បន្ទាយមានជ័យ ៖ មន្ត្រីកាំកុងត្រូលប្រចាំច្រកទ្វារអន្តរជាតិប៉ោយប៉ែតបានឃាត់រទេះ១គ្រឿងដឹកសាច់មាន់ខូចគុណភាព ដែលបង្កប់ក្រោមត្រីប្រានាំចូលពីប្រទេសថៃ នៅរសៀលថ្ងៃទី២៩ ខែកក្កដា ឆ្នាំ២០១៦
បន្ទាយមានជ័យ ៖ មន្ត្រីកាំកុងត្រូលប្រចាំច្រកទ្វារអន្តរជាតិប៉ោយប៉ែតបានឃាត់រទេះ១គ្រឿងដឹកសាច់មាន់ខូចគុណភាព ដែលបង្កប់ក្រោមត្រីប្រានាំចូលពីប្រទេសថៃ នៅរសៀលថ្ងៃទី២៩ ខែកក្កដា ឆ្នាំ២០១៦ នៅក្បែរច្រកទ្វារអន្តរជាតិប៉ោយប៉ែតក្រុងប៉ោយប៉ែត។ លោក ហុង លៀង អនុប្រធានសាខាកាំកុងត្រូលខេត្តបន្ទាយមានជ័យបានប្រាប់ថា នៅពេលដែលឃាត់រទេះ១គ្រឿងដែលលួចបង្កប់សាច់មាន់ខូចគុណភាព គឺមន្ត្រីកាំកុងត្រូលបានស្រាវជ្រាវសហការណ៍ជាមួយសមត្ថកិច្ចពាក់ព័ន្ធនៅច្រកទ្វារ ហើយធ្វើការឆែកឆេររកឃើញសាច់មាន់មានទម្ងន់ប្រមាណជាង១០០គីឡូក្រាមដែលដាក់បង្កប់ក្រោមត្រីប្រាបាតរទេះ។
លោក ស៊ាន ស៊ីណាត ប្រធានសាខាកាំកុងត្រូលខេត្តបន្ទាយមានជ័យបានបញ្ជាក់ថា ក្រោយពេលឃាត់រទេះដឹកសាច់មាន់ខូចគុណភាពបាននាំយកមកស្នាក់ការកាំកុងត្រូលច្រកទ្វារអន្តរជាតិប៉ោយប៉ែត ដើម្បីសាកសួរម្ចាស់រទេះ រកម្ចាស់ទំនិញ និងចាត់ការតាមច្បាប់។ តែរយៈពេលកន្លងមក នៅពេលឃាត់គឺអ្នកអូសរទេះជាអ្នកកាងទំនិញ និងជ្រែទំនិញ ឃាត់បានតែអ្នកអូសរទេះធ្វើកិច្ចសន្យាណែនាំ និងសាច់មាន់ខូចគុណភាពទម្ងន់ប្រមាណជាង១០០គីឡូក្រាម ទៅដុតកម្ទេចចោលប៉ុណ្ណោះ៕
ចែករំលែកព័តមាននេះ