ប្រទេសវៀតណាម ៖ ក្រសួងសំណង់បានរាយការណ៍ក្នុងអំឡុងសន្និសីទមួយនៅទីក្រុងហាណូយ កាលពីថ្ងៃព្រហស្បតិ៍ ស្តីពីភារកិច្ចនៅឆមាសទី២ឆ្នាំនេះថា វិស័យសំណង់បានកើនឡើង៨,៨% នៃផលិតផលក្នុងស្រុកសរុប (GDP) សម្រាប់ពាក់កណ្តាលដំបូងនៃឆ្នាំនេះ ដែលជាកំណើនខ្ពស់បំផុត គិតចាប់ពីឆ្នាំ២០១០មក ។
ក្នុងឆមាសទី១ឆ្នាំនេះ សហគ្រាសរបស់ក្រសួងសំណង់បានកក់ប្រាក់ចំណូលប្រហែល ៧៦,១ទ្រីលានដុង (៣,៤៥ប៊ីលានដុល្លារអាមេរិក) ខណៈពេលដែលអត្រានៃការសាងសង់នៅទីក្រុងនិងជនបទ កើនឡើងដល់១០០% និងនគរូបនីយកម្មកើនជិត៣៥,៧% នៃគោលដៅរបស់ខ្លួនសម្រាប់រយៈពេលនេះ ។
បរិមាណផ្ទៃក្រឡាជាមធ្យមក្នុងមនុស្សម្នាក់ បានកើនដល់២២,៣ម៉ែត្រការ៉េដែលវា បានកើនឡើង០,៣ម៉ែត្រការ៉េពីចុងឆ្នាំ ២០១៥ ។ ក្រសួងសាងសង់បានឱ្យដឹង ថា
ឧស្សាហកម្មសំណង់នៅតែមានដែនកំណត់ សម្រាប់ឯកសារស្របច្បាប់នៃការសាងសង់ និងប្រព័ន្ធស្ដង់ដាស្របគ្នាជាមួយបទ ប្បញ្ញត្តិអន្ដរជាតិ ការបែងចែកភាគហ៊ុននៃសាជីវកម្ម និងកំណែទម្រង់រដ្ឋបាល ។
ហេតុនេះហើយបានជារដ្ឋមន្ត្រីក្រសួងសំណង់វៀតណាម លោក Pham Hong Ha បាននិយាយថា ក្រសួងនឹងសម្រិតសម្រាំងបទប្បញ្ញត្តិស្របច្យាប់ ពិនិត្យឡើងវិញនូវច្បាប់ស្តីពីសំណង់ និងបញ្ហាលើការសាងសង់លំនៅឋាន និងអាជីវកម្មអចលនវត្ថុ ។
ការផ្តល់អាជ្ញាប័ណ្ណសាងសង់នេះ នឹងត្រូវបានកាត់បន្ថយរយៈពេលត្រឹមតែ២២-២៥ថ្ងៃ ពី៣០ថ្ងៃ ដែលជាផ្នែកមួយនៃកិច្ចខិតខំប្រឹងប្រែងដើម្បីសម្រេចបាននូវដំណោះស្រាយរបស់រដ្ឋាភិបាល លើការកែលម្អបរិយាកាសអាជីវកម្ម និងការប្រកួតប្រជែងថ្នាក់ជាតិ ព្រមទាំងដំណោះស្រាយស្តីពីការគាំទ្រការអភិវឌ្ឍពាណិជ្ជកម្ម ៕
ចែករំលែកព័តមាននេះ