ខេត្តសៀមរាប ៖ បុរសម្នាក់ដែលត្រូវឃាតករសម្លាប់យកទៅប្លុងចោល នៅកណ្តាលវាលស្រែខាងលិចភូមិឆេះចាន ឃុំស្វាលើ ខេត្តសៀមរាប ត្រូវកម្លាំងសមត្ថកិច្ចធ្វើការស្រាវជ្រាវរហូតស្គាល់អត្តសញ្ញាណរកក្រុមគ្រួសារឃើញហើយ កាលពីថ្ងៃទី២៩ កក្កដា ២០១៦ ។ ឃាតកម្មទៀតហើយ ! បោះចោលសពកណ្តាលវាលស្រែ
ជនរងគ្រោះមានឈ្មោះអៀម រ៉ាមី អាយុ២៧ឆ្នាំ ជាអ្នករត់ម៉ូតូឌុប មានទីលំនៅភូមិគោល ឃុំពពេល ស្រុកសូទ្រនិគម ខេត្តសៀមរាប មានប្រពន្ធឈ្មោះមាំ សុផុន អាយុ២៧ឆ្នាំ រស់នៅក្នុងភូមិ-ឃុំជាមួយប្តី ។
បើតាមការរៀបរាប់ស្ត្រីជាប្រពន្ធថា ប្តីរបស់គាត់បានចេញពីផ្ទះទៅរត់ម៉ូតូ តាំងពីថ្ងៃទី២៧ កក្កដា ឆ្នាំ២០១៦ រហូតដល់ថ្ងៃទី២៩ ទើបទទួលដំណឹងថា ប្តីគាត់ត្រូវគេប្រទះឃើញស្លាប់នៅវាលស្រែទៅវិញ ។
បច្ចុប្បន្ន សាកសពជនរងគ្រោះដែលយកទៅរក្សាទុកនៅវត្តត្រាងក្នុងស្រុកស្វាយលើ ខេត្តសៀមរាបនោះ ពេលនេះត្រូវបានសមត្ថកិច្ចប្រគល់ឱ្យក្រុមគ្រួសារយកទៅបូជាក្នុងវត្តខាងលើ ហើយយកឆ្អឹងទៅធ្វើបុណ្យនៅស្រុកកំណើតវិញ ។
ចែករំលែកព័តមាននេះ