រាជធានីភ្នំពេញ ថ្ងៃទី៣ ខែសីហា ឆ្នាំ២០១៦៖ យុវវ័យកម្ពុជារាប់ពាន់នាក់រីករាយភ្ញាក់ផ្អើលយ៉ាងខ្លាំងដោយពួកគេត្រូវបានអញ្ជើញពីសំណាក់តារាក្នុងដួងចិត្តរបស់ពួកគេឱ្យចូលរួមអបអរស្លាកសញ្ញា កូកា-កូឡា
រាជធានីភ្នំពេញ ថ្ងៃទី៣ ខែសីហា ឆ្នាំ២០១៦៖ យុវវ័យកម្ពុជារាប់ពាន់នាក់រីករាយភ្ញាក់ផ្អើលយ៉ាងខ្លាំងដោយពួកគេត្រូវបានអញ្ជើញពីសំណាក់តារាក្នុងដួងចិត្តរបស់ពួកគេឱ្យចូលរួមអបអរស្លាកសញ្ញា កូកា-កូឡា អក្សរខ្មែរដំបូងបំផុតផលិតនៅប្រទេសកម្ពុជា នៅតាមបណ្ដាហាងនានាក្នុងរាជធានីភ្នំពេញ ហើយក៏មានសកម្មភាពប្លែកៗគួរឱ្យចាប់អារម្មណ៍ផ្សេងៗនៅតាមបណ្ដាខេត្តទាំង៨ក្នុងព្រះរាជាណាចក្រកម្ពុជាផងដែរ ។
នេះជាសកម្មភាពមួយក្នុងចំណោមសកម្មភាពប្លែកៗដទៃទៀតនៃយុទ្ធនាការ «ទិញផលិតផលខ្មែរ» ដែលរៀបចំឡើងដោយក្រសួងពាណិជ្ជកម្ម ដើម្បីលើកស្ទួយការយល់ដឹងអំពីផលិតផលមានគុណភាពសម្រាប់អតិថិជនកម្ពុជា និងដើម្បីជំរុញឱ្យផលិតផលរបស់ប្រទេសកម្ពុជាកាន់តែប្រសើរឡើងទាំងការផលិត ការវេចខ្ចប់ និងគុណភាពខ្ពស់ ដោយក្នុងនោះក្រុមហ៊ុន កូកា-កូឡា គឺជាដៃគូយុទ្ធសាស្ត្រ និងជាក្រុមហ៊ុនឧបត្ថម្ភផងដែរ។
យុទ្ធនាការប្រព្រឹត្តទៅចាប់ពីថ្ងៃទី១ ដល់ថ្ងៃទី៨ ខែសីហានេះ នៅរាជធានីភ្នំពេញ ហើយនឹងបន្តនៅតាមបណ្ដាខេត្តទាំង៨ផ្សេងទៀត ដោយក្នុងនោះមានកម្មវិធីថតរូបពញ្ញាក់អារម្មណ៍មួយជាមួយតារាល្បីៗ ព្រមទាំងមានការចែកជូនដោយឥតគិតថ្លៃនូវកូកា-កូឡាដបប្លាស្ទិកថ្មី ចំណុះ៣៩០ម.ល ដែលផលិតនៅប្រទេសកម្ពុជាដំបូងជាមួយការរចនានិមិត្តសញ្ញា កូកា-កូឡា ជាអក្សរខ្មែរទៀតផង។
ក្រុមការងារ កូកា-កូឡា នឹងចុះតាមទីតាំងដែលមានដូចជា ហាង Park Café (បាក់ទូក) ហាង Bonchon (ភ្នំពេញសេនធ័រ) ហាង Pizza Company (មាត់ទន្លេ) ហាង Burger King (ទួលគោក) ហាង BBQ (បឹងកេងកង) ហាង Master Grill (ផ្សារសុវណ្ណា) ហាង Lucky Burger (ផ្សារស៊ីធីម៉ល) ហាង Pizza Company (TK) ហាង Domino (ភ្នំពេញថ្មី) ហាង Domino (សាលា IFL) ហាង Pizza Company (កម្ពុជាក្រោម) និងហាង Yi Sang (មាត់ទន្លេ) ដើម្បីបង្កើតភាពភ្ញាក់ផ្អើលដល់អតិថិជនទាំងអស់តាមរយៈសកម្មភាពថតរូបជាមួយនឹងតារាចម្រៀង និងវីជេល្បីៗ មានដូចជា លោក ហេង ពិទូ កញ្ញា អេដា លោក តាប៊ុយ និងលោក សុគន្ធ ថេរ៉ាយុ ។
កញ្ញារស្មី ជាយុវតីម្នាក់ក្នុងចំណោមយុវវ័យជាច្រើនរូបទៀត បានបង្ហាញពីចំណាប់អារម្មណ៍ថា ៖«ខ្ញុំពិតជាមានមោទនភាពណាស់ដោយបានក្លាយជាមនុស្សដំបូងគេដែលបានកាន់ និងភ្លក់រសជាតិកូកា-កូឡា ដែលផលិតក្នុងស្រុកយើង និងមានអក្សរយើង! ខ្ញុំមានអារម្មណ៍ភ្ញាក់ផ្អើល និងរំភើបរីករាយយ៉ាងខ្លាំងជាមួយកូកា-កូឡា ហើយបានជួប idols របស់ខ្ញុំទៀត ។»
«ខ្ញុំពិតជារំភើប និងមានមោទនភាពបំផុតក្នុងការចូលរួមយុទ្ធនាការផ្សព្វផ្សាយផលិតផល កូកា-កូឡាថ្មី ដែលផលិត និងរចនាស្លាកសញ្ញាអក្សរខ្មែរដំបូងនៅប្រទេសកម្ពុជាយើង។» នេះជាការលើកឡើងរបស់ លោក ហេង ពិទូ តារាចម្រៀងដ៏ល្បីមួយរូប និងជាអ្នកតំណាងក្នុងយុទ្ធនាការរបស់ កូកា-កូឡា ។ លោកបានបន្ថែមទៀតថា ៖«អ្វីដែលពិសេសទៅទៀតនោះគឺយុវវ័យ និងអតិថិជនយើងជាច្រើនមានការភ្ញាក់ផ្អើលយ៉ាងខ្លាំងដោយឃើញរូបខ្ញុំក៏ដូចជាតារាល្បីៗផ្សេងទៀតនៅក្នុងរូបថតពីក្រោយគាត់ដោយមិនបានព្រៀងទុក ហើយពួកគាត់ក៏រំភើបយ៉ាងខ្លាំងដោយបានក្លាយជាមនុស្សដំបូងបានរីករាយជាមួយ កូកា-កូឡា ផលិតនៅកម្ពុជា និងមានរចនាអក្សរខ្មែរ ។»
ក្នុងឱកាសនេះផងដែរ លោកស្រី គង់ កុសល នាយកផ្នែកទីផ្សារប្រចាំប្រទេសរបស់ក្រុមហ៊ុនភេសជ្ជៈកម្ពុជា កូកា-កូឡា បានថ្លែងឲ្យដឹងថា៖«នាងខ្ញុំមានមោទនភាពបំផុតដែលកូកា-កូឡា ត្រូវបានផលិតនៅប្រទេសកម្ពុជា ជាមួយការរចនានិមិត្តសញ្ញាជាអក្សរខ្មែរ ហើយនេះជាកត្តានាំឲ្យយើងធ្វើការអបអរ និងចែករំលែកសមិទ្ធផលនេះជាមួយអតិថិជនរបស់យើងតាមរយៈយុទ្ធនាការរបស់យើងនៅថ្ងៃនេះ។» លោកស្រីបានបន្ថែមទៀតថា៖«វាឆ្លុះបញ្ចាំងឲ្យឃើញថា កម្ពុជាទទួលបានឱកាសដ៏ពិសេសមួយដើម្បីក្លាយជាទីផ្សារមួយរបស់កូកា-កូឡា ដែលរីកចម្រើនដ៏ឆាប់រហ័សក្នុងចំណោមបណ្ដាប្រទេសនានាក្នុងពិភពលោក ។ កត្តានេះបង្ហាញពីលក្ខណៈពិសេស និងភាពលេចធ្លោនៃនិមិត្តសញ្ញាជាអក្សរខ្មែរ និងសារៈសំខាន់របស់រចនាបថនេះចំពោះទីផ្សារកម្ពុជា ។ យើងពិតជារំភើបរកអ្វីប្រៀបផ្ទឹមពុំបានចំពោះការបោះពុម្ពជាអក្សរខ្មែរលើសំបកវេចខ្ចប់ ហើយយើងខ្ញុំក៏ជឿជាក់ថា ប្រជាជនកម្ពុជានឹងបន្តគាំទ្រផលិតផលរបស់យើងកាន់តែច្រើនដោយភាពមោទនៈផងដែរ។»
គួរបញ្ជាក់ផងដែរថា និមិត្តសញ្ញាកូកា-កូឡាជាអក្សរខ្មែរ បានបង្ហាញវត្តមានដំបូងនៅកម្ពុជាអំឡុងទសវត្សឆ្នាំ១៩៧០ ហើយឥឡូវនេះដល់ពេលដែលត្រូវនាំយកមោទនភាពនេះត្រឡប់មកវិញដើម្បីបង្ហាញដល់ពិភពលោកទាំងមូល ៕
ចែករំលែកព័តមាននេះ