នាយកក្រុមហ៊ុន A សុំខ្ចីអ្នកបើកឡាន ក្រុមហ៊ុន B មួយខែ។ បន្ទាប់ពីអ្នកបើកឡានទៅក្រុមហ៊ុន A លោកនាយកក្រុមហ៊ុន B ទូរស័ព្ទប្រាប់ក្រុមហ៊ុន A ៖
-អាម្នាក់នេះចូលចិត្ដរឿងភ្នាល់ណាស់, សម្លាញ់ឯងជួយធ្វើឱ្យវាឈប់ឆ្កួតល្បែងភ្នាល់ផង។ វាធ្វើការសកម្មជាងអ្នកណាៗទាំងអស់ទាសតែឆ្កួតនឹងភ្នាល់មួយមុខប៉ុណ្ណោះ។ អញ្ចឹងហើយបានជាមិនដាច់ចិត្ដដេញវាចោល។
ឮដូច្នេះនាយកក្រុមហ៊ុន A សួរអ្នកបើកឡាន ៖
-ប្អូនឯងចូលចិត្ដភ្នាល់មែនទេ? ចង់ភ្នាល់ ស្អីខ្លះ?
-បាទ, ស្អីក៏ចង់ភ្នាល់ដែរ។
ថាហើយគេមើលមុខលោកនាយកជាមួយភាពញញឹមញញែម រួចនិយាយបន្ដ ៖
-ពេលនេះខ្ញុំហ៊ានភ្នាល់ថាខ្នងលោក
នាយកមានសម្លាកធំមួយ, បើអត់មានទេខ្ញុំចាញ់១០ដុល្លារ។ លោកនាយកក្រុមហ៊ុន A សើចក្អាកក្អាយ សើចបណ្ដើរលាត់អាវបង្ហាញខ្នងបណ្ដើរ ៖
-មើលឱ្យច្បាស់ទៅ, ហើយឱ្យ១០ដុល្លារមកខ្ញុំ។
បន្ទាប់ពីទទួលប្រាក់១០ដុល្លារលោកនាយកក្រុមហ៊ុន A ទូរស័ព្ទប្រាប់នាយកក្រុមហ៊ុន B ៖
-អ្នកបើកឡានសម្លាញ់ឯងប្រហែលលែងលេងភ្នាល់ហើយ។ អម្បាញ់មិញគ្នាផ្ដល់មេរៀនមួយ, វាស្ពឹកមុខសម្បើមណាស់។
-មេរៀនយ៉ាងម៉េច?
-ពេលមកដល់ភ្លាមវាភ្នាល់ថាខ្នងគ្នាមានសម្លាកធំមួយបើអត់មានទេវាសុខចិត្ដចាញ់១០ដុល្លារ។ ឥឡូវវាអស់១០ដុល្លារ ខានស៊ីគុយទាវពេលព្រឹកនេះហើយ។
-ស្អីហ្នឹង? ម៉េចព្រមភ្នាល់អញ្ចឹង? ឯង ឈ្នះវា១០ដុល្លារ តែគ្នាត្រូវចាញ់់វា ១.០០០ ដុល្លារ, ដឹងទេ?
-ចាញ់រឿងអី?
-មុនចេញទៅវាភ្នាល់ជាមួយគ្នា១.០០០ ដុល្លារ ហើយសន្យាក្នុងរវាង៥នាទីបន្ទាប់ពីទៅដល់ក្រុមហ៊ុនA វានឹងធ្វើឱ្យឯងលាត់អាវបង្ហាញខ្នងឱ្យវាមើល។ ឥឡូវវាឈ្នះទាល់តែបាន។
-ម៉េចឯងមិនប្រាប់មុន?
ចែករំលែកព័តមាននេះ