LG បានប្រកាសថា ស្មាតហ្វូនកូនកាត់ Phablet របស់ក្រុមហ៊ុន LG គឺ V20 នឹងដំណើការប្រព័ន្ធប្រតិបតិ្តការចុងក្រោយគេរបស់ក្រុមហ៊ុន Google គឺ Android 7.0 Nougat ខណៈស្មាតហ្វូននេះនឹងលេចរូបរាងនៅខែកញ្ញា ។ ស្មាតហ្វូនស៊េរីមុនគឺ V10 បានបញ្ចេញកាលពីខែតុលា២០១៥ ដោយទទួលបានការគាំទ្រយ៉ាងខ្លាំងពីអ្នកគាំទ្រ ។
V20 នឹងក្លាយជាស្មាតហ្វូនដំបូងគេដំណើរការប្រព័ន្ធ Android 7.0 Nougat ដែលវានឹងផ្តោតសំខាន់លើប្រព័ន្ធពហុផ្សព្វផ្សាយ ។ ក្រុមហ៊ុន LG បានសហការយ៉ាងគគ្រឹកគគ្រេងជាមួយក្រុមហ៊ុន Google កាលពីប៉ុន្មានឆ្នាំមុនពោលគឺផលិតស្មាតហ្វូនត្រកូល Nexus 4, Nexus 5 និង Nexus 5X និងជាក្រុមហ៊ុនដំបូងគេក្នុងចំណោមក្រុមហ៊ុនដទៃផ្សេងទៀត ដែលប្រើប្រាស់ប្រព័ន្ធប្រតិបត្តិការចុងក្រោយគេលើស្មាតហ្វូនផងដែរ ៕
ចែករំលែកព័តមាននេះ