧ភាគរយនៅពាក់កណ្ដាលឆ្នាំនេះ។ Audi Q5 នៅបន្ដការលក់ ដាច់បំផុតរបស់ SUV ក្នុងវិស័យរបស់ខ្លួន ។ នយោជិតរបស់ Audi ក្រុង Ingolstadt បានផលិតរថយន្ដម៉ូឌែលនេះបានច្រើនជាង៦៥០គ្រឿងក្នុងមួយថ្ងៃ ។ បន្ថែមពីនេះ Audi Group ក្លាយទៅជាអ្នកលក់ដាច់បំផុតក្នុងក្រុង Changchun ប្រទេសចិន និង Aurangabad ប្រទេសឥណ្ឌា សម្រាប់ទីផ្សារដ៏សំខាន់របស់ខ្លួន ។ សរុបទាំងពីរប្រទេសនេះរថយន្ដ Audi Q5 ប្រហែល១.៦លានគ្រឿងត្រូវបានលក់ចេញនៅទូទាំងពិភពលោកចាប់តាំងពីការចាប់ផ្ដើមផលិតនៅឆ្នាំ២០០៨ ។ SUV គឺមានការពេញនិយមខ្លាំងនៅប្រទេសចិន សហរដ្ឋអាមេរិក និងប្រទេសអាឡឺម៉ង់ ។
Audi Ingolstadt គឺជារោងចក្រ និងជាមគ្គទេសក៏ឈានមុខមួយសម្រាប់រោចក្រ Audi ថ្មីនៅប្រទេសម៉ិចស៊ិក ។ Audi Q5 នឹងមានផែនការក្នុងខ្សែផលិតកម្មនៅទីក្រុង San José Chiapa សម្រាប់ទីផ្សារពិភពលោកនៅចុងខែកញ្ញានេះ ។
ចែករំលែកព័តមាននេះ