ខេត្តកំពង់ស្ពឺ ៖ បុរសជាគ្រូទាយ និងមើលជំងឺ(មន្តអាគម)ម្នាក់ត្រូវបានសមត្ថកិច្ចចាប់ខ្លួនបន្ទាប់ពីបានចាប់បង្ខាំងនាងក្រមុំម្នាក់ចាប់រំលោ.ភដូចរឿងសិចរាប់ភ្លេច ហើយនៅពេលដែលនាងក្រមុំរងគ្រោះ
ខេត្តកំពង់ស្ពឺ ៖ បុរសជាគ្រូទាយ និងមើលជំងឺ(មន្តអាគម)ម្នាក់ត្រូវបានសមត្ថកិច្ចចាប់ខ្លួនបន្ទាប់ពីបានចាប់បង្ខាំងនាងក្រមុំម្នាក់ចាប់រំលោភដូចរឿងសិចរាប់ភ្លេច ហើយនៅពេលដែលនាងក្រមុំរងគ្រោះរត់គេចខ្លួនបាន ស្រាប់តែគ្រូទាយរូបនោះនៅហ៊ានមកតាមនាងដល់ផ្ទះទៀត ។ ការឃាត់ខ្លួនគ្រូមន្តអាគមន៍ឆបោកបង្ខាំងរំលោភនេះ ធ្វើឡើងកាលពីវេលាម៉ោង៥ និង៣០នាទីល្ងាច ថ្ងៃទី៦ ខែសីហា ឆ្នាំ២០១៦ នៅចំណុចភូមិផ្សារកន្ទួត ឃុំសង្កែរសាទប ស្រុកឱរ៉ាល់ ខេត្តកំពង់ស្ពឺ ។
លោកវរសរនីយ៍ត្រី ប៊ុត ប៊ុនធឿន អធិការនគរបាលស្រុកឱរ៉ាល់ ជនសង្ស័យដែលត្រូវឃាត់ខ្លួនឈ្មោះ ឃិត នាង ហៅគ្រូធំ ភេទប្រុស អាយុ៣៧ឆ្នាំ មុខរបរគ្រូទស្សន៍ទាយ មើលជំងឺ(មន្តអាគម) នៅភូមិលាក់កូប ឃុំលំហាច ស្រុកអង្គស្នួល ខេត្តកណ្តាល ។ ចំណែកនារីរងគ្រោះជានារីក្រមុំ អាយុ២៣ឆ្នាំ ។
តាមការរៀបរាប់របស់នារីរងគ្រោះបានឲ្យដឹងថា មុនពេលកើតហេតុរូបនាងចេះតែមានអាការៈល្ហិតល្ហៃដូចជាខ្សោយបេះដូង តែម្តាយនាងមិនបាននាំនាងទៅរកពេទ្យព្យាបាលនោះទេ គឺបណ្តោយតាមយថាកម្ម ។ នារីរងគ្រោះបន្តថា ថ្ងៃមួយជនសង្ស័យបានមកធ្វើពិធីដំឡើងគ្រូឲ្យអ្នកភូមិម្នាក់ ឃើញដូច្នោះម្តាយនាងបានទៅរកជននេះឲ្យទាយមើល ពេលនោះគេប្រាប់ថា នាងត្រូវអំពើអាបធ្មប់ទាល់តែបណ្តេញអាបធ្មប់ និងបញ្ចុះញ្ញាណចេញទើបជាសះស្បើយ ។ ដោយហេតុតែមានភាពឆោតល្ងង់ ម្តាយនាងបានឲ្យជនកំហូចនេះនាំនាងចាកចេញពីផ្ទះ ថានឹងធ្វើដំណើរយកនាងទៅបំបួសនៅភ្នំគូលែន ។
នារីរងគ្រោះបន្តទៀតថា ព្រោះតែនាងមានការគិតមិនសូវបានវែងឆ្ងាយ និងមិនសូវស្គាល់ភូមិស្រុកគេ ពេលចេញពីផ្ទះជននេះបាននាំនាងឡើងដេកផ្ទះសំណាក់(មិនស្គាល់កន្លែង)ហើយចាប់បង្ខំនាងរំលោភរហូតបានសំរេចជាច្រើនដងក្នុងមួយយប់ បើទោះជានាងអង្វរយ៉ាងណាក៏ជននេះមិនប្រណីដែរ ។ ការធ្វើដំណើរថាទៅភ្នំគូលែននេះមិនបានដល់គោលដៅទេ គឺគេបាននាំនាងទៅខេត្តកំពង់ចាមដោយចាប់បង្ខំនាងឲ្យនៅទីនោះ ហើយដកយកទូរស័ព្ទមិនឲ្យទាក់ទងជាមួយអ្នកផ្ទះបានឡើយ ។ នៅកំពង់ចាមជននេះចាប់បង្ខំរំលោភនាងជាច្រើនដង ដោយបានបង្ខំឲ្យនាងធ្វើសកម្មភាពជាមួយគេហាក់បីដូចជារឿងសិចអ៊ីចឹង ដោយទ្រាំនឹងសកម្មភាពឃោរឃៅរបស់ជននេះមិនបាននៅថ្ងៃទី២៦ ខែកក្កដា ឆ្នាំ២០១៦ រូបនាងមានឱកាសបានរត់គេចខ្លួន ដោយសុំឡានគេជិះត្រឡប់មកដល់ផ្ទះវិញ ហើយបានរៀបរាប់ពីសកម្មភាពជនកំហូចនេះប្រព្រឹត្តមកលើនាង ទើបឪពុកម្តាយភ្ញាក់ខ្លួនថាចាញ់បោកជនកំហូចរូបនេះ ក៏នាំគ្នាទៅដាក់ពាក្យបណ្តឹងនៅអធិការដ្ឋាននគរបាលស្រុកឱរ៉ាល់ ដើម្បីឲ្យសមត្ថកិច្ចតាមចាប់ខ្លួនជននេះមកផ្តន្ទាទោស ។
លោកវរសរនីយ៍ត្រី ប៊ុត ប៊ុនធឿន បានឲ្យដឹងទៀតថា ក្រោយទទួលពាក្យបណ្តឹងពីក្រុមគ្រួសារនារីរងគ្រោះ ស្រាប់តែនៅល្ងាចថ្ងៃទី៥ ខែសីហា ឆ្នាំ២០១៦ លេចមុខជនសង្ស័យរូបនេះមកតាមរកនាងដល់ផ្ទះតែម្តង ដោយជននេះនិយាយប្រាប់ឪពុកម្តាយនារីរងគ្រោះថា កូនស្រីបានរត់គេចចេញ ខណៈដែលការបណ្តេញអាបធ្មប់ និងការបញ្ចុះញ្ញាណនៅមិនទាន់ចប់នៅឡើយ ។ លោកអធិការបន្តថា ពេលជននេះមកដល់ក្រុមគ្រួសារនារីរងគ្រោះក៏រាយការណ៍មកកាន់សមមត្ថកិច្ចឲ្យឃាត់ខ្លួនជននេះតែម្តង ។
នៅចំពោះមុខសមត្ថកិច្ច ជនសង្ស័យបាននិយាយទាំងអំនួតថា គេជាគ្រូធំ ហើយព្យាបាលមនុស្សដែលមានជំងឺបែបនេះជាសះស្បើយច្រើននាក់មកហើយ ។ តែទោះជាយ៉ាងណាលើកនេះគ្រូកំហូចរូបនេះនឹងត្រូវបានបញ្ជូនឲ្យទៅបញ្ចុះញៀននៅក្នុងពន្ធនាគារវិញម្តង ។
បច្ចុប្បន្ន ជនសង្ស័យ ត្រូវបានឃុំទុកបណ្តោះអាសន្ននៅអធិការដ្ឋាននគរបាលស្រុកឱរ៉ាល់ ដើម្បីកសាងសំណុំរឿងតាមនិតិវិធី ៕
ចែករំលែកព័តមាននេះ