ក្រុមហ៊ុននសាជីវកម្មទិន្នន័យអន្តរជាតិ IDC រាយការណ៍កាលពីពេលថ្មីៗកន្លងមកថា ការនាំចេញ Tablet ទូទាំងពិភពលោកបន្តធ្លាក់ចុះជាច្រើនគិតត្រឹមត្រីមាសទី២ឆ្នាំ២០១៦ ។ ក្រុមហ៊ុនស្រាវជ្រាវមួយនេះនិយាយថា Tablet សរុបចំនួន ៣៨,៧លានគ្រឿង ត្រូវបាននាំចេញទៅកាន់ពិភពលោកក្នុងអំឡុងពេលពីខែមេសារហូតដល់ខែមិថុនា ពោលគឺមានចំនួនធ្លាក់ចុះប្រមាណ១២,៣ភាគរយ ដែលឆ្នាំមុនមានចំនួន ៤៤,១លានគ្រឿង ។
ក្រុមហ៊ុន IDC រាយការណ៍ថា ការលក់ធ្លាក់ចុះចាប់តាំងពីឆ្នាំ២០១៥ ពេលដែលទីផ្សារTablet ហក់ឡើងខ្ពស់ ។ នៅចុងត្រីមាសទី២នេះ Tablet ដែលដំណើរដោយប្រព័ន្ធ Android របស់ក្រុមហ៊ុន Google បាននាំចេញមានចំនួន៦៥ភាគរយ ។ រីឯ Tablet ដំណើរការដោយប្រព័ន្ធ iOS របស់ក្រុមហ៊ុន Apple ស្ថិតនៅចំណាត់ថ្នាក់លេខ២ មាន២៦ភាគរយ។ ទន្ទឹមគ្នានេះ ដែរ Tablet ដំណើរការដោយប្រព័ន្ធ Window នៅតែបន្តនាំចេញតែមានចំនួនតិចតួច ។
លោក Jitesh Ubrani ប្រធានក្រុមវិភាគស្រាវជ្រាវនិយាយថា មានច្រើននៃអតិថិជនប្រើប្រាស់ Tablet សម្រាប់កម្មវិធីកម្សាន្ត តែបច្ចុប្បន្នស្មាតហ្វូនបាននឹងកំពុងវាយលុកទីផ្សារ Tablet ដោយវាមានកម្មវិធីកម្សាន្តសម្បូរបែបងាយស្រួលយកតាមខ្លួន ។
ក្រុមហ៊ុន Apple បាននាំចេញ iPads ចំនួន ១០លានគ្រឿង ខណៈក្រុមហ៊ុន Samsung នាំចេញមានចំនួនតិចជាង ៕
ចែករំលែកព័តមាននេះ