ក្រុមហ៊ុនបច្ចេកវិទ្យាឆ្លាតវៃខ្នាតតូច Turi ត្រូវក្រុមហ៊ុន Apple ទិញយកក្នុងកិច្ចព្រមព្រៀងដែលមានតម្លៃប្រមាណ២០០លានដុល្លារ ។ ការទិញនេះបានឆ្លុះបញ្ចាំងក្នុងការបោះជំហានចូលក្នុងបច្ចេកវិទ្យាឆ្លាតវៃ AI និងម៉ាស៊ីនរៀនសូត្រ (Machine Learning) ។
ក្រុមហ៊ុន Apple និយាយក្នុងសេចក្តីថ្លែងការណ៍ថា «ក្រុមហ៊ុន Apple ទិញក្រុមហ៊ុនបច្ចេកវិទ្យាខ្នាតតូចពីមួយឆ្នាំទៅមួយឆ្នាំ ហើយយើងមិនដែលពិភាក្សាពីគោលបំណង ឬគម្រោងនោះទេ» ។
លោក Carlos Guestrin សាស្ត្រាចារ្យមកពីសាកលវិទ្យាល័យ University of Washington ដែលជាអ្នកបង្កើតក្រុមហ៊ុននេះត្រូវបានគេមើលឃើញថាទទួលបានលទ្ធផលជាដុំកំភួនពីការទិញរបស់ Apple ។ យោងតាមមនុស្សដែលពាក់ព័ន្ធនឹងការទិញ ពោលគឺក្រុមរបស់ក្រុមហ៊ុន Turi ត្រូវបានគេរំពឹងថា នឹងស្ថិតនៅក្នុងក្រុមហ៊ុនដដែល ហើយបន្តធ្វើការឱ្យរីកចម្រើនខណៈក្រុមហ៊ុន Apple កសាងជំនាញបន្ថែមទៀតក្នុងទិន្នន័យវិទ្យាសាស្ត្រ បច្ចេកវិទ្យាឆ្លាតវៃ AI និងម៉ាស៊ីនរៀនសូត្រ ។
គម្រោងរបស់ Apple សម្រាប់បច្ចេកវិទ្យា Turi នៅតែមិនទាន់ច្បាស់ ប៉ុន្តែក្រុមហ៊ុនបាននិងកំពុងពង្រីកឱ្យទូលំទូលាយចូលក្នុងបច្ចេកវិទ្យាឆ្លាតវៃតាមរយៈការការពង្រីកនៃបច្ចេកវិទ្យាជំនួយការឆ្លាតវៃ Siri និងបច្ចេកវិទ្យាពាក់ព័ន្ធផ្សេងទៀត ៕
ចែករំលែកព័តមាននេះ