ឃាត់ខ្លួនអ្នកញៀនថ្នាំ៦នាក់ បញ្ជូនទៅមណ្ឌលកែប្រែ
ខេត្តសៀមរាប ៖ នគរបាលប្រឆាំងគ្រឿងញៀខេត្តបានសហការណ៍ជាមួយនគរបាលចម្រុះ បានចុះប្រតិបត្តិការបង្ក្រាបករណីខុសច្បាប់នូវសារធាតុញៀន រហូតឈានដល់ធ្វើការឃាត់ខ្លួនបានជនសង្ស័យ
ខេត្តសៀមរាប ៖ នគរបាលប្រឆាំងគ្រឿងញៀខេត្តបានសហការណ៍ជាមួយនគរបាលចម្រុះ បានចុះប្រតិបត្តិការបង្ក្រាបករណីខុសច្បាប់នូវសារធាតុញៀន រហូតឈានដល់ធ្វើការឃាត់ខ្លួនបានជនសង្ស័យចំនួន៦នាក់ ជាបន្តបន្ទាប់ នៅកន្លែងផ្សេងគ្នាក្នុងថ្ងៃតែមួយ ខណៈពួកគេកំពុងចែកចាយតាមដងផ្លូវសាធារណៈ និងនៅក្នុងបន្ទប់ជួល បង្កឱ្យមានការភ្ញាក់ផ្អើលដល់ពលរដ្ឋពេញក្រុងសៀមរាប រួចបញ្ជូនមកកាន់ការិយាល័យនគរបាលប្រឆាំងគ្រឿងញៀនខេត្ត ដើម្បីធ្វើការសួរនាំ រួចបញ្ជូនបន្តទៅមណ្ឌលកែប្រែ។ ហេតុការណ៍ចុះបង្ក្រាបករណីជួញដូរគ្រឿងញៀននេះ ធ្វើឡើងនៅថ្ងៃទី២៨ ខែកក្កដា ឆ្នាំ២០១៦ ស្ថិតនៅចំណុច២កន្លែងផ្សេងគ្នាក្នុងថ្ងៃតែមួយ គឺសង្កាត់ស្លក្រាម និងសង្កាត់ស្វាយដង្គំ ក្រុង/ខេត្តសៀមរាប។
លោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀន នៃស្នងការនគរបាលខេត្តបានប្រាប់ថា ក្នុងការចុះបង្ក្រាបករណីខាងលើនេះ កម្លាំងជំនាញបានឃាត់ខ្លួនជនសង្ស័យជាបន្តបន្ទាប់ចំនួន៦នាក់រួមមាន ទី១-ឈ្មោះ ហ៊ូត យិ ភេទប្រុស អាយុ២០ឆ្នាំ មុខរបរគ្មាន រស់នៅភូមិត្រពាំងសេះ សង្កាត់គោកចក ក្រុងសៀមរាប ឃាត់ខ្លួនថ្ងៃទី២៨ ខែកក្កដា ឆ្នាំ២០១៦(អ្នកប្រើប្រាស់) ទី២-ឈ្មោះ តៅ សុភា ភេទប្រុស អាយុ២៧ឆ្នាំ មុខរបរគ្មាន ស្នាក់នៅភូមិមណ្ឌល៣ សង្កាត់ស្លក្រាម ក្រុងសៀមរាប (អ្នកប្រើប្រាស់) ឃាត់ខ្លួនថ្ងៃទី២៨ ខែកក្កដា ឆ្នាំ២០១៦ ទី៣-ឈ្មោះ ផាន ផៃ ភេទប្រុស អាយុ៣១ឆ្នាំ មុខរបរគ្មាន ឃាត់ខ្លួនថ្ងៃទី២៥ ខែកក្កដា ឆ្នាំ២០១៦ (អ្នកប្រើប្រាស់) រស់នៅភូមិករសាំងរលីង សង្កាត់សៀមរាប ក្រុងសៀមរាប ទី៤-ឈ្មោះ ឆាយ សុភ័ណ្ឌ ភេទប្រុសអាយុ៣០ឆ្នាំ មុខរបរគ្មាន មានទីលំនៅភូមិស្វាយដង្គំ សង្កាត់ស្វាយដង្គំ ក្រុងសៀមរាប ទី៥-ឈ្មោះ ភ្លឺ ណាសៀក ជនជាតិឥស្លាម ភេទប្រុស អាយុ១៩ឆ្នាំ មុខរបរកាប់គោ រស់នៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប និងទី៦-ឈ្មោះ មូ សាស្លារី ជនជាតិឥស្លាម ភេទប្រុស អាយុ២២ឆ្នាំ មុខរបរកាប់គោ ស្នាក់នៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប។ បច្ចុប្បន្នជនសង្ស័យ ចំនួន៦នាក់ ត្រូវបានកម្លាំងជំនាញកសាង សំណុំរឿងបញ្ជូនទៅមណ្ឌលកែប្រែនៅថ្ងៃទី២៩ ខែកក្កដា ឆ្នាំ២០១៦៕
ចែករំលែកព័តមាននេះ