ខេត្តត្បូងឃ្មំ ៖ ក្រោយពីមានជម្លោះជាមួយនឹងម្តាយ ក៏តូចចិត្តពេកបានសម្រេចចិត្តគិតខ្លីរត់ទៅផឹកថ្នាំកណ្តៀរ នៅក្រោមដើមគចម្ងាយពីផ្ទះប្រហែល១០០០ម៉ែត្រ។ ហេតុការណ៍នោះ បានកើតឡើងនៅម៉ោង១០នាទី
ខេត្តត្បូងឃ្មំ ៖ ក្រោយពីមានជម្លោះជាមួយនឹងម្តាយ ក៏តូចចិត្តពេកបានសម្រេចចិត្តគិតខ្លីរត់ទៅផឹកថ្នាំកណ្តៀរ នៅក្រោមដើមគចម្ងាយពីផ្ទះប្រហែល១០០០ម៉ែត្រ។ ហេតុការណ៍នោះ បានកើតឡើងនៅម៉ោង១០នាទីព្រឹក ថ្ងៃទី២៩ កក្កដា ២០១៦ នៅភូមិអំពិលជ្រុំ ឃុំទន្លេបិទ ស្រុកត្បូងឃ្មុំ តែមិនបានស្លាប់ភ្លាមៗនោះទេ។ លោកវរសេនីយ៏ត្រី ឡុង សារិន អធិការរងនគរបាលស្រុកត្បូងឃ្មុំប្រាប់ឱ្យដឹងថា ស្ត្រីដែលគិតខ្លីនោះឈ្មោះ ភួង ចន្ថា ហៅណេម ភេទស្រី អាយុ ៣១ឆ្នាំ ប្តីឈ្មោះ សំអុន អាយុ៣៧ឆ្នាំ ជនរងគ្រោះបានធ្វើអត្តឃាតដោយផឹកថ្នាំបំពុលសត្វកណ្តៀរ ដោយសារតែបានឈ្លោះប្រកែកជាមួយនឹងម្តាយបង្កើត រឿងទាមទារសុំចែកដីស្រែមិនបាននោះ កាលពេលព្រឹកព្រហាមប៉ងផឹកម្តងហើយ តែត្រូវបានប្តីឃើញ ហើយឃាត់ទាន់ពេល។
លោកវរសេនីយ៍ត្រី ឡុង សារិន បានប្រាប់បន្តថាលុះរហូតមកដល់វេលាម៉ោង១០ព្រឹក ក៏បានដើរទៅឯវាលចម្ការគ មិនមានមានអ្នកណាឃើញ ក៏បានយកថ្នាំបំពុលកណ្តៀរមកផឹក ឡើងបែកពពុះមាត់នូវដង្ហើមតិចៗ បន្ទាប់មកពេលដែលបាត់ ក្រុមសាច់ញាតិរួមនឹងប្តីបាននាំគ្នាទៅតាមរកឃើញ ប្រញាប់សែងយកមកផ្ទះដឹកទៅសង្គ្រោះជាបន្ទាន់នៅមន្ទីរពេទ្យខេត្តកំពង់ចាម។ តែគ្រោះអកុសលនៅវេលាម៉ោង១២ ថ្ងៃត្រង់ក៏បានស្លាប់ដោយសារតែជាតិថ្នាំពុលបានជ្រាបពេញខ្លួនទៅហើយ សាកសពក៏បានដឹកយកមកផ្ទះវិញ ដើម្បីរៀបចំធ្វើបុណ្យតាមប្រពៃណី។ តាមប្រភពព័ត៌មានកន្លែងកើតហេតុបានឲ្យដឹងថា នៅមុនពេលកើតហេតុ ជនរងគ្រោះ បានឈ្លោះជាមួយម្តាយបង្កើតរបស់ខ្លួនឈ្មោះ ឈួន ឆាន អាយុ៧០ឆ្នាំ ពីរឿងបែងចែកដីកេរមរតក។
ម្តាយបានស្តីបន្ទោសកូនជាជនរងគ្រោះថា កូនពៅបានដីភូមិ និងផ្ទះសម្បែង រួមនិងដីស្រែចម្ការប៉ុណ្ណឹងហើយ ចង់បានអីទៀតអាញ់ទុកឲ្យបងៗ គេបានសមរម្យខ្លះផង។ ការឈ្លោះពាក្យសម្ដីបន្តិចបន្តួចនេះ ធ្វើឲ្យជនរងគ្រោះអន់ចិត្តនឹងម្តាយខ្លួនថា ម្តាយមិនស្រឡាញ់ខ្លួន ក៏សម្រេចចិត្តទិញថ្នាំបំពុលកណ្តៀរ យកមកផឹកនៅក្រោមដើមគ ឯវាលស្រែចម្ងាយប្រមាណ១០០០ម៉ែត្រ ខាងជើងភូមិអំពិលជ្រុំ។ លោកវរសេនីយ៏ត្រី ឡុង សារិន អធិការរងនគរបាលស្រុកត្បូងឃ្មុំបញ្ជាក់ថា ក្រោយពេលកើតហេតុ សមត្ថកិច្ចជំនាញនគរបាលស្រុកត្បូងឃ្មុំ សហការណ៍ជាមួយគ្រូពេទ្យ បានចុះពិនិត្យ និងធ្វើកោសល្យវិច័យឃើញថា ជនរងគ្រោះពិតជាធ្វើអត្តឃាត ដោយផឹកថ្នាំពុលពិតប្រាកដមែន មិនមានការពាក់ព័ន្ធទៅនឹងករណីផ្សេងឡើយ៕
ចែករំលែកព័តមាននេះ