លោកស្រី Tsai Ing-wen ប្រធានាធិបតីកោះតៃវ៉ាន់ បានថ្លែងសុំទោសជនអំបូរភាគតិចនៅលើកោះតៃវ៉ាន់ដែសស៊ូទ្រាំនឹងទុក្ខវេទនាអស់រយៈពេលជាច្រើនឆ្នាំ ។ នោះជាការសុំទោសផ្លូវការលើកដំបូង កាលពីថ្ងៃទី១ សីហា ២០១៦ និងជាមេដឹនាំតៃវ៉ាន់លើកដំបូងដែលសុំទោសជនជាតិភាគតិច ។
លោកស្រី Tsai Ing-wen ជាប្រធានាធិបតីដំបូងរបស់តៃវ៉ាន់មានសែស្រឡាយជាជនជាតិភាគតិចនិងជាប្រធានគណៈកម្មាធិការដើម្បីស៊ើបអង្កេតពីបញ្ហាដែលជនអំបូរភាគតិចមិនបានទទួលយុត្តិធម៌កាលពីអតីតកាល ក្នុងកិច្ចព្យាយាមកាត់បន្ថយភាពតានតឹងទៅលើជនភាគតិចនៅក្នុងប្រទេស ។
លោកស្រី Tsai Ing-wen ថ្លែងថា «នាងខ្ញុំសុំទោសចំពោះជនអំបូរភាគតិច ក្នុងនាមជាប្រតិភូរបស់រដ្ឋាភិបាលសុំទោសដោយសុទ្ធចិត្តចំពោះការរងទុក្ខវេទពីភាពអយុត្តិធម៌ ដែលពលរដ្ឋគ្រប់រូបត្រូវប្រឈមមុខក្នុងអំឡុងពេល៤០០ឆ្នាំកន្លងមក ។ យើងត្រូវសម្លឹងមើលពីប្រវត្តិសាស្ត្រឱ្យបានពិតប្រាកដ និងនិយាយពីការណ៍ពិត ហើយការសុំទោសនេះ ចាត់ទុកថាជាជំហានមួយរបស់តៃវ៉ាន់» ។
ក្រុមជនអំបូរភាគតិចរបស់តៃវ៉ាន់ មានប្រមាណ២ភាគរយនៃប្រជាជនចំនួន ២៣,៥លាននាក់ ត្រូវប្រឈមមុខលើការកាត់ផ្តាច់ពីវប្បធម៌ តាំងពីភៀសខ្លួនពីប្រទេសចិន ទៅតាំងទីជម្រកនៅលើកោះតៃវ៉ាន់ ជាច្រើនរយឆ្នាំមុន ។ បច្ចុប្បន្នផ្ទៃដីភាគច្រើនរបស់ពួកគេ ត្រូវបានកំណត់ធ្វើជាឧទ្យានជាតិ ប៉ះពាល់ដល់ជីវិតរស់នៅ ដូចជាការបរបាញ់សត្វ ការនេសាទ និងរកចំណីអាហារ ។
ប្រធានាធិបតីតៃវ៉ាន់ បានប្រកាសនៅក្នុងអំឡុងពេលរកសំឡេងឆ្នោត កាលពីខែមេសា ២០១៦ថា ប្រសិនបើលោកស្រីបានដឹកនាំប្រទេសនឹងបង្កើតសិទ្ធិសេរីភាពក្នុងការគ្រប់គ្រង និងផ្តល់សិទ្ធិដល់ជនជាតិភាគតិចឱ្យកាន់តែច្រើន។ កាលពីពេលថ្មីៗកន្លងក្រុមអំបូរភាគតិចជាច្រើននាក់ បានប្រមូលផ្តុំគ្នានៅខាងមុខវិមានប្រធានាធិបតីក្រុងតៃប៉ិ ទាមទារឱ្យរដ្ឋាភិបាលត្រូវផ្តល់សិទ្ធិក្នុងការបរបាញ់សត្វ និងទាមទារឱ្យមាននយោបាយដ៏ច្បាស់លាស់ពីរឿងនេះ ៕
ចែករំលែកព័តមាននេះ