រាជធានីភ្នំពេញ ៖ បុរសម្នាក់ត្រូវបានប្រជាពលរដ្ឋឃើញជិះកង់ធ្លាក់ប្រឡាយខំទៅហៅមិនឃើញក្រោកស្មានតែស្លា.ប់ ក៏ទៅប្តឹងអាជ្ញាធរមូលដ្ឋានចុះទៅមើលទាំងយប់។ ករណីនេះបង្កការភ្ញាក់ផ្អើរកាលពីម៉ោង២០និង១៥នាទីយប់
រាជធានីភ្នំពេញ ៖ បុរសម្នាក់ត្រូវបានប្រជាពលរដ្ឋឃើញជិះកង់ធ្លាក់ប្រឡាយខំទៅហៅមិនឃើញក្រោកស្មានតែស្លាប់ ក៏ទៅប្តឹងអាជ្ញាធរមូលដ្ឋានចុះទៅមើលទាំងយប់។ ករណីនេះបង្កការភ្ញាក់ផ្អើរកាលពីម៉ោង២០និង១៥នាទីយប់ ថ្ងៃទី៣០ កក្កដា ២០១៦ នៅចំណុចមាត់ប្រឡាយផ្លូវ១៩៥៨ ភូមិឧកញ្ញាវាំង សង្កាត់ភ្នំពេញថ្មី ខណ្ឌសែនសុខ។
អាជ្ញាធរបានប្រាប់ថា បុរសដែលជិះកង់ធ្លាក់ប្រឡាយខាងលើឈ្មោះ រឿន រ៉ា អាយុ៣៦ឆ្នាំ មុខរបរកម្មករសិប្បកម្មកែឆ្នៃឈើ ស្នាក់នៅសង្កាត់ភ្នំពេញថ្មី ខណ្ឌសែនសុខ និងមានស្រុកកំណើតភូមិបាស្រែ ឃុំបាស្រែ ស្រុកស៊ីធរកណ្តាល ខេត្តព្រៃវែ។
តាមសម្ដីអ៊ុំប្រុសម្នាក់ឈ្មោះ តាន់ សុខា អាយុ៥៩ឆ្នាំ ស្នាក់នៅភូមិរោងចក្រ សង្កាត់ភ្នំពេញថ្មី ខណ្ឌសែនសុខ បានប្រាប់ថា មុនកើតហេតុគាត់បានបើកម៉ូតូឆ្លងកាត់ផ្លូវខាងលើ ស្រាប់តែឃើញបុរម្នាក់ដេកក្នុងប្រឡាយទឹក ព្រមទាំងមានកង់មួយគ្រឿងនៅក្បែរខ្លួនផងដែរ ពេលនោះគាត់បានឈប់ម៉ូតូចូលទៅមើល ហើយបានអង្រួន តែបុរសនោះមិនកំរើកឡើយ ដោយនឹកស្មានថា បុរសនោះបានស្លាប់ ទើបបើកម៉ូតូមកប្តឹងអាជ្ញាធរមូលដា្ឋនឱ្យចុះទៅពិនិត្យ តែក្រោយពេលអាជ្ញាធរចុះទៅដល់ ស្រាប់តែឃើញបុរសខាងលើមកដេកលើពំនូកដីខ្សាច់ក្បែរកន្លែងកើតហេតុទៅវិញ ទើបសមត្ថកិច្ចធ្វើការសាកសួរបុរសខាងលើ រួចគាត់បានប្រាប់ថា គាត់ស្រវឹងស្រាទេ ដោយរកផ្លូវទៅផ្ទះអត់ឃើញ ក៏ជិះកង់ធ្លាក់ប្រឡាយទៅ។
ក្រោយពីអាជ្ញាធរសាកសួរចប់ បុរសខាងលើបានប្រាប់ថា សុំដេកបន្តិចទៀត ទម្រាំស្វាងបន្តិច ទើបជិះកង់ត្រឡប់ទៅផ្ទះវិញ។
ចែករំលែកព័តមាននេះ