កំពូលស្មាតហ្វូនរបស់សាំស៊ុងគឺ Galaxy Note 7 បានបំបែកកំណត់ត្រាក្នុងប្រទេសកូរ៉េដោយមានអ្នកបញ្ជាទិញច្រើនជាងគេបំផុត ពោលគឺមានចំនួនច្រើនជាង២០០.០០០គ្រឿងបញ្ជាទិញត្រឹមតែរយៈពេល២ថ្ងៃ
កំពូលស្មាតហ្វូនរបស់សាំស៊ុងគឺ Galaxy Note 7 បានបំបែកកំណត់ត្រាក្នុងប្រទេសកូរ៉េដោយមានអ្នកបញ្ជាទិញច្រើនជាងគេបំផុត ពោលគឺមានចំនួនច្រើនជាង២០០.០០០គ្រឿងបញ្ជាទិញត្រឹមតែរយៈពេល២ថ្ងៃប៉ុណ្ណោះដែលតួលេខនេះមានចំនួនច្រើនជាង Galaxy S7 ពីរដងឯណោះ ។
យោងតាមប្រភពព័ត៌មានក្នុងប្រទេសឱ្យដឹងថា Galaxy Note 7 កំពុងអង្រួនទីផ្សារកូរ៉េយ៉ាងខ្លាំង ។ នេះដោយសារតែក្រុមហ៊ុនសាំស៊ុងបានផ្តល់កាដូដូចជាខ្សែដៃអេឡិចត្រូនិក Gear Fit ជំនាន់ទី២ មានតម្លៃ១៧៧ដុល្លារ ឥតគិតថ្លៃ បញ្ចុះ៥០% លើការជួសជុលអេក្រង់ ព្រមទាំងកាដូចជាកាតដែលមានទឹកប្រាក់៩១ដុល្លារអាចប្រើប្រាស់នៅហាងទំនិញដែលបង់តាមសេវាកម្ម Samsung Pay ទៀតផង ។ Galaxy note 7 នឹងនាំចេញទៅកាន់ពិភពលោកនៅថ្ងៃទី១៩ សីហា ២០១៦ ក្នុងប្រទេសកូរ៉េខាងត្បូង ។ វានឹងមកដល់ទីផ្សារស្រុកខ្មែរនៅថ្ងៃទី២០ សីហា រួមជាមួយនឹងការថែមជូនជាពិសេស ៕
ចែករំលែកព័តមាននេះ