ទីក្រុងតៃប៉ិ ៖ អ្នកបើកបរជិត៣៥០នាក់នៅតៃវ៉ាន់ ត្រូវបានទទួលការផាកពិន័យយ៉ាងធ្ងន់ធ្ងរ ចំពោះការលេង Pokémon Go នៅលើទូរស័ព្ទដៃ បន្ទាប់ពីមានការដាក់ចេញឱ្យលេងហ្គេមដ៏ពេញនិយមមួយនេះ ។ គួរបញ្ជាក់ផងដែរថា ហ្គេមនេះ បានធ្វើឲ្យមានបញ្ហាមួយចំនួនរួចមកហើយ ដូចជាបានបណ្តាលឱ្យមានការរបួសបាក់ដៃបាក់ជើង ហើយវាត្រូវបានគេហាមឃាត់មិនឱ្យលេងនៅ
ទីក្រុងតៃប៉ិ ៖ អ្នកបើកបរជិត៣៥០នាក់នៅតៃវ៉ាន់ ត្រូវបានទទួលការផាកពិន័យយ៉ាងធ្ងន់ធ្ងរ ចំពោះការលេង Pokémon Go នៅលើទូរស័ព្ទដៃ បន្ទាប់ពីមានការដាក់ចេញឱ្យលេងហ្គេមដ៏ពេញនិយមមួយនេះ ។ គួរបញ្ជាក់ផងដែរថា ហ្គេមនេះ បានធ្វើឲ្យមានបញ្ហាមួយចំនួនរួចមកហើយ ដូចជាបានបណ្តាលឱ្យមានការរបួសបាក់ដៃបាក់ជើង ហើយវាត្រូវបានគេហាមឃាត់មិនឱ្យលេងនៅក្នុងសារមន្ទីរឡើយ ។
ហ្គេមមួយប្រភេទនេះ ត្រូវបានមនុស្សជាច្រើនចាប់អារម្មណ៍ និងលេងជាច្រើននាក់ គិតតាំងពីខែមុន ខណៈត្រូវបានដាក់ឱ្យលេងដំបូងបំផុត ។ វាតម្រូវឱ្យអ្នកលេងហ្គេមនេះ ត្រូវដើររកសត្វចម្លែកៗនៅពិភពមែនទែនខាងក្រៅ (មិនមែននៅក្នុងទូរស័ព្ទ) ។ គិតចាប់តាំងពីពេលមានហ្គេមនេះ នៅតៃវ៉ានកាលពីថ្ងៃសៅរ៍មក គេឃើញមានករណីផាកពិន័យទៅលើអ្នកបើកបរសរុប៣៤៩ករណី ដែរ ក្នុងនោះភាគច្រើន គឺអ្នកជិះម៉ូតូ ។ នេះគឺជាការរាយការណ៍ពីភ្នាក់ងារប៉ូលិសថ្នាក់ជាតិតៃវ៉ាន់។
ទោះបីជាហ្គេមមួយប្រភេទនេះ មានលក្ខណៈពិសេសត្រង់ថា វាជួយជម្រុញឱ្យមនុស្សចេញដើរក្រៅ កុំឱ្យខ្ជិលក៏ដោយ តែថ្នាក់លើនៅតៃវ៉ាន់ បានព្រមានទុកជាមុនឲ្យអ្នកលេងទាំងអស់ មានការប្រុងប្រយ័ត្ន ។
លោកនាយករដ្ឋមន្ត្រីតៃវ៉ាន់បានសរសេរនៅលើទំព័របណ្តាញសង្គមហ្វេសប៊ុកជាផ្លូវការរបស់ខ្លួនថា «ចង់ចាប់សត្វចម្លែកៗទាំងនោះ ក៏ចាប់ចុះ តែសូមកុំឲ្យគ្រោះថ្នាក់ចាប់អ្នកបាន» ។
សូមបញ្ជាក់ដែរថា តម្លៃទឹកប្រាក់ក្នុងការបង់ពិន័យ សម្រាប់អ្នកបើកបរហើយប្រើទូរស័ព្ទ គឺ៣០០០ដុល្លារតៃវ៉ាន់ (ប្រហែល៩៥
ដុល្លារសហរដ្ឋអាមេរិក) សម្រាប់អ្នកបើកបររថយន្ត និង១០០០ដុល្លារតៃវ៉ាន់ (ប្រហែល៣២ដុល្លារសហរដ្ឋអាមេរិក) ចំពោះអ្នកបើកបរម៉ូតូ។
ក្រៅពីមានករណីផាកពិន័យខាងលើ Apple Daily បានប្រាប់ថា ក្មេងជំទង់អាយុ២០ឆ្នាំ ជនជាត់តៃវ៉ាន់ម្នាក់បាក់ឆ្អឹងជង្គង់ បន្ទាប់ពីបានដួលម៉ូតូ ពេលកំពុងមើលទូរស័ព្ទ ។ លើសពីនេះទៅទៀត នៅក្នុងសារមន្ទីរជាតិតៃប៉ិ បានហាមឃាត់មិនឲ្យអ្នកចូលទស្សនាលេងហ្គេម Pokémon Go ឡើយ។
បើនៅប្រទេសថៃវិញ ថ្នាក់លើបានប្រាប់ប្រជាពលរដ្ឋខ្លួនឲ្យដឹងជាមុនថា ថ្នាក់លើហាមមិនឲ្យចូលក្នុងបរិវេណមណ្ឌលបោះឆ្នោតដើម្បីចាប់សត្វក្នុងហ្គេមនេះឡើយ ស្របពេលជាមួយនឹងមានការបោះឆ្នោតតាក់តែងរដ្ឋធម្មនុញ្ញថ្មីកាលពីថ្ងៃអាទិត្យកន្លងមកនេះ។
បើនៅប្រទេសអ៊ីរ៉ង់វិញ ដែលត្រូវបានគេដឹងថាជាប្រទេសហាមឃាត់មិនឲ្យមានការផ្សព្វផ្សាយព័ត៌មានអន្តរជាតិ និងគេហទំព័រមួយចំនួន គឹបានហាមឃាត់ជាដាច់ខាតចំពោះការលេងហ្គេម Pokémon Go៕
ចែករំលែកព័តមាននេះ