ខេត្តបាត់ដំបង ៖ សេចក្តីរាយការណ៍ឱ្យដឹងថា ក្មេងប្រុសអាយុម្នាក់ ត្រូវរថយន្តម៉ាកPAJEROមួយគ្រឿងបុកស្លាប់ភ្លាមៗ កាលពីវេលាម៉ោង០៦យប់ថ្ងៃទី២៩ កក្កដា ២០១៦ ស្ថិតនៅលើផ្លូវជាតិលេខ៥៩ ក្នុងភូមិអូរ ឃុំពេជ្រចិន្តា ស្រុកភ្នំព្រឹក ដោយសារតែអ្នកបើករថយន្តមានការធ្វេសប្រហែស ។
ប្រភពឱ្យដឹងថា ក្មេងប្រុសរងគ្រោះឈ្មោះហ៊ួ ម៉េងសឺ អាយុ៣ឆ្នាំ មានទីលំនៅក្នុងភូមិ-ឃុំខាងលើ ។ រីឯភាគីរថយន្កម៉ាក PAJEROពាក់ស្លាកលេខភ្នំពេញ 2G-6848 អ្នកបើកបរឈ្មោះលាង ប៊ុនធឿន អាយុ៣៦ឆ្នាំ រស់នៅភូមិត្រពាំងព្រលិត ឃុំសន្តិភាព ស្រុកសំពៅលូន ។
ប្រភពបន្តថា រថយន្តធ្វើដំណើរក្នុងទិសដៅពីជើង ទៅត្បូង លុះបើកមកដល់ចំណុចកើតហេតុ គេឃើញអ្នកបើករថយន្តនោះបានបន្ថយល្បឿនដែរ ប៉ុន្តែបានងាកមើលទៅម្ខាងថ្នល់ ដែលមានមនុស្សជាច្រើនកំពុងចោមរោមមើលមនុស្សខ្យល់.គរ ដោយមិនបានមើលផ្លូវខាងមុខទេ ។ ពេលនោះ ក៏បុកក្មេងប្រុសដែលកំពុងដើរឆ្លងថ្នល់តាមឪពុក បណ្ដាលឱ្យស្លាប់ៗតែម្ដង ។ ក្រោយកើតហេតុ សមត្ថកិច្ចបានឃាត់រថយន្ត និងអ្នកបើកបានភ្លាមៗ ៕
ចែករំលែកព័តមាននេះ