ផ្លូវកញ្ចក់លើអាកាសដូចដើរលើពពក
អគារ «Jin Mao Tower» បើកផ្លូវថ្មើរជើងសង់ពីកញ្ចក់ «ដើរទស្សនាទីក្រុងពីលើអាកាស» កាលពីថ្ងៃទី២៨ កក្កដា ២០១៦ ។ ផ្លូវកញ្ចក់នោះព័ទ្ធជុំវិញអគារ «Jin Mao» ជាន់ទី៨៨ មានកម្ពស់៣៤០ម៉ែត្រ ។
អគារ «Jin Mao Tower» បើកផ្លូវថ្មើរជើងសង់ពីកញ្ចក់ «ដើរទស្សនាទីក្រុងពីលើអាកាស» កាលពីថ្ងៃទី២៨ កក្កដា ២០១៦ ។ ផ្លូវកញ្ចក់នោះព័ទ្ធជុំវិញអគារ «Jin Mao» ជាន់ទី៨៨ មានកម្ពស់៣៤០ម៉ែត្រ ។ ដើរលើផ្លូវកញ្ចក់នោះឱ្យទស្សនិកជនបានទស្សនាច្រាំងទន្លេ «Fujiang» ហើយមានអារម្មណ៍ហាក់ដូចជាដើរលើដុំពពកទស្សនាអគារ ខ្ពស់ៗក្នុងទីក្រុង ។
ផ្លូវកញ្ចក់នោះមានបណ្តោយប្រវែង៦០ម៉ែត្រ ទទឹង១,២ម៉ែត្រ ។ ទស្សនិកជនដែលឡើងទស្សនាត្រូវពាក់ខ្សែពួរសុវត្ថិភាពចងជាប់នឹងចង្កេះ និងមានអ្នកចាំជួយការពារសុវត្ថិភាព ។
«Jin Mao Tower» មានទីតាំងស្ថិតនៅខណ្ឌ «Lujiazjui» ក្រុងសៀងហៃ ជាអគារខ្ពស់ស្ថិតនៅលំដាប់ទី៥លើពិភពលោកបើវាស់ពីកម្ពស់ដំបូលបេតុងអគារ និងខ្ពស់ក្នុងលំដាប់ទី៧នៅលើពិភពលោក បើវាស់ដល់ចុងកំពូលអគារ មានកម្ពស់៤២១ម៉ែត្រ និង៨៨ជាន់ ៕
ចែករំលែកព័តមាននេះ