«Huffington Post» ផ្សាយកាលពីពេល ថ្មីៗកន្លងមកថា ចិនបានរកឃើញរណ្តៅយក្សខៀវដ៏ធំ (Blue Hole) ឬ «ផ្ចិតសមុទ្រ» នៅក្នុងសមុទ្រចិនខាងត្បូង ហើយដាក់ឈ្មោះថា «រណ្តៅនាគ» (Dragon Hole) ។
«Huffington Post» ផ្សាយកាលពីពេល ថ្មីៗកន្លងមកថា ចិនបានរកឃើញរណ្តៅយក្សខៀវដ៏ធំ (Blue Hole) ឬ «ផ្ចិតសមុទ្រ» នៅក្នុងសមុទ្រចិនខាងត្បូង ហើយដាក់ឈ្មោះថា «រណ្តៅនាគ» (Dragon Hole) ។ រណ្តៅនាគនោះ អ្នកជំនាញសន្និដ្ឋានថា ជារណ្តៅខៀវជ្រៅបំផុតនៅលើពិភពលោក ។ «រណ្តៅនាគ» មានជម្រៅ៣០០ម៉ែត្របំបែកឯតទគ្គកម្មចាស់ប្រហែល១០០ម៉ែត្រ ដោយជម្រៅរបស់វាអាចដាក់អគារទួអេហ្វែល នៅសល់តែបរិវេណចុងស្រួចនៃអគារដែលផុសមកលើផ្ទៃទឹកប៉ុណ្ណោះ ។ បណ្តាអ្នកវិទ្យាសាស្ត្រផ្នែកការពារផ្កាថ្មពីស្ថាប័នស្រាវជ្រាវតាមនាវា បានប្រើមនុស្សយន្តមុជចូលទៅវាស់រណ្តៅនោះ និងអះអាងថា រណ្តៅនាគដែលរកឃើញនៅប្រជុំកោះ Paracel នោះមានជម្រៅជាង៣០០ម៉ែត្រ បំបែកឯតទគ្គកម្មចាស់រណ្តៅខៀវឌីន ស្ថិតនៅបរិវេណខាងក្រៅឆ្នេរបាហាមាស់ ដែលមានជម្រៅប្រហែលតែ២០២ម៉ែត្រប៉ុណ្ណោះ ។
ក្រុមអ្នកស្រាវជ្រាវបានប្រទះឃើញត្រីច្រើនជាង២០ពូជ នៅបរិវេណរណ្តៅយក្សខៀវ ដោយសារតែគ្មានអុកស៊ីហ្សែនក្នុងកម្រិតជាង១០០ម៉ែត្រ មានន័យថាអាចគ្មានសត្វរស់នៅផ្នែកខាងក្រោមឡើយ ។ អ្នកឯកទេសម្នាក់បញ្ជាក់ថា ជារណ្តៅយក្សខៀវជ្រៅបំផុត ដែលមិនធ្លាប់ជួប ប៉ុន្តែអាចនៅមានចំនួនច្រើនទៀតដែលមិនទាន់រកឃើញ៕
ចែករំលែកព័តមាននេះ