វាជារឿងអស្ចារ្យបំផុតដែលបុរសលោតឆ័ត្រម្នាក់ជនជាតិអាមេរិក លោក LUKE AIKINS បានលោតក្នុងលំហពីកម្ពស់៧.៦០០ម៉ែត្រ ដោយពុំប្រើឆ័ត្រយោងកាលពីថ្ងៃទី៣០ កក្កដា តែជាមួយការធានាចាំត្រងលោកជាមួយសំណាញ់សន្តិសុខធំមួយនៅលើដី ។
លោក LUKE AIKINS ដែលដើរតួជាអ្នកលោតហក់ក្នុងខ្សែភាពយន្តហូលីវូដ រឿង IRON MAN3 ឬរឿង GODZILLA ពេលលោតពីលើមកស្ថិតនៅលើមេឃ២នាទី មុនពេលធ្លាក់លើសំណាញ់ពណ៌សធំមួយរង់ចាំត្រងគេ លើវាលខ្សាច់កាលីវ័រនីញ៉ា ។ ល្បែងគ្រោះថ្នាក់នោះមានឈ្មោះថា«ធ្លាក់ពីលើមេឃ»។
លោក LUKE AIKINS អាយុ៤២ឆ្នាំ ជាអ្នកដឹកនាំសាលាលោតឆ័ត្រយោងមួយនៅរដ្ឋវ៉ាស៊ីនតោន ។ លោកក៏អ្នកបង្រៀនលោតឆ័ត្រយោងដល់កងកម្លាំងពិសេសនៃកងទ័ពអាមេរិកផងដែរ ៕
ចែករំលែកព័តមាននេះ