ខេត្តរតនគិរី ៖ បុរសជនជាតិឥណ្ឌាម្នាក់មានសតិមិនល្អ ដោយគេឃើញមានស្នាមរបួសពេញដងខ្លួន ហើយដើរតាមមុខផ្ទះប្រជាពលរដ្ឋក្នុងក្រុងបានលុង និងសុំឱ្យមានការអន្តរាគមន៍ពីស្ថានទូតឥណ្ឌា ដើម្បីរកវិធីជួយព្យាបាល ឬក៏បញ្ជូនគាត់ទៅប្រទេសវិញ។
ខេត្តរតនគិរី ៖ បុរសជនជាតិឥណ្ឌាម្នាក់មានសតិមិនល្អ ដោយគេឃើញមានស្នាមរបួសពេញដងខ្លួន ហើយដើរតាមមុខផ្ទះប្រជាពលរដ្ឋក្នុងក្រុងបានលុង និងសុំឱ្យមានការអន្តរាគមន៍ពីស្ថានទូតឥណ្ឌា ដើម្បីរកវិធីជួយព្យាបាល ឬក៏បញ្ជូនគាត់ទៅប្រទេសវិញ។
បុរសឥណ្ឌាម្នាក់ដែលគេមិនស្គាល់ឈ្មោះ និងមិនដឹងពីទីកន្លែងស្នាក់នៅ ដែលកំពុងតែដើរសុំបាយប្រជាពលរដ្ឋហូប និងដើរតាមដងផ្លូវនៅក្រុងបានលុង ហាក់ដូចជាមនុស្សវិកលចរិក ។ នៅថ្ងៃទី១១ សីហា ឆ្នាំ២០១៦ វេលាម៉ោង១០ព្រឹក អ្នកសារព័ត៌មានយើងបានជួបគាត់ផ្ទាល់ នៅតាមដងផ្លូវក្នុងក្រុងបានលុង ក៏សួរនាំគាត់ពីមូលហេតុស្នាមរបួសដងខ្លួន និងធ្លាក់ខ្លួនក្នុងសភាពបែបនេះ ក៏ប៉ុន្តែចម្លើយរបស់គាត់ឆ្លើយថា អត់ចេះខ្មែរទេ ហើយរបួសពេញខ្លួននេះ គាត់បានដួលម៉ូតូ៣-៤ខែហើយ ត្រូវបានមិត្តភ័ក្តដេញចេញមិនឱ្យនៅជាមួយ ហើយគាត់មិនបានបញ្ជាក់ពីឈ្មោះ និងអាយុប៉ុន្មានដែរ ព្រោះគាត់និយាយខ្មែរបានមួយម៉ាត់ៗ មិនដឹងជាស្នាក់នៅកន្លែងពិតប្រាកដនោះទេ ។
ពេលនេះ ប្រជាពលរដ្ឋជាច្រើនគ្រួសារបានសំណូមពរអោយអាជ្ញាធរ ឬសមត្ថកិច្ចពាក់ព័ន្ធជនបរទេស មេត្តារកវិធីព្យាបាលរបួស និងបញ្ជូនគាត់ទៅប្រទេសដើមវិញ។ ពួកគាត់បានបន្តថា ជនជាតិឥណ្ឌាមួយនេះ ជាភ្ញៀវមកលេងស្រុកខ្មែរយើងដល់ពេលគាត់ធ្លាក់ខ្លួនក្នុងប្រការណាមួយ ដោយយថាហេតុ គួរតែសមត្ថកិច្ចពាក់ព័ន្ធយកចិត្តទុកដាក់ផង កុំបណ្តែតបណ្តោយអោយជនរបស់បរទេសផ្សេងទៀត វាយតម្លៃមកលើសមត្ថកិច្ចរបស់ខ្មែរ ហើយពួកគាត់សំណូមពរឱ្យសារព័ត៌មានកោះសន្តិតភាពចុះផ្សាយឱ្យស្ថានទូតឥណ្ឌាបានដឹង និងជួយសង្គ្រោះគាត់ ។
ចែករំលែកព័តមាននេះ