ឆ្នោតខ្មែរសម្រេចក្ដីបំណងរបស់កម្មករសំណង់ម្នាក់
រាជធានីភ្នំពេញ ៖ បុរសកម្មករសំណង់ម្នាក់នៅរាជធានីភ្នំពេញដែលមកពីខេត្តកំពង់ចាម តែងតែចង់បានមុខរបរមួយដែលជារបស់ផ្ទាល់ខ្លួន តែពុំមានលទ្ធភាពក្នុងការបង្កើតមុខរបរដែលខ្លួនប្រាថ្នា
រាជធានីភ្នំពេញ ៖ បុរសកម្មករសំណង់ម្នាក់នៅរាជធានីភ្នំពេញដែលមកពីខេត្តកំពង់ចាម តែងតែចង់បានមុខរបរមួយដែលជារបស់ផ្ទាល់ខ្លួន តែពុំមានលទ្ធភាពក្នុងការបង្កើតមុខរបរដែលខ្លួនប្រាថ្នា តែក្រោយមកបុរសម្នាក់នេះ បានសម្រេចក្តីបំណងរបស់ខ្លួនជាមួយនឹងមុខរបររត់រ៉ឺម៉កកង់បង់នៅរាជធានីភ្នំពេញ ដោយបានទុនពីក្រុមហ៊ុនឆ្នោតខ្មែរ ដោយសារការត្រូវរង្វាន់ចំនួន៣ពាន់ដុល្លារកាលពីពេលថ្មីៗនេះ ។
លោកផាន់ណា វ័យ៥៤ឆ្នាំ ដែលផ្សងសំណាងជាមួយក្រុមឆ្នោតខ្មែរ និងបានឈ្នះទឹកប្រាក់ចំនួន៣ពាន់ដុល្លារអាមេរិក បានឱ្យដឹងថា លោកពិតជាមានអារម្មណ៍រំភើបខ្លាំងណាស់ នៅពេលដែលពិនិត្យសន្លឹកឆ្នោតទៅឃើញថា លោកឈ្នះរង្វាន់ ហើយនេះគឺជារង្វាន់ពិតៗដោយលោកបានចំណាយប្រាក់តែ៦០០រៀល ប៉ុណ្ណោះ នៅក្នុងថ្ងៃលោកត្រូវរង្វាន់នោះ ។
លោកពេជ្រ ចិត្រា នាយកប្រតិបត្តិរបស់ក្រុមហ៊ុនឆ្នោតខ្មែរ បានឱ្យដឹងថា ឆ្នោតខ្មែរ គឺជាឆ្នោតស្របច្បាប់ហើយវាមិនមែនជាល្បងស៊ីសង ដូចការចាក់កន្ទុយលេខនោះទេ ។ ការលេងឆ្នោតខ្មែរ គឺមិនត្រូវបានចំណាយទឹកប្រាក់ធំដុំនោះទេ ទឹកប្រាក់ដែលយកមកលេងឆ្នោតខ្មែរ ។ អតិថិជនគ្រប់រូបគ្រាន់តែចំណាយប្រាក់តែប៉ុន្មានរយរៀល ដែលបានសល់ពីលុយអាប់ទុកចោល ឬលុយកាត់បន្ថយពីការទិញស្រា.ស ឬលុយចំណាយចោលខុសខ្ទង់ ដើម្បីយកមកផ្សងសំណាងកម្សាន្ត ហើយអាចនឹងមានសំណាងឈ្នះប្រាក់រាប់លានរៀល ។
លោកបន្តថា ការផ្សងសំណាងជាមួយឆ្នោតខ្មែរ គឺមានលក្ខណៈផ្ទុយស្រឡះដាច់ដោយឡែកពីល្បែងស៊ីសងផ្សេងៗ ត្រង់ថា ឆ្នោតខ្មែរ គឺជាទម្រង់កម្សាន្តផ្សងសំណាងប្រចាំថ្ងៃជាមួយនឹងទឹកប្រាក់ប៉ុន្មានរយរៀលប៉ុណ្ណោះ ក្នុងចំណោមមនុស្សច្រើននាក់ ចំណែកឯល្បែងស៊ីសងវិញ មានមនុស្សតែមួយក្ដាប់តូចយកលុយកាក់យ៉ាងច្រើនរបស់ក្រុមគ្រួសារដែលបានមកពីការប្រកបរបរផ្សេងៗយ៉ាងលំបាកទៅលេងល្បែងស៊ីសងជាមួយនឹងទឹកប្រាក់យ៉ាងធំដែលធ្វើឱ្យប៉ះពាល់ដល់ជីវភាពរស់នៅប្រចាំថ្ងៃ និងខូចសណ្ដាប់ធ្នាប់សង្គម ។ លោកលើកទឹកចិត្តដល់ប្រជាពលរដ្ឋខ្មែរទាំងអស់សាកល្បងសន្សំប្រាក់ត្រឹមតែ១០០រៀលតែប៉ុណ្ណោះក្នុងមួយថ្ងៃ ក្នុងការផ្សងសំណាង ប្រសិនជាពួកគាត់មានសំណាង នោះវានឹងធ្វើការផ្លាស់ប្តូរជីវិតរស់នៅរបស់ពួកគាត់ ហើយប្រសិនជាពួកគាត់គ្មានសំណាងនោះទេ ក៏នឹងមិនមានផលអ្វីអាក្រក់នោះដែរ ។
គួរបញ្ជាក់ថា ក្រុមហ៊ុនឆ្នោតខ្មែរបានចាប់ដៃគូសហការជាមួយក្រុមហ៊ុនបម្រើសេវាទូរស័ព្ទចល័ត CooTel 038 ដើម្បីលក់ឆ្នោតតាមប្រព័ន្ធអ៊ីនធើរណេត ដោយបានទទួលអាជ្ញាប័ណ្ណស្របច្បាប់ពីក្រសួងសេដ្ឋកិច្ច និងហិរញ្ញវត្ថុចាប់ពីឆ្នាំ២០១៥ មកម្ល៉េះ ។ ក្រុមហ៊ុនត្រូវបានវិនិយោគក្នុងទឹកប្រាក់ជាច្រើនលានដុល្លារសហរដ្ឋអាមេរិក ហើយបានដាក់សម្ពោធដំណើរការជាផ្លូវការនៅពាក់កណ្ដាលខែធ្នូ ឆ្នាំ២០១៥ កន្លងទៅនេះ ។ ការដាក់ដំណើរការនូវក្រុមហ៊ុនឆ្នោតខ្មែរនេះ ក្នុងគោលបំណងដើម្បីទប់ស្កាត់ និងកាត់បន្ថយការលេងឆ្នោតមិនមានច្បាប់នេះ ក្រុមហ៊ុនក៏មានការតម្កល់ប្រាក់នៅធនាគារជាតិនៃកម្ពុជាផងដែរ ក្នុងការផ្ដល់សេចក្តីទុកចិត្តដល់សាធារណជន ៕
ចែករំលែកព័តមាននេះ