អ្នកទទួលខុសត្រូវម្នាក់ខាងសន្តិសុខតួកគីរាយការណ៍ថាមនុស្សយ៉ាងតិច៨នាក់ ក្នុងនោះមានជនស៊ីវិល៧នាក់ និងប៉ូលិសម្នាក់បានត្រូវស្លា.ប់ដោយសារការវាយប្រហារគ្រាប់បែក២ដំណាលគ្នាកាលពីយប់ថ្ងៃទី១០
អ្នកទទួលខុសត្រូវម្នាក់ខាងសន្តិសុខតួកគីរាយការណ៍ថាមនុស្សយ៉ាងតិច៨នាក់ ក្នុងនោះមានជនស៊ីវិល៧នាក់ និងប៉ូលិសម្នាក់បានត្រូវស្លាប់ដោយសារការវាយប្រហារគ្រាប់បែក២ដំណាលគ្នាកាលពីយប់ថ្ងៃទី១០ សីហា នៅភាគអាគ្នេយ៍តួកគីដែលការវាយប្រហារទាំងនោះគេចាត់ទុកថាជាស្នាដៃរបស់ក្រុមឧទ្ទាមនៃគណបក្សពលករឃើតឌីស្ថាន PKK ។
អភិបាលក្រុង DIYARBAKIR ទីប្រជុំជនមួយនាភាគអាគ្នេយ៍តួកគីមានពួកឃើតភាគច្រើនគូសបញ្ជាក់ថា ការបំផ្ទុះរថយន្តមួយបណ្តាលឱ្យមនុស្សស្លាប់យ៉ាងតិច៥នាក់នៅកណ្តាលក្រុងនេះ។ ម្យ៉ាងវិញទៀតមនុស្ស១២នាក់ក្នុងនោះមានប៉ូលិស៥នាក់រងរបួសក្នុងការវាយប្រហារនោះ។ ការផ្ទុះមួយទៀតស្ទើរតែដំណាលគ្នាសម្លាប់ជនស៊ីវិល៣នាក់ ក្នុងមូលដ្ឋាន KIZILTEPE ភាគខាងត្បូងក្រុង MARDIN ។ ការផ្ទុះនោះក៏បណ្តាលឱ្យមនុស្ស២៥នាក់រងរបួសផងដែរ ។ បណ្តារូបភាពផ្សាយតាមបណ្តាទូរទស្សន៍បង្ហាញពីការខូចខាតអគារទាំងឡាយនៅជុំវិញកន្លែងផ្ទុះ ព្រមតាំងរថយន្តទាំងឡាយដែលនៅក្បែរ ។
ថ្ងៃទី១០ សីហាថាថ្ងៃយើងបង្ហូរឈាមមួយនៅភាគអាគ្នេយ៍តួកគី ។ ទាហានតួកគី៥នាក់ បានត្រូវស្លាប់និង៨នាក់ទៀតរងរបួសក្នុងការវាយប្រហារដោយគ្រឿងផ្ទុះមួយនាវេលាព្រឹកដែលក៏ជាស្នាដៃរបស់ពួកឧទ្ទាមPKK ដែរ។ គ្រឿងផ្ទុះត្រូវបានចុចឱ្យផ្ទុះពីចម្ងាយពេលក្បួនរថយន្តយោធាមួយបើកមកដល់នៅ ULUDERE ក្បែរព្រំដែនអីុរ៉ាក់ ៕
ចែករំលែកព័តមាននេះ