ខេត្តកំពត ៖ ប្រជាពលរដ្ឋនៅភូមិឈើទាលរាំ រួមទាំងព្រះសង្ឃនៅវត្តអង្គជុំដំបងដែក ស្ថិតក្នុងឃុំស្វាយទងខាងជើង ស្រុកកំពង់ត្រាច ខេត្តកំពត បានផ្ដើមកសាងសាលាឆទានមួយកន្លែងនៅលើកំពូលភ្នំបុណ្យ ក្នុងឃុំស្វាយទងខាងជើង ស្រុកកំពង់ត្រាច ខណៈក៏មានក្រុមឈ្មួញផ្សេងៗគ្នាចំនួន2កំពុងយកគ្រឿងចក្រមកកាយដីភ្នំស្រង៉ាប នៅជាប់ភ្នំដូនបុណ្យធ្វើអាជីវកម្មដឹកដីលក់ស្ទើរតែអស់ភ្នំមួយទៅហើយដែរ ។
បើយោងតាមការអោយដឹងពីអ្នកភូមិឈើទាលរាំបាននិយាយប្រាប់អោយដឹងកាលពីព្រឹកថ្ងៃទី២៤ កុម្ភៈ នេះថា ការកសាងសាលាឆទាននៅលើកំពូលភ្នំបុណ្យនេះ គឺផ្ដើមចេញពីអ្នកភូមិឈើទាលរាំ និងអ្នកភូមិជាច្រើនទៀត នៅក្នុងឃុំស្វាយទងខាងជើង រួមទាំងព្រះសង្ឃបាននាំគ្នាកសាងសាលាឆទានទុក សម្រាប់អ្នកស្រុកភូមិនាំគ្នាទៅគោរពបូជាសុំសេចក្ដីសុខនៅលើភ្នំនោះ ។
ប្រជាពលរដ្ឋនៅភូមិឈើទាលរាំនិយាយថា ប្រជាពលរដ្ឋនៅក្នុងស្វាយទងទាំងមូល តែងតែនាំគ្នាទៅធ្វើបុណ្យនៅលើភ្នំបុណ្យតាំងពីឆាំ្ន1952មកម្ល៉េះ ព្រោះប្រជាពលរដ្ឋនៅតែមានជំនឿថា នៅលើភ្នំនោះបានបារមីពូកែស័ក្តិសិទ្ធធ្វើអោយអ្នកភូមិសុខ
សប្យាយគ្រប់ៗគ្នា។ ប្រជាពលរដ្ឋរូបនោះនិយាយថា ការកសាងសាលាឆរទាន សម្រាប់ធ្វើការបែរបន់ក៏ការពារក្រុមឈ្មួញកាយដីភ្នំលក់ផងដែរ ដូចជាភ្នំស្រង៉ាប ឬភ្នំកប់កំណប់90ហាបកំពុងត្រូវក្រុមឈ្មួញឯកជនកាយដីធ្វើអាជីវកម្មដឹកលក់ផងដែរ។
ទាក់ទងនិងកសាងសាលាឆទាននៅលើកំពូលភ្នំបុណ្យនេះ ព្រះតេជ្ជគណឆាយ ភឿន មានសង្ឃដីកាថា ការកសាងសាលាឆទាននេះ ទុកសម្រាប់ប្រជាពលរដ្ឋនាំគ្នាទៅធ្វើបុណ្យទាន និងជាទីកន្លែងគោរពបូជាបែរបន់នៅទីនោះ ។ ព្រះតេជ្ជគុណឆាយភឿន មានសង្ឃដីកាទៀតថា នៅលើភ្នំបុណ្យនេះជាទីកន្លែងអ្នកភូមិ មកធ្វើបុណ្យនិងបែបន់ជាយូរយាណាស់មកហើយ-ប៉ុន្តែអ្នកភូមិមិនទាន់មានលទ្ធភាពមកកសាងទើបពេលនេះ ពួកគាត់នាំគ្នាមកកសាងសាលឆទានទុកសម្រាប់ធ្វើបុណ្យសុំ សេចក្ដីសុខ។
ចែករំលែកព័តមាននេះ