ខេត្តកំពង់ធំ ៖ ឆ្លៀតពេលវេលាដ៏មានតម្លៃ ក៏ដូចជាការគិតគូរពីសុខទុក្ខរបស់ប្រជាពលរដ្ឋក្រីក្រគ្រួសារយុទ្ធជនដែល ទៅបំពេញភារកិច្ចនៅសមរភូមិមុខការពារទឹកដីតាមបណ្តោយព្រំប្រទល់កម្ពុជា-ថៃផងនោះ
ខេត្តកំពង់ធំ ៖ ឆ្លៀតពេលវេលាដ៏មានតម្លៃ ក៏ដូចជាការគិតគូរពីសុខទុក្ខរបស់ប្រជាពលរដ្ឋក្រីក្រគ្រួសារយុទ្ធជនដែល ទៅបំពេញភារកិច្ចនៅសមរភូមិមុខការពារទឹកដីតាមបណ្តោយព្រំប្រទល់កម្ពុជា-ថៃផងនោះ។ ក្រុមគ្រួសារក្រីក្រស្ត្រីមេម៉ាយ៣នាក់បងប្អូនបង្កើតស្ម័គ្រមេត្រីយកប្តីរួមគ្នាតែមួយរស់នៅក្នុងផ្ទះតូចមួយ បង្កើតបានកូនប្រុស ស្រីចំនួន១៤នាក់ ស្រី២នាក់ រស់ក្នុងភូមិត្រពាំងខ្លង ឃុំច្រនាង ស្រុកបារាយណ៍ ខេត្ត
កំពង់ធំ កាលពីរសៀលថ្ងៃទី២៩ ខែកក្កដា ឆ្នាំ២០១៦ ត្រូវបានទទួលអំណោយ។
លោក ហាក់ម៉ុងហួត អភិបាលស្រុកបារាយណ៍ប្រាប់ថា នេះជាលើកទី៣ហើយដែលក្រុមគ្រួសារស្ត្រីមេម៉ាយទីទាល់ក្រ៣នាក់បងប្អូនបង្កើតបានស្ម័គ្រមេត្រីយកប្តីរួមគ្នាតែមួយរស់នៅក្នុងផ្ទះតូច១បង្កើតបានកូនប្រុសស្រីចំនួន១៤នាក់ ដែលមានប្តីឈ្មោះ អ៊ឹម អូរ (ស្លាប់) ចំណែកបងប្អូនទាំង៣រួមមានទី១.ឈ្មោះ អ៊ិន គៀង អាយុ៤៩ឆ្នាំ ទី២.ឈ្មោះ អ៊ិន យឿ អាយុ៤៧ឆ្នាំ និងទី៣.ឈ្មោះ អ៊ិន យីម អាយុ៤៥ឆ្នាំ ទើបតែស្លាប់ ។ នេះជាអំណោយលើកទី៣ រួមមានអង្ករ៥០គីឡូ មី២កេះ ទឹកបរិសុទ្ធ២កេះ ទឹកត្រី១យួរ ទឹកស៊ីអ៊ីវ១យួរ នំ២ថង់ និងថវិកា២០ម៉ឺនរៀល។
ឆ្លៀតក្នុងឱកាសនេះដែររូបលោក និងសហការីក៏បាននាំយកនូវអំណោយទៅជូនដល់គ្រួសារកងទ័ព ដែលត្រូវទៅបំពេញបេសកម្មការពារបូរណៈភាពទឹកដីនៅព្រំដែនកម្ពុជា-ថៃចំនួន៣គ្រួសារដោយក្នុង១គ្រួ
សារៗទទួលបានអង្ករ៥០គីឡូក្រាម មី២កេះ ទឹកបរិសុទ្ធ២កេះ ទឹកត្រី១យួរ ទឹកស៊ីអ៊ីវ១យួរ ត្រីខ១យួរ សារ៉ុង១ អាវយឺត១ និងថវិកា១០ម៉ឺនរៀល និងបានបន្តដំណើរទៅជួយឧបត្ថម្ភដល់គ្រួសារសពយុវជនឈ្មោះ ម៉ិល ឈីន អាយុ២៩ឆ្នាំ ដែលជួបនូវឧប្បត្តិហេតុស្លាប់ដោយសាររន្ទះបាញ់កាលពីល្ងាចថ្ងៃទី២៨ ខែកក្កដា ឆ្នាំ២០១៦ ខណៈរូបគេដេញគោមកផ្ទះដល់ចំណុចក្រៅភូមិត្រពាំងខ្លង ឃុំច្រនាង ស្រុកបារាយណ៍ ជាសម្ភារសរុបជាប្រាក់៣៥ម៉ឺនរៀល៕
ចែករំលែកព័តមាននេះ